MIKHA 6:2 - Sura' Madatu

² Perangii, e mintu’ buntu, tu pa’parapa’Na PUANG, sia kamu duka, e parandanganna lino, tu tang tigoyang. Belanna ma’parapa’mo tu PUANG unnea taunNa, sia la sikara-kara Israel.

MIKHA 6:2 Iomraidhean Croise

HOSEA 12:2

Iatu Efraim umpodia’ angin sia situ’turan allo unnula’ angin matallo; napapa’i bang tu kamo’rangan sia kasanggangan. Untanan basse sola Asyur na iatu minna’ dibaa lako Mesir.

HOSEA 4:1

Perangii tu kadanNa PUANG, e to Israel, belanna den apa Napasalanni PUANG tu pa’tondokan, belanna tae’mo kamarurusan, tae’mo kamamasean sia tae’mo kapaissanan diona Puang Matua lan tondok iato.

YESAYA 1:18

Ammi mane male mai ma’tutu Kupaolaikomi salu, kadanNa PUANG, moi anna susi kaseda tu kasalammi, manassa la memmabusa susi ambun makko, moi anna mararang susi karamisi, manassa la memmabussang ten to bulu domba.

PA’PUDIAN 104:5

Iamo mangka unnoton lino dao parandanganna, naurunganni tae’mo nala tigega’ len sae lakona.

2 SAMUEL 22:16

Iato attu iato payanmi tu mintu’ sali tasik, sia mintu’ parandangan lino sombo duka, tu belanna pegarrakNa PUANG, sia belanna pa’pamurru’na penaanNa dao mai illongNa.

PA’TOLE 32:22

Belanna misa’ api dukku lan kare’dekan ara’Ku; tu ma’kande sae rokko to’ mandalanna lino to mate; pura nalalle tu kapadanganna sola burana, sia namampu’i tu garonto’na mintu’ buntu.

YEREMIA 31:37

Inde sia tu kadanNa PUANG, Nakua: Iake la ma’dinni disuka’ tu langi’ dao sia mintu’ parandangan lino diong ma’din disandak, maneri Kutibe tu mintu’ bati’na Israel, belanna mintu’ penggauranna, kadanNa PUANG.

YEREMIA 25:31

Rorakmo lako randan langi’ tu ongngo’na tananan ra’, belanna PUANG untoe kara-karana mintu’ bangsa sia umpaolai salu mintu’ tolino; sia ussorongi tu to tang mekaaluk lako kandean pa’dang, kadanNa PUANG.

YEREMIA 2:9

Iamoto la Kupaolaipokomi salu, kadanNa PUANG, ondongpi iatu ampo bati’mi la Kupaolai duka salu.

YESAYA 43:26

PakilalaNa’, anta sibisara melo, ma’kada bangmoko ammu disandatonganni.

YESAYA 5:3

Na totemo, e kamu mintu’ pa’tondokan Yerusalem sia mintu’ muane to Yehuda, paolaiNa’ salu sola pa’lak anggoro’Ku.

SARAMBU PEADA’ 8:29

sia iatonNa pantokki tu mintu’ anggenna tasik, kumua da nalendai uai iato tu pepasanNa, tonNa pamanassai tu mintu’ parandanganna te lino,

2 SAMUEL 22:8

Lino’mi tu padang sia tigega’, sia mintu’na parandangan langi’ tiseno, sia tigega’ belanna kare’dekanna ara’Na.

PA’TOLE 4:26

allo iate kualamo tu langi’ sia padang la ussa’biikomi diona kasalammi, kumua manassa la madomi’komi tallan lan tondok, tu la miala mipoapa, ke mangkamokomi ullamban Yordan; tae’ mimasai tuo lan tondok iato, sangadinna manassa la disanggangikomi.

YESAYA 3:13

La ke’de’ tu PUANG ma’pasala; la bendan umpaolai salunna tu mintu’ bangsa.

MIKHA 6:1

Perangii tu apa Napokada PUANG: Ke’de’ko, ammu tunannang butung to ma’parapa’, anna perangii mintu’ buntu, sia natananni talinga mintu’ tanete tu gamarammu.

HOSEA 12:3

Den kara-karaNa tu PUANGna Yehuda: iamoto anNa ukungi tu Yakub sitinaya kedona sia la Napapakkanni sitinaya penggauranna.