LUKAS 3:16 - Sura' Madatu

¹⁶ Mebalimi Yohanes lako mintu’ tau, nakua: Tonganna kudio’komi uai, apa la sae pole undinna tu To ondong Ia kuasanNa na aku, moi ulang lapik lentekNa tang sipatu dukana’ la umbukai. Iamo la undio’komi Penaa Masallo’ sia api.

LUKAS 3:16 Iomraidhean Croise

SARAMBU PEADA’ 1:23

Tibalikkomi lako pa’pakilalangku! Manassa la kutuarangkomi tu penaangku, sia iatu kadangku la kupaissanangkomi.

YESAYA 32:15

Sae lako attu ditua’na lako kaleta tu Penaa dao mai inan madaona. Attu iato padang rangke la membali pa’lak lunak sia iatu pa’lak lunak la susi pangala’.

YESAYA 4:4

Ke mangkami Nabasei Puang tu kamarutanna mintu’ anak dara Sion sia ke mangkami Nalossokki lan mai tu indan rarana mintu’ to Yerusalem tete dio Penaa ma’paolai salu, sia tete dio Penaa massarapai.

YEHEZKIEL 36:25

La Kubura’komi uai masero, ammi masero; la Kupamaserokomi dio mai mintu’ kamaruttakammi sia dio mai mintu’ rapang-rapang dipodeatammi.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

MATIUS 3:11

Tonganna aku undio’komi uai dikua ammi mengkatoba’, apa iatu To la sae undinna na aku, ondong Ia kuasanNa na aku; tang sipatuna’ la dadi to umbanni lapik lentekNa; Iamo la undio’komi Penaa Masallo’ sia api.

MATIUS 3:12

Diomo Natoe tu barangNa; la Napemata’pii tu panglullu’Na, anNa rampunni tama pa’pannian tu malapu’na, apa iatu langkona la pura Naballa api tang pa’de-pa’de.

YOHANES 1:26

Mebalimi Yohanes lako, nakua: Aku te uai bangri kupa’dioran, apa lan tangnga-tangngami bendanmo tu To tang mitandai.

YOHANES 1:27

Iamoto tu undi sae na aku, na moi ulang lapik lentekNa tang sipatuna’ la umbukai.

YOHANES 1:33

Aku tae’ duka kutandai, apa Ia tu To ussuana’ umpa’dioran uai, mangka umpokadanna’ kumua: Minda-minda mutiro Nanii songlo’ tu Penaa anna torroi, Iamoto tu umpa’dioran Penaa Masallo’.

YOHANES 7:38

Minda-minda tu umpatonganNa’ susi dipokada lan Sura’ Madatu, la lolong lan mai ba’tangna tu salu nanii uai marendeng.

PENGGAURANNA RASULU’ 1:5

belanna iatu Yohanes undio’ uai tau, apa iate kamu te tae’mora nasangapa mididio’ Penaa Masallo’.

PENGGAURANNA RASULU’ 10:44

Marassanmo napokada Petrus tu kada iato, Nasonglo’ tu Penaa Masallo’ lako mintu’ to urrangii tu kada iato.

PENGGAURANNA RASULU’ 2:33

Iatonna pamalangka’mi lima kananNa Puang Matua sia Natarima dio mai Ambe’ tu Penaa Masallo’ diallu’, Natua’mi tu Penaa iato susite mikita sia mirangi.

1 KORINTUS 12:13

Belanna misa’ri Penaa mangka dinii undio’ki’ sola nasang anta mendadi misa’ kale, la to Yahudi, la to Yunani, la kaunan, la to makaka; mintu’ki’ dipatamai tu Penaa misa’.