LUKAS 21:6 - Sura' Madatu

⁶ Iate mintu’na mitirona te, la sae tu allona, ke tae’ bangmi torro tu batu mettodo’ dao batu senga’, tu tang la diseranna.

LUKAS 21:6 Iomraidhean Croise

YEREMIA 26:18

Iatonna linona Hizkia, datu Yehuda, ma’nubua’mi Mikha, to Moresyet sia ma’kada lako mintu’ bangsa Yehuda, nakua: Inde sia tu kadanNa PUANGna mintu’ ma’dandan maritik, kumua: Iatu Sion la ditengko susi pa’lak sia Yerusalem la daun lauan, sia iatu buntu nanii Banua Kabusungan la membuntu pangala’ kamban.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

YEREMIA 26:9

Ma’apai ammu ma’nubua’ tete dio sanganNa PUANG, kumua: La susi Silo te banua iate, sia la sanggang te kota iate, naurunganni moi misa’ tau tae’mo untorroi! Nasikarupuimi to buda la ullaoi tu Yeremia lan banuanNa PUANG.

BATING 4:1

Ma’patumbai tu bulaan namalottongmo. Anna tang pandillakmo tu bulaan massang! Iatu mai batu maindan tisambo’mo dio lu mintu’ kasepangan lalan.

BATING 5:18

Tu belanna buntu Sion mempadang talomo, napourungi naolai sindallung dio lu.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

ZAKHARIA 11:1

Bungka’i tu mintu’ ba’bamu, e Libanon, anna purai api tu mintu’ garonto’ arasi’mu.

ZAKHARIA 14:2

Attu iato la Kurampun tu mintu’ bangsa urrarii Yerusalem; iatu mai kota la ditalo, iatu mai banua la dipangrampai sia iatu mai baine la diparuku digau’ sala. Sesena tu pa’tondokan la male dipali’, apa iatu torronapa tu to buda tae’ nala disabu’i lan mai kota iato.

MATIUS 24:2

Mebalimi Nakua ungkuanni tinde tau: Tang mipemaranga nasangmoraka te mintu’na te? Tonganna tongan Kukua mati’, tae’ la torro indete tu batu mettodo’ dao batu senga’, tu tang la diseranna.

MARKUS 13:2

Nakuami Yesu lako: Mupemaranga tonganmoraka garaganna te banua pua iate? Moi misa’ batu tae’ duka la torro mettodo’ dao batu senga’, tu tang la diseranna.

LUKAS 21:7

Mekutanami tinde tau lako, nakua: O Guru, piranra nala dadi tu mintu’nato? Sia apara tandana to ke la dadi tu mintu’nato?