NEHEMIA 1:2 - Sura' Madatu

² saemi lako kaleku tu Hanani, misa’i siulu’ku sola ba’tu pira-pira tau dio mai Yehuda. Kupekutanammi lako tau iato mai tu diona to Yahudi, tu tilendokmo, iamotu torronapa dio mai mintu’ to dipali’, sia diona duka Yerusalem.

NEHEMIA 1:2 Iomraidhean Croise

KADADIAN 14:10

Iatu padang Sidim situtu’ limbong aspala’; mallaimi tu datu Sodom sola Gomora natobang rokko; na iatu mintu’ to torropa mallai langngan tanete.

2 DATU 24:14

Napali’mi tu mintu’ pa’tondokan Yerusalem sola mintu’ arung sia to malinta’ parari, sangpulo sa’bunna, susi duka tu mai pande sia pande bassi; moi misa’ tae’mo torro, sangadi to mase-mase mannamo dio lu to buda lan tondok.

2 DATU 25:12

Apa iatu ba’tu pira-pira to makario-rio dio tondok iato natampepa Nebuzaradan, pangulu to ma’kampa, la ma’pa’lak anggoro’ sia ma’pa’lak.

EZRA 9:14

– sipatukanniraka la untengkai pole’i tu pepasanMi, angki sipoipa’ pole te bangsa megallian iate? Tae’raka nala re’dek ara’Mi lako kaleki amMi sabu’ikan, naurunganni tae’mo torro ba’tu lussu’?

NEHEMIA 7:2

Kuangka’mi tu Hanani siulu’ku sia Hananya, kamandang benteng, ungkampai Yerusalem, belanna iatu Hananya misa’ to matappa’ sia to ungkataku’ Puang Matua buda tau nalosongi.

YEREMIA 44:14

Sia iatu mintu’ to Yehuda torrona, tu malemo lako tondok Mesir, la mempue dio, moi misa’ tae’ tu la lappa’ ba’tu tilendok, kumua anna sule lako tondok Yehuda, tu nakamali’ la nanii torro, apa tae’ nala sule lako, sangadinna ia manna tu ba’tu pira-pira tau tu lussu’mo male.

YEHEZKIEL 6:9

Attu iato la mikilalaiNa’ tu mintu’ to tilendokmi dio lu mintu’ bangsa, tu dinii umpali’ tau iato mai, ke Kupabonnongmi tu penaa pasandak salunna, tu memboko’mo dio mai Kaleku, sia Kutessemo matanna, tu ma’penunu lako rapang-rapang dipodeatanna la ma’gau’ sala; la ungkagi’gi’ kalena tu tau iato mai napobua’ gau’ kadakena, tu mangka napogau’, tonna parri-parri tu apa megallianna.

YEHEZKIEL 7:16

Moi anna denpa ba’tu pira-pira tilendok tu tau iato mai, manassa la susi bu’ku’ dao lu buntu, tu sae diong mai lombok; iatu tau iato mai sola nasangi pantan sumarro belanna kakadakeanna.