NEHEMIA 8:16 - Sura' Madatu

¹⁶ Sia la napatassu’ tau iato mai tu misa’ parenta, la mesua umpetambanni lan lu mintu’ kotana tau iato mai sia lan Yerusalem, kumua: Tassu’komi male langngan buntu, ammi baai dio mai tu tangke saitun, tangke saitun pangala’, tangke murdu’, tangke koroma sia tangke makamban daunna, la digaragai kalumba, susitu mangka disura’.

NEHEMIA 8:16 Iomraidhean Croise

2 SAMUEL 11:2

Den pissan tonna la makaroenmo millikmi tu Daud diong mai katindoanna, anna sumalong-malong dao bubungan tongkonan layukna; ta’kala natiromi dao mai bubungan iato tu misa’ baine marassan mendio’; iatu baine iato lendu’ ia melona pantarisanna.

2 DATU 14:13

Iatu Yoas, datu Israel, untingkan Amazia, anakna Yoas, datu Yehuda, dio Bet-Semes. Tarru’mi tu Yoas lako Yerusalem, natuanni tu rinding tembo’ Yerusalem, randuk dio mai babangan Efraim sae lako babangan Tetuk, a’pa’ ratu’ sikunna.

2 OSSORANNA DATU 20:5

Bendanmi tu Yosafat lan tangngana kombongan to Yehuda sia to Yerusalem dio banuanNa PUANG dio tingayo tarampak ba’ru,

2 OSSORANNA DATU 33:5

Sia napabendanan ba’tu pira-pira inan pemalaran tu mintu ma’dandan maritik lan to da’dua tarampak banuanNa PUANG.

NEHEMIA 12:37

Iatonna lendu’mo dio to’ babangan Kalimbuang, kendekmi langngan unnola eran kotana Daud dio tingayona, tu nanii rinding tembo’ ma’palulangngan, ullendu’i tongkonan layukna Daud, nake’de’ tu tau iato mai sae lako babangan Uai dio rampe matallo.

NEHEMIA 12:39

ullendu’i babangan Efraim, babangan Tua na babangan Bale sia ullendu’i menara Hananeel sia menara Mea sae lako babangan Domba; tadangmi tu tau iato mai dio babangan Tarungku.

NEHEMIA 3:26

– iatu mintu’ to pabalian lan Banua Kabusungan torro dio Ofel – sae lako babangan Uai dio rampe matallona sia sae lako menara tarangso lako salian.

NEHEMIA 8:1

Iatonna randukmo bulan ma’pempitu, tonna lanmo lu kotana tu to Israel,

NEHEMIA 8:3

Nabaami to minaa Ezra tu sura’ Sukaran aluk lako tingayo kombongan, la muane la baine sia mintu’ tu to ma’dinmo untandai tonna allo bunga’na bulan ma’pempitu.

YEREMIA 19:13

Mintu’ banua dio Yerusalem sia mintu’ tongkonan layukna datu Yehuda la maruttak susi inan dio Tofet, iamotu mintu’ banua dao sotona nanii tau untunu pemala’ lako mintu’ ma’dandan maritik dao langi’ sia umpemalaran pemala’ pantedok lako kapenomban senga’.

YEREMIA 32:29

Iatu mintu’ to Kasdim, tu urrarii te kota iate la male tama anna padukkui api sia naballa sola tu mai banua, tu dao bubunganna nanii tau iato mai untunu pemala’ lako Baal sia umpemalaran pemala’ pantedok lako Kapenomban senga’, tu napobannang tau iato mai umpa’dikki penaangKu.

PA’TOLE 22:8

Iake umbangunko misa’ banua ba’ru, la murompo tu soto banuammu, da muparampoi to’doan rara tu banuammu, ke denni misa’ tau tobang dao mai.