NEHEMIA 1:3 - Sura' Madatu

³ Ma’kadami tu tau iato mai lako kaleku nakua: Iatu mintu’ to torropa, iamotu torronapa dio mai to dipali’, tu lan propinsi iato, lan kamandasan kapua sia kadibelleran, sia iatu rinding tembo’ Yerusalem ro’pokmo, na iatu babanganna pura diballa api.

NEHEMIA 1:3 Iomraidhean Croise

1 DATU 9:7

manassa la Kuurakki tu to Israel dio mai tu padang Kukamaseanni, sia iate banua mangka Kupamarimbanganan sangangKu, la Kutumpu dio mai oloKu, naurunganni iatu to Israel la dipoparumbasan sia la dadi misa’ kaditellean dio lu mintu’ bangsa.

2 DATU 25:10

Iatu rinding tembo’ Yerusalem tiku lao natuan mintu’ surodadu to Kasdim tu nasolan pangulu to ma’kampa.

2 OSSORANNA DATU 36:19

Sia pura naballa tu banuanNa Puang Matua sia narondon tu rinding tembo’ Yerusalem, sia mintu’ tongkonan layukna pura naballa api, sia iatu mintu’ pareanan mellong nasanggang-sanggang duka.

EZRA 2:1

Inde sia tu to umpa’tondokki propinsi tu ke’de’ dio mai to dipali’, tu napali’ Nebukadnezar, datu Babel, lako Babel, sia iatu sulemo lako Yerusalem sia lako Yehuda, pantan umpeloloi kotana;

EZRA 5:8

Melo ke naissanni datu, kumua kami te male lako propinsi Yehuda, lako banuanNa Puang Matua pasareongan; iato banua iato dibangun sule umpake batu kapua, sia mintu’ rindingna dilopak kayu, iatu pengkarangan iato ditonganni tongan dikarang sia madoi’ nagaraga tau iato mai.

NEHEMIA 11:3

Inde sia tu mintu’ pangulu propinsi, tu ma’tondok lan Yerusalem; – nalan lu kota Yehuda pada torromo tu tau iato mai dio lu mana’na, lan lu kotana, iamotu to Israel, tominaa, to Lewi, to pabali-balian lan Banua Kabusungan sia bati’na taunna Salomo.

NEHEMIA 2:13

Iatonna ibongi tassu’mo’ lan mai babangan Lombok, ma’palulako kalimbuang Ula’, tarru’ lako babangan Au, sia kuparessa tu rinding tembo’ Yerusalem, tu ro’pokmo sia iatu babanganna tu puramo diballa api.

NEHEMIA 2:17

Attu iato ma’kadamo’ lako tau iato mai kukua: Mitiromo tu kadipandasanta, kumua iatu Yerusalem sanggangmo na iatu mai babanganna puramo diballa api. Maikomi tabangunni sule tu rinding tembo’ Yerusalem, anna damo tapomatunai.

NEHEMIA 2:3

Ma’kadamo’ lako datu kukua: Namasakkemora tu datu tontong sae lakona! Umba nakua tang la maru’gun lindoku ditiro, na dio lu kota iamotu inan nanii lamunanna nene’ to doloku, sanggangmo sia iatu babanganna puramo nakande api.

NEHEMIA 7:6

Inde sia tu pa’tondokan propinsi, tu ke’de’ lu dio mai padanna to dipali’, tu napali’ Nebukadnezar, datu Babel, sia sulemo lako Yerusalem sia lako Yehuda, pantan umpeloloi kotana;

ESTER 1:1

Iatonna linona Ahasweros, iamotu Ahasweros, tu umparenta saratu’ duangpulo mpitu propinsi, randuk dio India sae lako Etiopia,

PA’PUDIAN 79:4

Napobe’seammokan sangtondokki, sia Napotule’-tuleran sia Napoparumbasanmokan bali lembangki.

SARAMBU PEADA’ 25:28

Susi kota tuan rinding tembo’na, susi dukamoto tu misa’ to tang unnatta penaanna.

YESAYA 43:28

Iamoto angKu sallangi tu mintu’ pangulu inan maindan, angKu eloranni tu Yakub disabu’i butung pepayu sia dilo’bo-lo’bo tu Israel.

YESAYA 5:5

Iamoto la Kupokadangkomi totemo tu apa la Kugauranni tu pa’lak anggoro’Ku kumua: La Kulalakki tu rompo durinna, anna taloi olo’-olo’ sia la Kukakei tu tembo’na anna disilessakki.

YEREMIA 24:9

Kueloran tu tau iato mai napakario-rio sia nasanggang mintu’ kadatuan lan lino sia la dadi kaditattan sia dipoparumbasan sia kaditellean sia tampakan ropu dio lu mintu’ inan, tu la Kunii umpatisambo’i tu tau iato mai.

YEREMIA 29:18

Kuula’ pa’dang sia Kuparampoi karorian sia ra’ba biang tu tau iato mai sia la Kupadadi misa’ apa metakuran lako mintu’ kadatuan lan lino, sia apa nasa’bu’ tau, ke ma’tampak ropui sia apa megiangan sia apa nabellu’i tau sia kaditattan dio lu mintu’ bangsa, tu la Kunii unnula’i male tu tau iato mai.

YEREMIA 39:8

Iatu tongkonan layukna datu nasumpun to Kasdim, sia iatu mai banuanna to buda, sia mintu’ tembo’ Yerusalem natuan.

YEREMIA 42:18

Belanna nakua kadanNa PUANGna mintu’ ma’dandan maritik, Kapenombanna to Israel: Susitu kasengkeangKu sia kare’dekanna ara’Ku tibarrakmo lako to lan Yerusalem, susi dukamoto tu kare’dekanna ara’Ku la tibarrak lako kalemi, ke malekomi lako Mesir, ammi dadi tampakan ropu sia to metakuran sia sapuan pala’ sia kaditattan sia tang la mitiromo te inan iate.

YEREMIA 5:10

La mikendekki tu tanete anggoro’na, ammi sanggangi, apa da miratoi; alai tu tangkena, belanna tangia apanNa PUANG.

YEREMIA 52:14

Iatu rinding tembo’ Yerusalem tiku lao natuan nasangmo mintu’ surodadu to Kasdim tu nasolan pangulu to ma’kampa.

BATING 1:7

Lan allo kamaparrisanna sia kalumioranna, iatu Yerusalem tontong ungkilalai, tu mintu’ apa keangga’, tu mangka naampui lan allo lendu’mo; iatonna tobangmo tu bangsana tama limanna ualinna, sia tae’mo to patunduanna, natiromi ualinna, sia napetaai, belanna kasangganganna.

BATING 2:9

Iatu babanganna lamma’ nasang rokko padang, iatu salli’na nasanggangmo sia Natesse-tesse; iatu datunna sia iatu mai arungna mentialla’mo dio lu mintu’ bangsa, iatu pangadaran diona sukaran aluk tae’mo; sia iatu mai nabi tang unnappa’mo patiro mendeata dio mai PUANG.

BATING 3:61

Mirangi, o PUANG, tu pelo’bona, sia mintu’ tangnga’na la ussanggangna’,

BATING 5:1

O PUANG, kilalai tu mai apa urrampoikanni; tiroi sia mantai tu kadilo’boangki.

SURA’ KATOMINAAN 26:31

Iatu mai kotami la Kupadaun lauanmo sia la Kusanggang tu inan maindanmi sia manokaMo’ unnudukki tu bau busarungngu’na tu apa la mitunuanNa’.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.