NEHEMIA 1:6 - Sura' Madatu

⁶ La Mitanding talinga sia la Mibidaran tu matamMi la umperangii passambayangna taumMi, tu kupennoloan lako Kalemi keallo sia kebongi diona to Israel, taumMi; kupangakuammo tu kasalanna to Israel, tu kipogau’ umbaliKomi; ia duka tu aku sia sangdadiangku umpogau’ nasangmokanni kasalan.

NEHEMIA 1:6 Iomraidhean Croise

1 DATU 8:30

Perangii tu pengkamoyana taumMi sia taumMi to Israel, tu la napennoloan lan inan iate. Manassa la Miperangii sia lan mai inan Minii torro, iamotu dao suruga; sia iamMi rangimi, la Mipa’dei tu kasalangki.

1 DATU 8:47

sia iake napalan penaai tau iato mai tu apa iato lan tu tondok dinii male umpali’i, anna mengkatoba’ sia mengkamoya lako Kalemi lan tondokna tu to umpali’i sia ma’kada nakua: kasalammokan, umpogau’mokan kakadakean sia tang mekaalukmokan,

2 OSSORANNA DATU 28:10

Sia totemo misangamo mipandasa tu tau dio mai Yehuda sia dio mai Yerusalem susi kaunan muane sia kaunan baine. Apa tae’ dukaraka nakapua kasalammi lako PUANG, Kapenombammi?

2 OSSORANNA DATU 29:6

Belanna iatu mai ambe’ta tang maruru’ tonnanu’, umpogau’mo apa kadake dio pentiroNa PUANG, Kapenombanta, sia natampemo sia tae’mo nasailei tu inanNa PUANG sia naboko’imo.

2 OSSORANNA DATU 6:40

Iamoto, o Kapenombangku, la Mitiro sia la Miperangii tu passambayang indete inan iate.

EZRA 10:1

Iatonna marassan tu Ezra massambayang sia unnaku kasalanna sia tumangi’ tukku dio tingayo banuanNa Puang Matua, sirampunmi tu tau buda tongan dio mai to Israel lako kalena, iamotu muane, baine sia pia, belanna iatu to buda randukmo siurrukan.

EZRA 10:11

Apa totemo pangke’i tu PUANG, Kapenombanna nene’ todolomi, sia pogau’i tu apa nakalo’ penaanNa sia toyangangkomi kalemi dio mai mintu’ bangsa lan tondok iate sia dio mai mintu’ baine senga’.

NEHEMIA 1:11

O PUANG, tananni talingamMi tu passambayangna taumMi sia iatu passambayangna mintu’ taumMi, tu parannu penaanna ungkabangnga’ sangamMi, sia pamaupa’i tu taumMi allo iate, dennoupa’ nalolongan kamamasean dio olona tau iate. Belanna iate aku te pangulu to ma’pairu’na datu.

PA’PUDIAN 102:17

Belanna Nabangunmo PUANG tu Sion, anna payan tu Puang situang kamala’biranNa.

PA’PUDIAN 106:6

Mangkamokan kasalan susito doloki, sia umpogau’mokan kakadakean sia tang mekaalukmokan.

PA’PUDIAN 130:2

O Puang, perangii tu gamarangku, sangapaoi amMi tanding talingai tu mintu’ pengkamoyaku.

PA’PUDIAN 32:5

Angku tuarasan kasalangku mati’ Kalemi, sia tae’ angku buni kakadakeangku; kukuami ma’kada: La unnakuna’ kapatodo-tintingangku lako PUANG. Sela AmMi pa’deimi tu kakadakeangku sia kasalangku.

PA’PUDIAN 34:15

Lempanganni tu kakadakean sia pogau’i tu kameloan, daka’i tu kamarampasan sia ula’i.

PA’PUDIAN 55:17

Apa iatu aku te meongli’na’ lako Puang Matua, na PUANG la ullendokanna’.

PA’PUDIAN 88:1

Misa’ nanian pa’pudianna bati’na Korah. Lu lakona pangala sengo. Unturu’ baenan sengo: Mahalat Leanot, Misa’ gelong bangunan ada’na Heman, to Ezrahi.

YESAYA 6:5

Kukuami: Upu’ alloku, sumpu sumandakku, belanna aku te to maruttak puduk sia torrona’ sirau misa’ bangsa maruttak puduk, na nata’paimo matangku tu Datu, tu PUANGna mintu’ ma’dandan maritik.

BATING 5:7

Iatu mai ambe’ki kasalammo, totemo pa’demo, na iatu mintu’ salana, kami nasang umpassanni.

DANIEL 9:15

Tonganna, o Puang, Kapenombangki, tu mangka ussolan taumMi tassu’ lan mai tondok Mesir tete dio lima mawatang sia iatu umpakalelean sangamMi, susi allo iate, kasalammokan sia tang mekaalukmokan.

DANIEL 9:20

Marassan bangsiapa’ ma’kada sia massambayang sia unnaku kasalangku sia kasalanna bangsaku to Israel sia umbarrakan pengkamoyaku langngan PUANG, Kapenombangku, diona buntu maindanna Kapenombangku,

DANIEL 9:4

Massambayangmo’ langngan PUANG, Kapenombangku sia mangaku sala, kukua: O Puang, Puang Matua pasareongan sia metakuran, tu ungkanana’i basse sia kamasokanan lako tu mintu’ to ungkamali’Komi sia ungkaritutui pepasanMi.

DANIEL 9:5

Kasalammokan sia patodo tinting, tang mekaalukmokan sia pabali-bali; untanannimokan boko’ pepasanMi sia atoramMi.

DANIEL 9:8

O PUANG, natodingmokan siri’ sia iatu mai datungki, arungki sia nene’ to doloki, belanna kasalammokanni lako Kalemi.

LUKAS 18:7

Tae’raka nala umpakaloloi Puang Matua tu kara-karana mintu’ to Napilei, tu napalakunna nametamba-tamba lako keallo kebongi sia maremparaka ungkilalai tu tau iato?

LUKAS 2:37

balumo na umbai karuamo pulona nna’pa’ taunna; tae’ bang namemboko’ lan mai banuanNa Puang Matua umpenombai Puang Matua, ma’puasa bang sia massambayang keallo kebongi.

EFESUS 2:3

Lan bilanganna tu tau iato mai, kita duka sola nasang te, dolona mangkamoki’ unturu’ kamailuanna pa’kaleanta, anta pogau’i tu pa’poraian pa’kalean sia lalan inaanta sia tenmoki’ a’gan pia naonganni kasengkean susito senga’.

1 TIMOTIUS 5:5

Iatu baine balu tongan, tu misa-misamora, iamo marannu lako Puang Matua, sia tontong batta’ lan palakunna sia passambayangan allo bongi.

2 TIMOTIUS 1:3

Ma’kurre sumanga’na’ langngan Puang Matua, tu kupenombai susi nene’ to doloku situru’ sukaran inaa masero, kumua tae’ ka’tungku ungkilalaiko lan mintu’ passambayangku keallo kebongi.

1 YOHANES 1:9

Apa iake taakui tu mintu’ kasalanta, maruru’ sia malambu’ Ia tu Puang Matua, la umpa’dei mintu’ kasalanta, sia usseroiki’ dio mai mintu’ kakadakeanta.

1 SAMUEL 15:11

MenassanNa’, belanna Kuangka’ tu Saul dadi datu, belanna toyangmo dio mai Kaleku sia tae’mo naturu’i tu parentaKu. Massengmi penaanna tu Samuel, anna meongli’ lako PUANG situ’turan bongi.