LUKAS 23:2 - Sura' Madatu

² Randukmi umparapa’I, nakua: Kilambiran te tau iate unnada’i sala solaki, Nagagai massima lako datu kapua, Nakua Ia kalena Ia Kristus sia datu.

LUKAS 23:2 Iomraidhean Croise

1 DATU 18:17

Iatonna tiromi Ahab tu Elia, nakuami lako: Inderokoka te, e to umpamandasa to Israel?

PA’PUDIAN 35:11

Bendanmo ba’tu pira-pira sa’bi bulituk, untanda’na’ diona apa tang kutamai.

PA’PUDIAN 62:4

Sangapaparokomi la umbala’-bala’ tau? Ammi dipasiapanan nasang sangtinti rinding la songka, sia tembo’ la rondon.

YEREMIA 20:10

Belanna kurangimo tu tau buda sibisik-bisik – den kamaramban tiku lao – nakua: Pokadai apara tu la tatandaranni! Mintu’ solaku tu kusikadamakan ummanta-manta katobangangku sia nakua: Lalo sia manii tanaran anta ma’din umpasalai sia umpabala’i.

YEREMIA 38:4

Mebalimi tu mintu’ arung lako datu, nakua: Nake dipatei te tau iate, belanna iake susito naparaang tu penaanna mintu’ surodadu, tu torropa lan kota iate sia mintu’ to buda, ke napokadai lako tau iato mai tu kada susito, belanna iate tau iate tae’ nadaka’i tu kameloanna to buda, sangadinna napokadakena.

AMOS 7:10

Ta’kala mesuami tu Amazia, to minaa dio Betel mennolo lako Yerobeam, datu Israel, nakua: Iatu Amos umpaden misa’ kasipakulu-kuluan la unneakomi dio lu mintu’ to Israel; tae’mo nabelai tondok la umpassanni tu mintu’ kadanna.

ZAKHARIA 11:8

Iatu to mangkambi’ tallu kuratoimo lan sangbulan, belanna tappumo tu kasa’barasangku lako sia nakanoka dukamo’ tu tau iato mai.

MATIUS 17:27

Apa dikuari daa’ anna katannarangki’ tu mati’ tau, dadi laoko mamekan rokko tasik, ammu alai tu bale bunga’ pealammu; sia iammu bungka’i tu sadangna, la mukabu’tui tu doi’ a’pa’ dirham; alai tu doi’ iato, ammu sorongi lako tu tau, pamaya’Ku na iko.

MATIUS 22:21

Nakuami tu tau mebali: Datu. Nakuami Yesu lako tau iato: Iamoto dadi pennoloanni lako datu kapua tu apanna datu kapua, sia lako Puang Matua tu apanNa Puang Matua.

MATIUS 27:11

Bendanmi tu Yesu dio olona to maraya, anna mekutana to maraya lako, sia nakua: Kamumoraka tu Datunna to Yahudi? Nakuami Yesu: Susimo tu kadammi.

MARKUS 12:17

Nakuami Yesu lako tau iato mai: Iamoto dadi pennoloanni lako datu kapua tu apanna datu kapua sia lako Puang Matua tu apanNa Puang Matua. Napomangami tinde mai tau tu Yesu.

MARKUS 15:2

Mekutanami Pilatus lako, nakua: Kamumoraka tu datunna to Yahudi? Nakuami mebali: Susimo tu mipokadanna.

LUKAS 23:14

Iate tau iate mibaa lako kaleku susito umpatipero’ senga’ to buda, na kuparessamo dio tingayomi natae’ bang kuappa’ tu la Naposalana, tu minii umparapa’I.

LUKAS 23:5

Napamakarra’ pissanorami tu kadanna, nakua: Umpatigega’ to buda te tau iate, lao ullilingi tondok Yudea unnada’i tau tempon dio mai Galilea sae inde te mai.

YOHANES 18:29

Iamoto anna sun tu Pilatus lako sia nakua: Apara miparapasanni te tau iate?

YOHANES 18:30

Nakuami tinde mai tau mebali lako: Iake la tang to kadakei te tau iate, tae’ duka kila ussorongi lako kalemi.

YOHANES 19:12

Randuk tonna iato naundaka’ lalan tu Pilatus la urrampananNi, apa ramban tu to Yahudi metamba, nakua: Iake mirampananNi te Tau iate, tae’mo misisangmane datu kapua; minda-minda tu unnangka’ datu kalena, iamo unnea datu kapua.

PENGGAURANNA RASULU’ 24:13

Sia tae’ duka nabelai umpokadangki’ manassana tu nanii umparapa’na’ totemo te.

PENGGAURANNA RASULU’ 24:5

Belanna mintu’kan ungkabu’tui te tau iate butung ropu, apa iamo umpadenan kamarukkan mintu’ to Yahudi lan mintu’ lino, sia dadi pangulunna to sangserekan, iamotu to Sarani.

ROMA 13:7

Baya’i lako mintu’ tau tu mipoindanna, iamotu sima lako to minii kaindanan sima, sia sassung lako to minii kaindanan sassung; kataku’i tu to sipatu dikataku’, pangke’i tu to sipatu dipangke’.