LUKAS 2:11 - Sura' Madatu

¹¹ kumua iate bongi totemo dipadadiammokomi To patutungan bia’ lan tondokna Daud, iamo Kristus, tu Puang iato.

LUKAS 2:11 Iomraidhean Croise

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

YESAYA 9:6

La kapua tu parentaNa sia tae’ upu’na tu kamarampasan dao isungan kapayunganna Daud sia lan nalili’ parentaNa, la Napabantang sia Naparandanganni katonganan sia kamaloloan randuk totemo tontong sae lakona; kamamaliranNa PUANGna mintu’ ma’dandan maritik la umpogau’i tu ianna te.

MATIUS 1:16

na Yakub undadian Yusuf, muanena Maria; iamotu Maria undadian Yesu, tu digente’ Kristus.

MATIUS 1:21

La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

MATIUS 16:16

Mebalimi Simon Petrus, nakua: Kamumo Kristus, AnakNa Puang Matontongan.

MATIUS 16:20

Napakare’nami tu anak gurunNa, da napokadai lako misa’ duka tau, kumua Iamo Kristus.

LUKAS 1:43

Matumbara’ na iatu indo’na Puangku sae umpellambi’ina’?

LUKAS 1:69

Sia Napabendanammiki’ tanda kamarendengan lan banuanna Daud, taunna,

LUKAS 2:26

Mangkamo napokada Penaa Masallo’Na Puang Matua lako kalena, kumua tae’pa nala sitiro kamatean, ke tae’pi natiroi tu Kristus dolo.

LUKAS 2:4

Male dukami tu Yusuf dio mai Galilea, lan mai tondok Nazaret, lako tondok Yudea, tondokna Daud, disanga Betlehem, belanna bati’na sia tarukna Daud,

YOHANES 1:41

Bunga’na sitammumi Andreas tu Simon, siulu’na, nakuami lako: Kikabu’tuimo tu Mesias, ke dipallemba’i battuananna Kristus.

YOHANES 1:45

Siappa’omi Filipus tu Natanael, nakuami lako: Kikabu’tuimo tu nasura’ Musa lan Sukaran aluk tu diona a’ganNa sia mintu’ nabi, Iamotu Yesu, anakna Yusuf, to Nazaret.

YOHANES 11:27

Nakuami Marta mebali lako: O Puang, aku te kupatongan kumua Kamumo tu Mesias, AnakNa Puang Matua, tu sipatu sae tama te lino.

YOHANES 20:31

apa iate iannate mangkamo disura’, ammi katappa’i kumua iatu Yesu Iamo Mesias, tu AnakNa Puang Matua, sia kumua diona kapatonganammi mipotuoi tu sanganNa.

YOHANES 4:25

Nakuami tinde baine lako: Kuissan sia kumua la sae tu Mesias, tu disanga Kristus; ianNa sae, la Napa’peissanan lako kaleki tu mintu’nato.

YOHANES 4:42

Nakuami tu tau lako tinde baine: Totemo ma’patonganmokan tangia kumua diona manna kadammu, sangadinna kirangi kalenamo sia kiissan kumua iate Tau iate tonganna to Pakarimmananna te lino.

YOHANES 6:69

Kami te kipatonganmo sia kikanassamo kumua Kamumo tu To Sallo’ lu dio mai Puang Matua.

YOHANES 7:41

Sia nakua tu to senga’: Iamo te tu Mesias. Den pole’o tu senga’na kumua: Ma’apai nala bu’tu dio mai Galilea tu Mesias?

PENGGAURANNA RASULU’ 10:36

Iamoto tu kada Naparampo lako to Israel tonna umpa’peissanan Kareba-kaparannuan, kumua den kasikaeloan tete dio Yesu Kristus; Iamo Puangna angge maritik.

PENGGAURANNA RASULU’ 13:23

Iamotu tarukna Daud, Nanii Puang Matua umpabu’tuanni to Israel tu To pakarimmanan, susitu Naallu’, Iamotu Yesu.

PENGGAURANNA RASULU’ 17:3

napokadan sia napamanassan kumua tae’ nasalai tang umperasai kamaparrisan tu Kristus sia malimbangun dio mai to’ to mate, nakua: Iatu Yesu kupa’peissanan lako kalemi Iamo Kristus.

PENGGAURANNA RASULU’ 2:36

Iamoto la naissan tongan mintu’ to ma’rapu Israel kumua Puang Matuamo umpadadiI Puang sia Kristus tu Yesu, tu mia’ta’.

PENGGAURANNA RASULU’ 5:31

Iamora Te tu napakalangka’ lima kananNa Puang Matua mendadi Pangulu sia To pakarimmanan la umpa’kamasean katobaran lako to Israel sia kadipa’deian kasalan.

1 KORINTUS 15:47

Iatu bunga’na tau, lu dio mai lino, iamo a’gan litak, na iatu tolino ma’penduan lu dao mai suruga.

FILIPI 2:11

sia mintu’ puduk mangaku, kumua Yesu Kristus tu Puang, la napomala’bi’ Puang Matua, Iamotu Ambe’.

FILIPI 3:8

Tonganna mintu’na kusanga karugian nasang, belanna kapaissanan diona Kristus Yesu, Puangku undaoanni tu mintu’na iannato. Bannang dioRi angku perasai karugian dio mintu’na, sia kubilang romon nasang, dikua anNa Kristus kuporongko’,

KOLOSE 2:6

Tu belanna mitarimamo tu Kristus Yesu, tu Puang, lolangmokomi lan kasiturusanNa,

1 YOHANES 4:14

Sia kami te untiromi angki katottongi, kumua mangkamo Nasua Ambe’ tu Anak mendadi To pakarimmananna te lino.

1 YOHANES 5:1

Minda-minda umpatonganni kumua Yesu tu Kristus, tau iato lu dio mai Puang Matua; sia minda-minda tu ungkamasei Puang Matua, tu mangka undadian pole’i, iamo umpakaboro’ to lu dio mai Kalena.