NEHEMIA 2:3 - Sura' Madatu

³ Ma’kadamo’ lako datu kukua: Namasakkemora tu datu tontong sae lakona! Umba nakua tang la maru’gun lindoku ditiro, na dio lu kota iamotu inan nanii lamunanna nene’ to doloku, sanggangmo sia iatu babanganna puramo nakande api.

NEHEMIA 2:3 Iomraidhean Croise

1 DATU 1:31

Mengguntu’mi tu Batsyeba anna tukku sae rokko padang sia menomba dio olona datu, anna ma’kada nakua: Namaupa’mora tu puangku datu Daud sae lakona!

2 DATU 25:8

Iatonna bulan ma’pellima, allo ma’pempitu bulan iato, – iamotu taun ma’pessangpulo kaseranna kadatuanna Nebukadnezar, datu Babel –, saemi lako Yerusalem tu Nebuzaradan, pangulu to ma’kampa, to mase’ponna datu Babel.

2 OSSORANNA DATU 21:20

Iatonna tallungpulomo ndua taunna, dadimi datu, anna ma’parenta dio Yerusalem karua taunna, matemi tang didikkanan. Napeliangmi tau lan kotana Daud, apa tae’ nalan liangna mintu’ datu.

2 OSSORANNA DATU 28:27

Iatu Ahas malemo tama batu dilobang sola nene’ to dolona, anna dipeliang lan kota, lan Yerusalem, apa tae’ napatamai tau liangna mintu’ datu Israel. Na Hizkia, anakna muane, ussondai dadi datu.

2 OSSORANNA DATU 32:33

Iatu Hizkia malemo tama batu dilobang sola nene’ to dolona sia dipeliang dio to’ se’pon, nanii liangna bati’na Daud, namintu’ to Yehuda sia to lan Yerusalem umpakarayai lan attu kamateanna. Anna Manasye, anakna muane, ussondai dadi datu.

2 OSSORANNA DATU 36:19

Sia pura naballa tu banuanNa Puang Matua sia narondon tu rinding tembo’ Yerusalem, sia mintu’ tongkonan layukna pura naballa api, sia iatu mintu’ pareanan mellong nasanggang-sanggang duka.

NEHEMIA 1:3

Ma’kadami tu tau iato mai lako kaleku nakua: Iatu mintu’ to torropa, iamotu torronapa dio mai to dipali’, tu lan propinsi iato, lan kamandasan kapua sia kadibelleran, sia iatu rinding tembo’ Yerusalem ro’pokmo, na iatu babanganna pura diballa api.

NEHEMIA 2:13

Iatonna ibongi tassu’mo’ lan mai babangan Lombok, ma’palulako kalimbuang Ula’, tarru’ lako babangan Au, sia kuparessa tu rinding tembo’ Yerusalem, tu ro’pokmo sia iatu babanganna tu puramo diballa api.

ESTER 8:6

Belanna umbara la kukua ungkullei la untiroi tu kamandasan urrampoi bangsaku sia umbara dikka’ la kukua ungkullei la untiroi tu kasangganganna mintu’ pa’rapuangku?

PA’PUDIAN 102:14

La ke’deKomi sia la ungkaturu-turui Sion, belanna iatu attu ungkaturu-turui, tu attu pura dilampak nalambi’mo!

PA’PUDIAN 102:15

Belanna mintu’ taumMi ungkamali’ batunna Sion, sia tang namasean tu barra’-barra’na.

PA’PUDIAN 137:6

Nala’ka’mora tu lilaku langngan langi’-langi’ku, ke susinna tae’i angku kilalaiko, ke susinna tang kupakasallei tu Yerusalem losong anna iatu kasendean ma’iringangku.

PA’PUDIAN 38:7

Tikongko-kongkona’ sia bukku’ tonganmo’, kiallo-kiallo butungna’ to sidudung pote.

YEREMIA 52:12

Iatonna bulan ma’pellima, allo ma’pessangpulo bulan iato, iamotu taun ma’pessangpulo kaseranna kadatuanna Nebukadnezar, datu Babel, saemi lako Yerusalem tu Nebuzaradan, pangulu to ma’kampa, tu mareke’na datu Babel.

BATING 2:9

Iatu babanganna lamma’ nasang rokko padang, iatu salli’na nasanggangmo sia Natesse-tesse; iatu datunna sia iatu mai arungna mentialla’mo dio lu mintu’ bangsa, iatu pangadaran diona sukaran aluk tae’mo; sia iatu mai nabi tang unnappa’mo patiro mendeata dio mai PUANG.

DANIEL 2:4

Ma’kadami tu to Kasdim lako datu (ma’basa Arami), nakua: Namasakkemora tu datu sae lakona! pokadanni taummi tu tindo iato, angki sembangi.

DANIEL 3:9

Messimanmi tu tau iato nama’kada lako datu Nebukadnezar, nakua: Namasakkemora tu datu sae lakona!

DANIEL 5:10

Iatonna rangimi datu baine tu kadanna datu sia mintu’ to ma’parentana, tamami to’ inan pa’maruasan. Ma’kadami tu datu baine nakua: Namasakkemora tu datu sae lakona! Da naiatu tangnga’mi umpamagiangkomi, sia da nabali’ tu rupammi.

DANIEL 6:21

Iatonna reke’mi tu lo’ko’ singa, tang masero bangmo gamaranna tu datu untambai Daniel belanna masussa, anna ma’kada lako Daniel nakua: E Daniel, taunNa Puang Matua matontongan, iatu Kapenombanmu tu tontong mupengkaolai, Narampanan siarokoka dio mai singa?

DANIEL 6:6

Ma’kadami tu tau iato mai nakua: Tae’ bang bannangna takabu’tui la umpa’parampoanni tu Daniel, sangadinna ke diona kapengkaolan langngan Kapenombanna tanii unnappa’ bannangna la umpa’parampoanni.

SURA’ KATOMINAAN 26:31

Iatu mai kotami la Kupadaun lauanmo sia la Kusanggang tu inan maindanmi sia manokaMo’ unnudukki tu bau busarungngu’na tu apa la mitunuanNa’.