LUKAS 7:6 - Sura' Madatu

⁶ Malemi tu Yesu sola tinde tau. Iatonna tae’mora nasangapa mambelanna lako banuanna kamandang, nasuami tu sangmuanena untammui, nakua: Mimanggi’ora ussussai bang Kalemi, belanna aku te tang sipatuna’ Milese pengkalaoangku;

LUKAS 7:6 Iomraidhean Croise

KADADIAN 32:10

Iatu aku te tae’ angku sipatu la unnappa’ kameloan sia kamarurusan moi sidi’ duka, tu Napa’ pekitanan Puang lako kaunanMi, belanna tekkenku manna kubaa ullambanni te salu Yordan, na totemo menduang tuntunammo.

SARAMBU PEADA’ 29:23

Diona kamadoan penaa anna dipamadiongan tu misa’ tau, apa iatu to umpopengkadiongan penaanna la unnappa’ kamala’biran.

MATIUS 20:28

Susi Anak rampan dilino tae’ Nasae kumua Nadikamayai, sangadinna kumua anNa ma’kamayai sia ussorong penaanNa la napopela’bak buda tau.

MATIUS 3:11

Tonganna aku undio’komi uai dikua ammi mengkatoba’, apa iatu To la sae undinna na aku, ondong Ia kuasanNa na aku; tang sipatuna’ la dadi to umbanni lapik lentekNa; Iamo la undio’komi Penaa Masallo’ sia api.

MARKUS 5:24

Malemi sola, nabuda tau undi urrundu’I sia ussisi’pinni.

LUKAS 5:8

Iatonna tiromi Simon Petrus tu iannato, lumbangmi rokko to’ guntu’Na Yesu, nakua: O Puang, toyang-toyangKomi dio mai kaleku, belanna aku te to kasalanna’!

LUKAS 7:4

Iatonna rampomo tu tau lako Yesu, mengkamoya-moya tonganmi, kumua: Sipatu la Mitulung, Puang,

LUKAS 7:5

belanna iate tau iate ungkamasei tongan solata sia iamo mangka unggaragangkan banua pa’kombongan.

LUKAS 7:7

iamoto kusanga duka iatu kaleku tang sipatu la umpessitiroi Puang, sangadinna pokada bangmi sangbuku tu kada, manassa napomaleke kaunanku.

LUKAS 8:49

Iatonna marassan ma’kada susito, saemi misa’ tau dio mai banuanna kapala banua pa’kombongan, umpokadai kumua: Matemo tu anakmi, damo mira’ta’i tu Guru.

PENGGAURANNA RASULU’ 10:38

tu diona Yesu to Nazaret, umba nakua Puang Matua mangka untokkoI Penaa Masallo’ sia kamatotoran. Tu male lumiling umpogau’ kameloan, sia umpamatana mintu’ to nasakkolo’ deata bulituk; tu belanna Narondong Puang Matua.

YAKOBUS 4:10

Sipatukomi la umpamadiong kalemi dio oloNa Puang, na Ia la umpamalangka’komi.

YAKOBUS 4:6

Apa Napa’bengan tu pa’kamasean mandu kapua. Iamo bannangna to anna kua lan Sura’ Madatu: Puang Matua umbali to matampo, apa Napa’kamasean tu pa’kamasean lako to madiongan penaanna.