NEHEMIA 4:1 - Sura' Madatu

¹ Apa iatonna rangimi Sanbalat kumua kibangunmo sule tu rinding tembo’, re’dekmi tu ara’na sia mapa’dik tu penaanna. Natelle-tellemi tu to Yahudi,

NEHEMIA 4:1 Iomraidhean Croise

NEHEMIA 13:28

Iatu anakna Yoyada misa’, anakna Elyasib, tominaa kapua, iamo anak minintunna Sanbalat to Horoni. Iamoto angku rambai male.

NEHEMIA 2:10

Iatonna rangimi Sanbalat, to Horon sia Tobia, kaunan to Amon, lendu’mi mapa’di’na penaanna, kumua saemo misa’ tau la undakaran melo to Israel.

NEHEMIA 2:19

Iatonna rangimi Sanbalat, to Horon sia Tobia, kaunan to Amon sia Gesyem, to Arab tu iannato, ma’tellemi sia ma’lo’bo tu tau iato mai lako kaleki, nakua: Apa toda kamu mipogau’? La umbalirokomika datu?

NEHEMIA 6:15

Disundunnimi tu rinding tembo’ tonna allo ma’penduangpulo llima bulan Elul, iamotu lan limangpulo ndua allona.

NEHEMIA 6:16

Iatonna rangimi ualingki tu iannato, mataku’mi tu mintu’ bangsa untikuikan sia rosso penaanna, anna mangaku kumua iate pengkarangan iate dikarang tete dio pa’tunduanNa Kapenombanta.

YEREMIA 38:19

Nakuami Zedekia lako Yeremia: Mataku’na lako mintu’ to Yehuda, tu menta’pamo lako to Kasdim, nasorongna’ manii lako tau iato mai, anna telle-tellena’.

MATIUS 2:16

Undinna tonna issanmi Herodes kumua napakena to patanda-tandan, lendu’mi sengkena, nasuami tu tau lao umpatei tu mintu’ pia’-pia’ muane, tu lanna tondok Betlehem sia lan mintu’ lili’na, tu ma’angge duang taunnamo dadinna, naagian dio mai tu mangkanna napesumpu lako to patanda-tandan.

MATIUS 27:29

Sia naampinniran sa’pi’ duri, napasa’pi’i, napatangkei tekken tallang tu lima kananNa; namalinguntu’ dio tingayoNa untelle-telleI, nakua: Tabe’ datu to Yahudi!

PENGGAURANNA RASULU’ 5:17

Ke’de’mi tu Tominaa Kapua sola mintu’ solana, tu mai sangserekanna to Saduki, ponno bangmo kamabirisan lan penaanna,

IBRANI 11:36

Na iatu to senga’ umpatanan peroso, petelle-telle, sia diongkan-ongkan, sia rante bassi sola pa’tarungkuan.