NEHEMIA 4:2 - Sura' Madatu

² sia ma’kada dio olona siulu’na sia mintu’ surodadu Samaria nakua: Apa todaoia napogau’ tu to Yahudi langga’? Sipaturaka la dipopa’elo’na bang tu tau iato mai? Ma’dinraka la memala’? Ma’dinraka la namangkai allo totemo? Ma’dinraka la napatuo sule tu batu tembo’ ro’pok tu nakandemo api?

NEHEMIA 4:2 Iomraidhean Croise

EZRA 4:4

Napalangga’mi pa’tondokan iato tu bangsa Yehuda, sia napakataku’ tau iato mai la umbangunni tu banua.

NEHEMIA 12:27

Iatonna dirara tu rinding tembo’ Yerusalem ditambaimi tu mintu’ to Lewi dio mai mintu’ inanna male lako Yerusalem, anna pogau’ pa’gauran mangrara sia umpopenani pa’pudi-pudian sia penanian napasiala taa’-taa’, dandi na katapi.

NEHEMIA 12:43

Allo iato napemalaran tau iato mai tu pemala’ buda; anna siparannu-rannuan, belanna Napaparannu tongan Puang Matua tu penaanna; ia duka tu mai baine sia iatu mai pia parannu-rannu, naurunganni iatu kaparannuanna tau lan Yerusalem mambela nanii karangian.

NEHEMIA 4:10

Ma’kadami tu to Yehuda nakua: Iatu kamatotoranna mintu’ to mamulle langga’mo, nabudapa tu batu tiserang-serang, kiurunganni tang pakullemo la umbangunni tu rinding tembo’.

NEHEMIA 6:15

Disundunnimi tu rinding tembo’ tonna allo ma’penduangpulo llima bulan Elul, iamotu lan limangpulo ndua allona.

PA’PUDIAN 83:4

Sama turu’ untannun tangnga’ kadake unnea taumMi, sia sipakulu-kulumo la umbali mintu’ to tang Mipairi’i angin.

YEREMIA 26:18

Iatonna linona Hizkia, datu Yehuda, ma’nubua’mi Mikha, to Moresyet sia ma’kada lako mintu’ bangsa Yehuda, nakua: Inde sia tu kadanNa PUANGna mintu’ ma’dandan maritik, kumua: Iatu Sion la ditengko susi pa’lak sia Yerusalem la daun lauan, sia iatu buntu nanii Banua Kabusungan la membuntu pangala’ kamban.

YEREMIA 33:24

Tae’raka mupalan penaai tu apa napokada bangsa iate, nakua: Iatu da’dua pa’rapuan tu mangka Napilei langsa’ PUANG, Natibemo, Nasayu tu taungKu, nasanga butung to tangiamo misa’ bangsa.

DANIEL 9:25

Issanni sia tandai, kumua randuk dio mai attu tassu’na tu kada la umpemeloi sia umbangunni sule tu Yerusalem sae lako kaparentanna misa’ to ditokko, iamotu misa’ arung, den pitung minggu, sia annan pulona ndua minggu la dinii umpemeloi sia umbangunni, anna torro susito, sola tana lapangna sia kalo’na, apa siappa’ attu kadipakario-rioan.

HABAKUK 3:2

O PUANG, kurangimo tu karebamMi, mataku’na’, o PUANG, lako penggauramMi; palaloi tu iannato lan taun-taun la sae, pasomboi tu iannato lan taun-taun la sae; lan attu kasengkean la Mikilalai tu pa’kamasean.

ZAKHARIA 12:8

Allo iato PUANG la urrerungi tu mintu’ to lan Yerusalem, naminda-minda tu titodo dio lu tau iato mai allo iato la susi Daud, na iatu bati’na Daud la susi Puang Matua, sia la sangtinti Malaeka’na PUANG dio tingayona tau iato mai.

ZAKHARIA 4:10

Belanna mindara tu untapa’ allo nanii bitti’pa tu mintu’ apa? Manassa la parannu penaanna tu tau iato mai, ke natiroi tu batu petimbang lan lu limanna Zerubabel. – Iate pitu apa iate iamotu matanNa PUANG tu umpenunu mintu’ lino tiku lao.

1 KORINTUS 1:27

apa iatu dipetaainna lan te lino Napilei Puang Matua, kumua anNa pakasiri’i tu to kinaa, sia langga’na lan te lino Napilei Puang Matua, kumua anNa pakasiri’i tu mawatangna,