LUKAS 2:4 - Sura' Madatu

⁴ Male dukami tu Yusuf dio mai Galilea, lan mai tondok Nazaret, lako tondok Yudea, tondokna Daud, disanga Betlehem, belanna bati’na sia tarukna Daud,

LUKAS 2:4 Iomraidhean Croise

KADADIAN 35:19

Susimoto tu kamateanna Rahel, dilamunmi dio randan lalan lako Efrata, iamotu Betlehem.

KADADIAN 48:7

Iatongku sae dio mai Padan mate diomi kaleku tu Rahel lan tana Kanaan dio tangnga lalan, tonna la madomi’mo rampo lako Efrata, kupeliangmi inde to dio lalan lu lako Efrata, iamo Betlehem.

MIKHA 5:2

Iamoto la Nasa’biangan Puang tu tau iato mai sae lako attu, kumua iatu tau la kianak, kianakmo. Attu iato iatu to torropa tu siulu’na la sule sola to Israel.

MATIUS 1:20

Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

MATIUS 2:23

rampomi dio natorro lan misa’ kota disanga Nazaret, kumua anna sundun tu kadanna mintu’ nabi, kumua la digente’ To Nazaret tu Yesu.

LUKAS 2:3

Dadi mintu’na tau pantan male umpeloloi tongkonanna, la disura’ sanganna.

LUKAS 2:5

kumua nadisura’ sanganna sola Maria, sikampana, tu mabanda’mo ma’tambuk.

LUKAS 4:16

Rampomi tu Yesu lako Nazaret, tu Nanii lobo’; iatonna allo katorroammo malemi tama banua pa’kombongan, susitu biasanNa, Nake’de’ la umbasa sura’.

YOHANES 1:46

Nakuami Natanael lako: Ma’dinraka tu Nazaret nanii bu’tu melona? Nakuami Filipus: Maimoko mutiroi!

YOHANES 7:42

Tang dipokadaraka lan Sura’ Madatu kumua lan mai tarukna Daud sia lan mai Betlehem, tondokna Daud, la Nanii bu’tu tu Mesias?

RUT 1:19

Tarru’mi lumingka sola duai sae lako Betlehem. Iatonna rampomo tama Betlehem, tirambanmi tu mintu’ tau lan kota diona Naomi sia ma’kada tu baine iato mai nakua: Iamoraka Naomi tu?

RUT 2:4

Ta’kala saemi tu Boas dio mai Betlehem, nama’kada lako to massasa’ dalle sisikan, nakua: Narondongmorokomi PUANG! Mebalimi tu tau iato mai lako nakua: Napamasakke-sakkemorokomi PUANG!

RUT 4:11

Ma’kadami mintu’ to buda tu dio babangan iato sia mintu’ pekaamberan, nakua: Kamimo sola nasang tu titanan sa’bi. Na PUANGmora umpasusi Rahel sia Lea tu baine tama banuammi, tu mangkamo umbangun tongkonanna to Israel! La batta’komi lan mintu’ penggaurammi dio Efrata sia la umpalayukkomi sangammi lan Betlehem.

RUT 4:17

Nasangaimi baine sangbanuanna, nakua: Dadimo misa’ pia muane dio Naomi; nasangaimi tu pia iato Obed. Iamote tu ambe’na Isai, ambe’na Daud.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.

1 SAMUEL 16:4

Napogau’mi Samuel susitu kadanNa PUANG, anna male lako Betlehem. Pada saemi sipa’parondoan tu mintu’ pangulunna tondok iato, anna ma’kada nakua: Melo siaraka tu misaean?

1 SAMUEL 17:12

Iatu Daud, iamo anakna misa’ to Efrata dio mai Betlehem lan lili’na Yehuda, disanga Isai, tu karua anakna muane; tonna linona Saul iamo misa’ to matua tu matessek tonganmo.

1 SAMUEL 17:58

Ma’kadami Saul lako, nakua: Mindaroko anak, e anakku? Mebalimi Daud nakua: Anaknana’ orangmi Isai, to Betlehem.

1 SAMUEL 20:6

Ianna tirona’ ambe’mu kumua tae’na’ dioren, la mukua ma’kada: Napalaku-laku tongan Daud lako kaleku madomi’ male lako Betlehem, tondokna, belanna la umpogau’ pemala’ tu mintu’ pa’rapuanna dio susito biasanna, ke taunoi.