LUKAS 19:6 - Sura' Madatu

⁶ Tikara-karami mengkalao untammui Yesu, parannu tongan penaanna.

LUKAS 19:6 Iomraidhean Croise

YESAYA 64:5

Mitammui tu to sende penaanna umpogau’ kamaloloan, iamotu mintu’ tau ungkilalaiKomi dio lu mintu’ lalanMi. Manassa sengkeKomi, belanna palutu tombangmokan sia tontong bangkanni lan a’gan iato; iake susito, la tilendok siarakannika?

LUKAS 19:5

Iatonna rampomo Yesu lako to’ inan iato, mentingarami, Nakuami ungkuanni: E Zakheus, mengkalaoko madomi’, belanna iate allo iate inang la lempangKu dio to’ banuammu.

LUKAS 19:7

Sipa’nuku-nukuammi tu mintu’ to untiroi tu iannato, nakua: Naloo Ia lempang lako to’ banuanna to kadake gau’na.

LUKAS 2:16

Nasarra’i sae, nakabu’tui tu Maria sola Yusuf na iatu Pia’-Pia’ mamma’ lan palungan.

LUKAS 5:29

Natoratumi Lewi tu Yesu umpogau’ pa’maruasan kapua lan banuanna; buda passima sirampun dio sia tau senga’ kumande ma’talimbungan sola.

PENGGAURANNA RASULU’ 16:15

Tonna mangkamo didio’ sola to lan banuanna, natamba-tambaimokan, nakua: Iake misanga siai kumua aku te to mengkaola lako Puang, maikomi ammi torro dio banuangku. Naparuku-rukumokan.

PENGGAURANNA RASULU’ 16:34

Nasolammi langngan banuanna, napasakkaranni kande, anna parannu-rannu sola to lan banuanna, belanna tidukunmo tama kapatonganan langngan Puang Matua.

PENGGAURANNA RASULU’ 2:41

Ma’popedio’mi tu mintu’ to untarimai tu kadanna; keranganmi bilanganna tonna allo iato agi-agi tallungsa’bu tau.