LUKAS 4:7 - Sura' Madatu

⁷ Iamoto, iake Mipenombaina’, manassa Kamu nasangmo puangna.

LUKAS 4:7 Iomraidhean Croise

PA’PUDIAN 72:11

Sangapaoi anna mintu’ datu tukku sae rokko padang dio olona, sia angganna bangsa la mengkaola lako,

YESAYA 45:14

Nakua kadanNa PUANG: Iatu bunga rangka’na to Mesir, sia balukanna to Etiopia – to Syeba, to kalando kapua, la sae lako kalemu ammu potaui; la undiko narundu’ tau iato mai; tau iato mai la sae situang pungo anna tukku menomba dio tingayomu sia mengkamoya nakua: Kamu mannari tu Narondong Puang Matua tae’ senga’na, tae’ tu Kapenomban senga’.

YESAYA 46:6

Tau iato mai umbolloan bulaan lan mai poro’-poro’ sia untimbang salaka dao timbangan; nasaroi tu pande bulaan, anna garaganni rapang-rapang dipodeata namalinguntu’ menomba dio olona.

MATIUS 2:11

Malemi tinde tau tama banua iato, nakitai tu Pia’-pia’ sola Maria, indo’Na; tukkumi umpenombaI, nabungka’ nasangi tu pa’pannianna napasunni tu iananna, anna penombanni lako tu pa’kasianan, iamotu mai bulaan sia dupa sia muru.

LUKAS 17:16

Malinguntu’mi tukku ma’kurre sumanga’ diong to’ lentekNa Yesu; iato tau iato, to Samaria.

LUKAS 4:6

Nakuami deata bulituk lako: Iate mintu’ parenta iate sola mintu’ kamala’biranna la kuben nasangKomi, belanna mangkamo disorong lako kaleku, dadi ma’din kuben minda-minda kuporai.

LUKAS 4:8

Mebali Yesu lako Nakua: Lan Sura’Na Puang Matua nakua: La menombako lako Puang Kapenombammu sia Ia mammo mupekapuangi.

LUKAS 8:28

Iatonna tiromi tu Yesu, melallak-lallakmi nasongka dio tingayoNa sia bassa’ bang metamba-tamba, nakua: La siapariki’ e Yesu, AnakNa Puang Patodoranna? Kupalaku lako Kalemi da Mipakario-riona’.

KADA OMBO’ LAKO RASULU’ YOHANES 22:8

Akumo Yohanes tu urrangii sia untiroi tu mintu’na te. Iatongku rangimi sia kutiromi, tukku dukamo’ umpenombai tu malaeka’ umpakitan nasangna’ tu mintu’ apa iato.

KADA OMBO’ LAKO RASULU’ YOHANES 4:10

kapayungan iato, sia tu tuo tontong sae lakona, tukkuomi tu duangpulo nna’pa’ penatua dio olona tu To unno’ko’ dao isungan kapayungan iato, anna penombai tu To tuo tontong sae lakona, anna lendokanni tau iato mai tu makotana dio olo isungan kapayungan iato, nakuami:

KADA OMBO’ LAKO RASULU’ YOHANES 5:8

Iatonna alami tu sura’ iato, tukkumi tu a’pa’ a’gan kepenaa sia iatu duangpulo nna’pa’ penatua dio oloNa Anak domba iato, pada untoe katapi sia gori-gori bulaan ponno kemenian, iamo mintu’ pangandona to masallo’.