LUKAS 2:41 - Sura' Madatu

⁴¹ Dilambi’oi taun maleoi tu indo’ ambe’Na lako Yerusalem, ke allo Pasa.

LUKAS 2:41 Iomraidhean Croise

KATASSURAN 12:11

Susimo a’gannato la minii ungkandei, la ma’tambeke’komi, sia la massepatukomi, ammi toe tekken; ammi sarra’i ungkandei; iamoto tu Pa’pasa dipakarayan PUANG.

KATASSURAN 12:14

Allo iate la dadi misa’ allo kapengkilalaiammi; allo iato la mipakaraya iamo pa’gauran dinii umpakala’bi’ PUANG; ammi siosso’i umpakarayai butung aluk matontongan.

KATASSURAN 34:23

La sipentallun lan sangtaun tu mintu’ muane dio lu kalemi la mennolo lako PUANG Puangmi, iamotu Kapenombanna to Israel.

SURA’ KATOMINAAN 23:5

Lan bulan bunga’na, allo ma’pessangpulo a’pa’na bulan iato, ke makaroenni, iamo pa’pasa, dipamadatuan PUANG.

KADIBILANGAN 28:16

Lan bulan bunga’na, allo ma’pessangpulo a’pa’na bulan iato la dipogauran Pa’pasa tu PUANG.

LUKAS 2:42

Iatonna sangpulo duamo taunna dadinNa tu Yesu, ke’de’mi male sola tallui lako Yerusalem, susitu biasanna alukna allo kapua;

YOHANES 11:55

Tonna iato mandappi’mo tu allo pa’gauran Pasana to Yahudi, sia buda tu to inde to dio mai umpadoloi male lako Yerusalem ke tae’pi nalambi’i tu pa’gauran Pasa, kumua nalao umpemaseroi kalena.

YOHANES 13:1

Tae’ bangsia nalambi’i tu pa’gauran Pasa, tonna issanmi Yesu, kumua nalambi’mo attunNa la lumele lan mai te lino lako Ambe’, Napasundunmo sae lako ma’katampakanna tu kamamaseanNa lako mintu’ taunNa lan te lino, tu Nakamaseinna.

YOHANES 2:13

Mandappi’mo allo Pasa to Yahudi, Nake’de’ tu Yesu langngan Yerusalem.

YOHANES 6:4

Tonna iato mandappi’mo tu pa’gauran Pasa, tu allo kapuanna to Yahudi.

PA’TOLE 12:11

manassa la lakokomi inan, tu Napileimo PUANG, Kapenombammi, la Napannii sanganNa, minii umbaa mintu’ apa tu kupepasanan lako kalemi, iamotu pemala’ ditunu pu’pu’mi sia pemala’ pangrere’mi, taa sangpulomi sia pa’durukmi sia mintu’ pemala’ pangallonan dipilei, tu la mialluran PUANG.

PA’TOLE 12:18

Apa dio oloNa PUANG, Kapenombammu, la munii ungkandei, dio inan Napilei PUANG, Kapenombammu, la iko la anakmu muane la iatu mai anakmu baine la kaunanmu muane sia kaunanmu baine sia to Lewi, tu torro lan babangan kotamu, ammu parannu dio oloNa PUANG, Kapenombammu, diona mintu’ apa mangka mutoe.

PA’TOLE 16:16

Pentallun lan sangtaun pantanni tu muane dio lu kamu, la mennolo dio oloNa PUANG, Kapenombammu lan tu inan, tu la Napilei Puang, iamotu ke pa’gauran roti tang diragii sia ke pa’gauran minggu sia ke pa’gauran pekalumban. Apa tae’ anna la mennolo lo’bang dio oloNa PUANG;

1 SAMUEL 1:21

Iatu Elkana, muane iato, malemi ma’palurekke sola mintu’ to lan banuanna la umpennoloan pemala’ pentaunan sia pemala’ pangallonanna lako PUANG.

1 SAMUEL 1:3

Tae’ nasalai ke taunoi tu tau iato sun lan mai kotana, ma’palurekke, la lao massambayang sia memala’ lako PUANGna mintu’ ma’dandan maritik dio Silo. Indeto dio den to minaanNa PUANG iamotu Hofni sia Pinehas, anakna dua Eli.