LUKAS 3:11 - Sura' Madatu

¹¹ Nakuami mebali lako: Minda tu unnampui bayu da’dua, benni misa’ tu tang unnampuinna bayu, sia iatu to ma’kinallo, la susi dukato.

LUKAS 3:11 Iomraidhean Croise

YEHEZKIEL 18:7

tang umpakario-rio tau, umpasulean apa napa’pentoean to kaindanan, tae’ namangrampa, naben rotinna tu to topo sia napaluangi tamangkale tu to ma’kambelang,

DANIEL 4:27

Iamoto, e datu, lala siai manii naala penaammi tu pa’pakilalangku kumua puttaimi tu kasalammi tete dio kamalamburan sia puttaimi tu kakelokammi tete dio ungkamasei to makario-rio, dennoupa’ anna dipamalambe’ tu karapasan dio kalemi.

MATIUS 25:40

La mebali tu Datu, sia ma’kada lako tu tau, Nakua: Tonganna tongan Kukua mati’, kumua tumba tu mipogau’namo lako misa’ te siulu’ makario-rioKu, iamoto tu mipogau’ lako Kaleku.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

LUKAS 18:22

Iatonna rangimi Yesu to, Nakuami: Misa’pa tu musala. Balukampi tu mintu’na apa-apammu, ammu taa-taai lako to mase-mase, ammu ampui ianan lan suruga, mumane male mai undi urrundu’Na’.

LUKAS 19:8

Ke’de’mi tu Zakheus nama’kada lako Puang, nakua: O Puang, sangsesena tongan bang tu iananku kuben to kalala’ sia iake denni apa-apanna tau kutangnga’ kualai, kupopellokkon penna’pa’ kupasuleanni lako.

YOHANES 13:29

Apa den tu ussangai kumua, belanna ia untoe doi’ tu Yudas, butung-butungmi to la Nakua ma’kada lako tu Yesu: Alliammiki’ tu apa la tapasakka’na lan pa’gauran, ba’tu kumuaraka la naben ba’tu apa-apa lako tu to mase-mase.

PENGGAURANNA RASULU’ 10:2

Iato tau iato umpengkaolai sia ungkasiri’ Puang Matua sola mintu’ to lan banuanna, umpa’bengan buda pa’kamase lako tau, sia tontong massambayang langngan Puang Matua.

PENGGAURANNA RASULU’ 10:31

nakua: E, Kornelius, ditarimamo tu passambayangmu, sia Napengkilalai Puang Matua tu pa’kamaseammu.

PENGGAURANNA RASULU’ 10:4

Lendu’mi mataku’na mentiro lako malaeka’ sia nakua: Apara mitungkanan, Puang? Nakuami lako: Mintu’na passambayangmu sia pa’kamasemu rampomo langngan Puang Matua sia Napengkilalai.

EFESUS 4:28

Iatu to bokoan, da’mo naboko, sangadinna melo ke masara’i umpatangmari’pi limanna ungkarangi tu pengkarangan tang dipa’gagainna, anna den apa nabenni tu to tae’.

1 TIMOTIUS 6:17

Pakainga’i mintu’ to sugi’ lan te lino, kumua da anna pamadao penaanna, sia da narannuanni tu kasugiran tae’ natontong, sangadinna langnganri Puang Matua, tu umpalempan mintu’ apa Napa’kamasean lako kaleta, taangkaran parannui.

1 TIMOTIUS 6:18

Anna ma’gau melo sia umposugi’ penggauran melo, sia masokan, sia naporai mantaa-taa,

IBRANI 6:10

Belanna tangia kumua tang unnola salunna tu Puang Matua Naurunganni tang ungkilalai tu penggaurammi sia pa’kaboro’mi lako sanganNa, tu mangka mipa’pekitanan tete dio kamangkammi ungkamayai mintu’ to masallo’ sia sae lako totemo mikamayai siapa.

YAKOBUS 1:27

Iatu kapengkaolan masero sia tae’ sayuanna dio oloNa Puang Matua, Ambe’, iamote: unto’longi pia biung pu’pu’ sia baine balu lan kamasussanna, sia ungkaritutui kale dio mai kamaruttakanna te lino iate.

YAKOBUS 2:14

E sangsiulurangku, apa gai’na ke ussangai kalena tu tau den kapatongananna, apa tae’ nasituang penggauran. Ma’dinraka tu kapatonganan susito la umpamakarimmanni?

1 YOHANES 3:17

Apa minda-minda unnampui ianan lino, anna tiroi tu siulu’na kapu’duran, naka’pananni ma’mata to buta tu siulu’ iato, maka umbamo la nakua tu pa’kaboro’Na Puang Matua torro lan kalena?

1 YOHANES 4:20

Iake den tau ma’kada nakua: Kukamasei tu Puang Matua, apa ungkabiri’ siulu’na, tau iato mo’rang, belanna iatu to tae’ napakaboro’ siulu’na tu natiromo lako, tae’ nakullei nakamasei tu Puang Matua, tu tang natiro lako.