LUKAS 5:8 - Sura' Madatu

⁸ Iatonna tiromi Simon Petrus tu iannato, lumbangmi rokko to’ guntu’Na Yesu, nakua: O Puang, toyang-toyangKomi dio mai kaleku, belanna aku te to kasalanna’!

LUKAS 5:8 Iomraidhean Croise

2 SAMUEL 6:9

Attu iato mataku’mi tu Daud lako PUANG, naurunganni ma’kada nakua: Umba nakua nala rampoo tu pattinNa PUANG lako kaleku!

1 DATU 17:18

Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

AYUB 40:4

Susiraka takia’Na Puang Matua tu takia’mu, sia ma’dinraka tu gamarammu gumaluntu’ susi gamaranNa Puang?

KATASSURAN 20:19

Anna ma’kada lako Musa, nakua: Melo ke kamu bangmo ma’kada lako kaleki, angki perangii; da’omo anNa Puang Matua ma’kada lako kaleki, da angki mate.

YESAYA 6:5

Kukuami: Upu’ alloku, sumpu sumandakku, belanna aku te to maruttak puduk sia torrona’ sirau misa’ bangsa maruttak puduk, na nata’paimo matangku tu Datu, tu PUANGna mintu’ ma’dandan maritik.

MATIUS 17:6

Iatonna rangii tinde anak gurunNa tu gamara iato, tobangmi tipessussuk, lendu’ mataku’na.

MATIUS 2:11

Malemi tinde tau tama banua iato, nakitai tu Pia’-pia’ sola Maria, indo’Na; tukkumi umpenombaI, nabungka’ nasangi tu pa’pannianna napasunni tu iananna, anna penombanni lako tu pa’kasianan, iamotu mai bulaan sia dupa sia muru.

MATIUS 8:8

Apa mebali tu kamandang, nakua: O Puang, tae’ nasipatu ke la Puang ullese pengkalaoangku; sangadinna pokada bangmi sangbuku tu kada, la napomaleke kaunanku.

LUKAS 5:7

Naka’bi’-ka’bi’ bangmi tu solana tu lanna lembang misa’ rampe lakona to’ karangkeanna, kumua anna sae untundui; saemi naponnoi tu lembang da’dua sidi’mora natallan.

LUKAS 5:9

Belanna tiramban tu penaanna sola mintu’ to nasolan, tu diona kaunnalanna bale pada to;

YOHANES 11:32

Iatonna sae Maria lako tu Naninna Yesu, natiroI, tukkumi malinguntu’ diong to’ lette’Na sia nakua lako: O Puang, iakemMi inde, tae’ namate tu siulu’ku.

1 KORINTUS 13:12

Belanna totemo te untiroki’ apa tang manassa lan sammin; apa iake attu iato la sitontongan rupaki’. Totemo te buda tang palambi’na kapaissanangku, apa attu iato la kutandai susitu kaditandaiangku.

KADA OMBO’ LAKO RASULU’ YOHANES 1:17

Iatongku tiromi, songkamo’ rokko to’ lentekNa susito mate. Naremme’mo’ lima kananNa, nama’kada Nakua: Da mumataku’. Akumo tu pamulanna sia ma’katampakanna,

TO PARENGNGE’ 13:22

Ma’kadami tu Manoah lako bainena, nakua: Manassa la mateki’, belanna mangkamoki’ untiro Puang Matua.

1 SAMUEL 6:20

Nakuami tu to Bet-Semes: Mindara umbelai la bendan dio oloNa PUANG, tu kapenomban maindan susite? Namindamora la Nanii tilele dio mai kaleta?