LUKAS 17:3 - Sura' Madatu

³ Kanannangikomi kalemi! Ke kasalanni tu siulu’mu, pakilalai, iake menassanni pamaseroi kasalanna.

LUKAS 17:3 Iomraidhean Croise

PA’PUDIAN 141:5

Iake napata’paina’ lima to malambu’, iamo misa’ kameloan to. Sia iake napandasana’, iamo butung dibolloi boka’ tu ulungku to, tae’ nakanokai ulungku, belanna tontong tu passambayangku unneai tu kakadakeanna tau iato mai.

KATASSURAN 34:12

Sia kanandai tu kalemu dio mai kasibasseammu pa’tondokan tu mupempatui, kumua da anna tau iato mai dadi poya dio kalemu.

SARAMBU PEADA’ 17:10

Pissanri disayu tu to unnampui tangnga’ kinaa natamamo penaanna, losong na iatu pessaratu’ peta’tan lako to baga.

SARAMBU PEADA’ 27:5

Iatu peada’ dipasombo mandu melo na iatu kamamasean dibuni.

SARAMBU PEADA’ 9:8

Da muta’tanni tu to patelle-telle, da nakabiri’ko, sangadinna ta’tanni tu to kinaa, anna kamali’ko.

SURA’ KATOMINAAN 19:17

Da mukabiri’ siulu’mu lan penaammu, sangadinna la mupakanaan ke unnada’ko sangtondokmu, kumua da’mo natete dio tau iato ammu passan kasalan.

MATIUS 18:21

Tonna iato saemi tu Petrus umpentireke’i Yesu nakua: O Puang, pempiran sala tu siulu’ku lako kaleku tu sipatu la kupagarri’? Saeraka lako ma’pem- pitunna?

LUKAS 21:34

Kanandai tonganni, da namalilu tu penaammi napobua’ kamasalung-salungan sia kamalangoan sia umpengkaolai katuoan lan te lino, naurunganni tae’ bang nadikapang-kapang naalamokomi to allo iato susi misa’ poya.

EFESUS 5:15

Iamoto kainga’i meloi, umba la mipakuanni tu kalemi, da misusi to tang keinaa, sangadinna la susikomi to keinaa;

PA’TOLE 4:15

Iamoto kanandai tongankomi kalemi – belanna tae’ mitiro misa’ pa’kalean tonna allo, Nanii PUANG ma’kada lako kalemi dao Horeb lan mai tangnga to’ api

PA’TOLE 4:23

Kanandai tu kalemi, da mikalupai tu basseNa PUANG, Kapenombammi, tu mitanan sola, ammi garagai tu rapang-rapang dipodeata, merrupa misa’ apa, tu Napa’gagai PUANG, Kapenombammu, lako kalemu.

PA’TOLE 4:9

Apa la mukanandai tongan sia la mukatangkinni, da mukalupai tu apa mangka mutiro, sia da napa’de lan penaammu, tempon tuomu; paissanni tu mai anakmu sia iatu mai bati’mu,

IBRANI 12:15

Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

YAKOBUS 5:19

E sangsiulurangku, iake denkomi pusa diona tonganna, anna misa’ tau umpopengkatoba’i,

2 YOHANES 1:8

Kanandai tu kalemi, anna da mikapa’dean tu apa mangkamo takarang, sangadinna kumua nasundun miappa’ tu saro ra’ta’mi.