LUKAS 7:12 - Sura' Madatu

¹² Iatonna reke’mi tu babangan tondok, denmi misa’ to mate dio sun nabulle tau; iatu pia anak misa dio indo’na, baluomi tu indo’na; buda tau lan mai tondok sae unturu’i.

LUKAS 7:12 Iomraidhean Croise

KADADIAN 22:12

Ma’kadami tu Malaeka’ Nakua: Da mupata’pai lima tu pia, sia da mupatumba lenni, apa Kuissanmo totemo tu kaungkatakurammu Puang Matua, belanna ia duka ia tu anakmu, anak tungga’, tae’ ammu pessinampei lako Kaleku.

KADADIAN 22:2

Ma’kadami Puang: Totemo alai tu anak tungga’mu, iamo Ishak tu mupakaboro’, solanni lako tana Moria, ammu pemalaranni dio la mendadi pemala’ ditunu pu’pu’ dao misa’ buntu, tu la Kupakitangko.

2 SAMUEL 14:7

Pada bendanmi tu mintu’ pa’rapuanna la untingoi kaunanmi, nakua: Baai mai tu to umpatei siulu’na, angki patei sondana siulu’na tu mangka napatei sia angki sanggang dukai tu to la ma’mana’ iato. Nasusito la morai tu tau iato mai la urroto’i tu ruaya api torrokupa, naurunganni tae’mo nala umpatorroanni sanga tu muaneku sia bati’ dao kuli’na padang.

1 DATU 17:12

Mebalimi nakua: La lelukraka tuoNa PUANG, Kapenombammi, moi misa’ pa’ranggina tae’mo torro, sangadinna ta’pung manna sangsomba lan kurin sia minna’ sidi’ lan tonde. Urrurukmo’ kayu inde sidi’; la malemo’ lako banua umposarasan kaleku sola anakku muane; iake purami kikande to, la matemokan.

1 DATU 17:18

Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

1 DATU 17:23

Naalami Elia tinde pia, anna solanni dao mai bilik mengkadaoan rokko banua, anna benni indo’na, nakuami Elia: Tiromi, iate anakmi tuo sia.

1 DATU 17:9

Ke’de’ko mumale lako Sarfat, lili’na Sidon, ammu torro dio; den sia dio tu baine balu mangkamo Kusua la umparakaiko.

2 DATU 4:16

Ma’kadami tu Elisa lako nakua: Attu ia bangsiamote, ke taun pole’i, ammu raka’ misa’ pia muane! Mebalimi tu baine nakua: Da mima’kada susito puangku, taunNa Puang Matua, da dikka’ mima’kada tang tongan lako taummi.

2 DATU 4:20

Naangka’mi nabaai lako indo’na. Unno’ko’mi tu pia diong rianna indo’na sae lako ma’tangnga allo, pakalan namatemo.

AYUB 29:13

nasa’buranna’ pa’palakunna to sidi’mora namandasa, kumua angku dipamasakke sia iatu penaanna baine balu kupopela’tek-la’tek;

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

LUKAS 7:11

Iatonna undinna na iato, malemi Yesu lako misa’ tondok disanga Nain, buda anak gurunNa Nasolan sia buda duka tau senga’.

LUKAS 7:13

Iatonna tiromi Puang lako, mamasseng-massengmi untiroi, Nakuami lako: Damo mitumangi’!

LUKAS 8:42

belanna den anakna baine, anak misa, agi-agi sangpulo duamo taunna dadinna, la mate mannamo. Iatonna male tu Yesu buda tau ussisi’pinNi.

LUKAS 8:52

Tumangi’ nasangmi tu tau umbatingi. Apa Nakua Yesu: Marangakomi! tae’ ia namate, sangadinna mamma’ri.

YOHANES 11:19

Budamo tu to Yahudi sae lako Marta sola Maria umpakatanai tu diona siulu’na.

PENGGAURANNA RASULU’ 9:39

Ke’de’mi tu Petrus namale sola. Iatonna rampo nasolammi tau tama bilik tiangka’ langnganna. Mintu’na baine balu sae ke’de’ umpentirondongi, natumangi’ sia napa’pekitanan tu mai bayu sia dodo nagaragai Dorkas tonna sisolapa.

PENGGAURANNA RASULU’ 9:41

Nasoronganni Petrus tu limanna, napake’de’i, natambai tu mai to masallo’ sia iatu mai baine balu, napakitanni lako tinde tau kumua tuomo.

YAKOBUS 1:27

Iatu kapengkaolan masero sia tae’ sayuanna dio oloNa Puang Matua, Ambe’, iamote: unto’longi pia biung pu’pu’ sia baine balu lan kamasussanna, sia ungkaritutui kale dio mai kamaruttakanna te lino iate.