NEHEMIA 7:1 - Sura' Madatu

¹ Iatonna sundunmo dibangun sule tu rinding tembo’, kupalakoimi ba’bana sia kuangka’ tu mai to ma’kampa babangan, to menani sia to Lewi.

NEHEMIA 7:1 Iomraidhean Croise

2 DATU 7:10

Saemi metamba-tamba tu tau iato mai lako to ma’kampa kota, naparampoi lako nakua: Kilambi’mo tu inan surodadu to Aram, mangngakan, moi misa’ tau tae’mo dio, moi gamara tae’ duka, sangadinna darang mannamo ba’tu pira-pira disangkin sia ba’tu pira-pira duka keledai disangkin sia iatu tenda bendan susi bangsiato dinii.

2 OSSORANNA DATU 31:2

Napamanassami Hizkia tu mintu’ golongan to minaa sia to Lewi, sitinaya pentoeanna to minaa ba’tu to Lewi, la umpemalaran pemala’ ditunu pu’pu’ sia pemala’ kasalamaran, la mengkarang sia umpudi-pudi sia ussa’bu’ pa’pudi-pudian lan babangan to’ tendaNa PUANG.

EZRA 3:8

Iatonna taun ma’penduan, bulan ma’penduan tonna rampomo tu tau iato mai lako banuanNa Puang Matua dio Yerusalem, randukmi tu Zerubabel, anakna Sealtiel, sia Yesua, anakna Yozadak, sia mintu’ siulu’ senga’na, iamotu mintu’ to minaa sia to Lewi sia mintu’ tu to dipali’ tu rampomo lako Yerusalem, unnangka’ to Lewi, randuk dio mai duangpulo taunna ba’tu la’bi la untiroi tu pengkarangan dio banuanNa PUANG.

NEHEMIA 10:39

Belanna tama bilik iato sipatu tu to Israel sia to Lewi la umbaai tu gandung pa’duruk, uai anggoro’ ba’ru sia minna’; inde to dio nanii tu mintu’ pareanan maindan sia nanii tominaa umpogau’ kamenomban sia to ma’kampa babangan sia tomenani. Iatu banuanNa Kapenombanta tae’ tala umpopa’elo’nai.

NEHEMIA 11:3

Inde sia tu mintu’ pangulu propinsi, tu ma’tondok lan Yerusalem; – nalan lu kota Yehuda pada torromo tu tau iato mai dio lu mana’na, lan lu kotana, iamotu to Israel, tominaa, to Lewi, to pabali-balian lan Banua Kabusungan sia bati’na taunna Salomo.

NEHEMIA 12:24

Iatu pangulunna mintu’ to Lewi, iamo Hasabya, Serebya, na Yesua, anakna Kadmiel; iatu mintu’ siulu’na, tu bendan sitingoan, ma’dandanan siamping sisanglaoan, la umpakendek pa’pudi-pudian sia nanian pa’tendeng, situru’ tu pepasanna Daud, taunNa Puang Matua,

NEHEMIA 6:1

Iatonna rangimi Sanbalat, Tobia sia Gesyem, to Arab, sia mintu’ uali senga’ta, kumua kusundunnimo umbangunni sule tu rinding tembo’ sia tae’mo torro tu lo’bangna, moi tae’pa kupalakoi tu ba’bana lan babangan,

NEHEMIA 6:15

Disundunnimi tu rinding tembo’ tonna allo ma’penduangpulo llima bulan Elul, iamotu lan limangpulo ndua allona.

NEHEMIA 6:19

Sia natendeng tu mintu’ kameloanna dio tingayoku sia naparampo tu mintu’ kadangku lako kalena. Iatu Tobia umpakatu sura’ la umpakataku’na’.