NEHEMIA 4:6 - Sura' Madatu

⁶ Apa kibangun sule tu rinding tembo’ iato, anna sundunmo tu mintu’ rinding tembo’ sae lako sesena, belanna napa’inaai tu to buda mengkarang.

NEHEMIA 4:6 Iomraidhean Croise

1 OSSORANNA DATU 29:14

Belanna mindara’ te na mindara tu bangsaku, angki appa’ kamatotoran ussorongi situang kamasorokan penaangki tu pamengan susite? Belanna mintu’na te lu dio mai Kalemi, angki sorongangKomi tu apa lu dio mai limamMi.

1 OSSORANNA DATU 29:3

Ondongpi, belanna kukamali’ tu banuanNa Kapenombangku, iamoto kualai tu ianan kaleku, kusorongan banuanNa Kapenombangku, iamotu bulaan sia salaka, senga’pi tu apa kuparandanan inan maindan:

2 OSSORANNA DATU 29:36

Parannu-rannumi tu Hizkia sia mintu’ to buda tu diona apa mangka Naparandan Puang Matua lako taunNa, belanna madoi’ lalo te apa iate.

NEHEMIA 4:5

Da Misamboi tu kakadakeanna tau iato mai sia da nadipa’dei tu kasalanna dio oloMi, belanna iatu tau iato mai umpa’dikki penaanna mintu’ tau ma’bangun sule. –

NEHEMIA 4:7

Iatonna rangimi Sanbalat sia Tobia sia to Arab sia to Amon sia to Asdod kumua mukkunmo dipemeloi tu rinding tembo’ Yerusalem sia mintu’ lo’po’na dilepe’mo, re’dek tonganmi tu ara’na,

NEHEMIA 6:15

Disundunnimi tu rinding tembo’ tonna allo ma’penduangpulo llima bulan Elul, iamotu lan limangpulo ndua allona.

PA’PUDIAN 110:3

Iatu taumMu masorok penaanna ussorong kalena, ke Muarakki lao parari. Anna situang kassa’ diangkaran lako malolona tu to manguramMu siduruk lako Kalemu, butungi to to’do ambun natambuk dannari lambe’.

PA’PUDIAN 122:3

Iatu Yerusalem mangka dibangun matoto’, butung kota, nanii banua sitoe bang lan.

HAGAI 1:14

Napatiakka’mi PUANG tu penaanna Zerubabel, anakna Sealtiel, to maraya Yehuda, sia penaanna Yosua, anakna Yozadak, tominaa kapua, sia penaanna mintu’ to buda, tu torronapa, anna sae tu tau iato mai ungkarangi tu pengkarangan dio banuanNa PUANGna mintu’ ma’dandan maritik, Kapenombanna tau iato mai,

FILIPI 2:13

belanna Puang Matua Ia umpasirundunanni lan kalemi, la iatu diongna penaa, la dipogau’na tete dio kamasorokanNa.

IBRANI 13:21

anna Iamora umpasakka’komi lan mintu’ melona, ammi pogau’i tu pa’poraianNa; sia Ia dukamora umpadenni lan kaleta tu Naporainna tete dio Yesu Kristus. Lu lako Kalena tu kamala’biran tontong sae lakona! Amin.