NEHEMIA 1:7 - Sura' Madatu

⁷ Kadake tongan tu gau’ki lako Kalemi, belanna tae’mo kikaritutui tu pepasanMi, apa Mipondok sia atoramMi, tu Mipasan lako Musa, taumMi.

NEHEMIA 1:7 Iomraidhean Croise

1 DATU 2:3

Sia pogau’i tu mintu’ Natuntunna PUANG, Kapenombammu: iamotu unturu’ lalanNa sia ungkaritutui mintu’ apa Napondok sia pepasanNa sia atoranNa sia pangadaranNa, susitu mintu’ apa disura’ lan sukaran alukna Musa, ammu palolang marampa’i tu mintu’ apa mupogau’ sia mintu’ apa mukarang.

2 OSSORANNA DATU 25:4

Apa iatu anakna tau iato mai tae’ napatei, susitu disura’ lan Sukaran aluk, iamotu lan sura’na Musa, tu Nanii PUANG mepasan Nakua: Tae’ nala mate tu mai ambe’ natumang anakna, sia tae’ nala mate tu mai anak natumang ambe’na sangadinna pantan la mate natumang kasalanna kalena.

2 OSSORANNA DATU 27:2

Napogau’mi tu apa malolo dio pentiroNa PUANG susitu mintu’ napogau’ Uzia, ambe’na, apa tae’ natama banua kabusunganNa PUANG. Apa iatu to buda tontong bangpa ma’gau’ kadake.

EZRA 7:6

iamote tu Ezra ke’de’ dio mai Babel. Ia misa’ pandita sura’, tu manarang lan Sukaran alukna Musa, tu Napa’bengan PUANG, Kapenombanna to Israel; nabenmi datu tu mintu’ pa’poraianna, belanna narondong limanNa PUANG, Kapenombanna.

PA’PUDIAN 106:6

Mangkamokan kasalan susito doloki, sia umpogau’mokan kakadakean sia tang mekaalukmokan.

PA’PUDIAN 89:31

Iake naboko’i bati’na tu Sukaran alukKu, sia tae’ anna karitutui tu atorangKu,

PA’PUDIAN 89:32

Iake natengkai tu Kupondokna, sia tae’ nakaritutui tu pepasanKu.

YESAYA 1:4

Upu’ allona tu to kasalan, tu bangsa natondon kakadakeanna, bati’ to kadake sia taruk to bulituk! Natampe tu PUANG, sia nabelle’ tu To maserona to Israel sia memboko’.

DANIEL 9:11

Ondongpi mintu’na to Israel untengkaimo Sukaran alukMi sia memboko’mo, belanna tae’ naperangii tu gamaramMi. Iamoto anna dibarrakan lako kaleki tu tampak ropu, tu diarra’i sumpa, tu mangka disura’ lan Sukaran alukna Musa, taunNa Puang Matua, belanna kasalammokan lako Kalena.

DANIEL 9:13

Susitu disura’ lan Sukaran alukna Musa, susi dukamoto tu mintu’ kasanggangan iate urrampoikan, sia tae’ kiparadan kasengkeanNa PUANG, Kapenombangki, belanna tae’ kimengkatoba’ dio mai kakadakeangki sia tae’ kipalan penaa kamanapparamMi.

HOSEA 9:9

Lendu’ ia kadakena penggauranna, susi lan allona Gibea: La Nakilalai Puang tu kakadakeanna sia la Naukung tu kasalanna.

SURA’ KATOMINAAN 27:34

Iamote tu pepasan Napa’bengan PUANG lako Musa dao buntu Sinai, la naparampo lako to Israel.

ZEFANYA 3:7

Ma’kadaNa’ Kukua: Kataku’Na’ sia tarimai tu peada’; iake susito, iatu inanna tae’ nala disabu’i situru’ tu mintu’ ukungan tu la Kuparampoanni. Apa natikarai pissan umpogau’i tu mintu’ kakadakeanna.

MALEAKHI 4:4

La mikilalai tu Sukaran alukna Musa, taungKu, tu Kupokadanni dao Horeb, anna karitutui mintu’ to Israel, iamotu apa dipondok sia atoran.

PA’TOLE 4:1

Totemo, e to Israel, perangii te aluk dipondok sia atoran tu kuadarangkomi, kumua ammi turu’i, ammi tuo sia male tama tondok sia mipoapai, tu la Nabenkomi PUANG, Kapenombanna nene’ to dolomi.

PA’TOLE 4:5

Manassa mangkamokomi kuada’i tu aluk dipondok sia atoran, susitu mangka Napasan PUANG, Kapenombangku, lako kaleku, kumua ammi pogau’i susito lan tondok, tu la miala, mipoapai.

PA’TOLE 5:1

Natambai Musa tu mintu’ to Israel, sirampun nama’kada lako nakua: Perangii, e to Israel, tu aluk dipondok sia atoran, tu kupa’perangian allo iate, kumua ammi pelada’i sia mikaritutui.

PA’TOLE 6:1

Inde sia tu pepasan, inde sia tu apa dipondok sia atoran, tu mangka Napa’parentan PUANG, Kapenombammi, la diadarangkomi, la mituru’ lan tondok, tu la minii male lako, la miala mipoapa,

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.