LUKAS 21:8 - Sura' Madatu

⁸ Nakuami: Kanandai tonganni, da napapusakomi tau, belanna buda tau la sae umposanga sangangKu, nakua: Aku bangsiamote! sia: mandappi’mo tu allu’na! Apa da mirundu’i tu tau iato.

LUKAS 21:8 Iomraidhean Croise

YEREMIA 29:8

Belanna nakua kadanNa PUANGna mintu’ ma’dandan maritik, Kapenombanna to Israel, kumua: Da napakenakomi mintu’ nabimmi tu misolan sia mintu’ to pakita-kitammi, sia da miperangii tu to mangimpimmi, tu misua mangimpi.

MATIUS 24:11

Buda tu nabi tang tongan la bendan, anna umpapusa buda tau.

MATIUS 3:2

nakua: Mengkatoba’komi, belanna mengkareke’mo tu Parenta Suruga.

MATIUS 4:17

Tempon iamoto naranduk tu Yesu mangada’i sia nakua: Mengkatoba’komi belanna mengkareke’mo tu Parenta Suruga.

LUKAS 17:23

La den tau ma’kada lako kalemi susite: Tiromi diomo ia, tiromi indemo ia, da miloo lako sia da miundi urrundu’i.

LUKAS 21:7

Mekutanami tinde tau lako, nakua: O Guru, piranra nala dadi tu mintu’nato? Sia apara tandana to ke la dadi tu mintu’nato?

LUKAS 21:9

Iammi rangi diona kasirarian sia ba’tu pira-pira kamaramban, da mitiramban, belanna tae’ nasalai tang sae dolo tu iannato, apa tae’pa nasimpolo la katappuranna to.

YOHANES 5:43

Aku te saeNa’ umpotete sanganNa Ambe’Ku, apa tae’ mitarimaNa’; iake to senga’ misa’ sae na sanganna kalena napotete, inang la mitarima.

YOHANES 8:24

Iamoto angKu kua mati’ kumua, la mate situangkomi kasalammi, belanna iake tae’i mipatonganni kumua Akumote, la mate situangkomi kasalammi.

YOHANES 8:28

Iamoto anNa kua Yesu lako tinde tau: Iammi mangkamo umpamadao Anak rampan dilino, maneri la miissan kumua Akumote, sia moi misa’ tae’ Kuma’inaanna kalena umpogau’i, sangadinna tumba tu NaadaranNa’ Ambe’Ku, susi dukamoto Kupokada.

1 KORINTUS 6:9

Tae’raka miissanni kumua iatu to kelok penaanna tae’ naumpomana’ ParentaNa Puang Matua? Da mipusa. Iatu to ma’gau’ sala sia umpenombai deata, sia to paola boko’ sia muane diposangmatua sia to umposangmatua muane,

EFESUS 5:6

Da naden misa’ tau umpapusakomi napokadan kada tang kebattuan; belanna iamora napobannang to anna rampoi kasengkeanNa Puang Matua tu mai to battuk.

2 TESALONIKA 2:3

Da naden misa’ tau umpapusakomi moi umba nakua, belanna tae’pa nala dadi, ke tae’pi nasorong boko’ dolo tu to buda dio mai kapatonganan, anna dipasombo tu to umparri-parri kasalan, iamo anak ranaka,

2 TIMOTIUS 3:13

Apa iatu to kadake sia to patangnga’ la samasarrang-sarrangna kakadakeanna ma’papusa sia ia kalena duka pusa.

1 YOHANES 4:1

E mintu’ pa’kaboro’ku, da mipatongan bangi tu anggenna penaa, sangadinna sudi dolo tu mintu’na penaa iato, ba’tu la lu dio siai mai Puang Matua; belanna budamo nabi tang tongan bu’tu lan lili’na lino.

2 YOHANES 1:7

Belanna buda tu to ma’papusa sumalongmo lan lino, tu tae’ naakui kumua iatu Yesu Kristus sae lan a’gan tolino. Iamora te tu pa’papusa sia uali Kristus.

KADA OMBO’ LAKO RASULU’ YOHANES 1:3

Maupa’ tu mintu’ to umbasai sia mintu’ to urrangii kada nubua’ iate, sia umpalan penaai tu mintu’ apa disura’ lan, belanna mandappi’mo tu attunna.

KADA OMBO’ LAKO RASULU’ YOHANES 12:9

Dipembuangammi tu naga kapua, iamo ula’ tua, tu disanga deata patua’ ba’tang sia deata masussuk, tu umpapusa mintu’ issinna lino. Dipembuangammo tama lino sia mintu’ baananna dipembuangan dukamo sola.