LUKAS 17:1 - Sura' Madatu

¹ Nakua Yesu lako anak gurunNa: Manassa tae’ nasalai tang bu’tu tu untumangna tau, apa upu’ allona tu to umpasaei.

LUKAS 17:1 Iomraidhean Croise

MATIUS 16:23

Apa memboko’ tu Yesu, anNa kua lako Petrus: Pallaiko lako boko’Ku, e deata bulituk! Ikomo misa’ tu la untumangNa’, belanna tangia diona Puang Matua muinaa-naa, sangadinna diona tolino.

MATIUS 18:7

Upu’ allona te lino, belanna angganna patumangna. Belanna tae’ nasalai tang sae tu patumangna, apa upu’ allona tu to napobannang tu patumangna.

LUKAS 16:31

Apa nakua Abraham lako: Iake tae’i naperangii tu kadanna Musa sia nabi, ma’apai nala untarimai, kenna la den duka misa’ to mate tuo sule namalimbangun dio mai to’ to mate loo umpellambi’i!

ROMA 14:13

Iamoto, da’mo tasipasala len, sangadinna la’bi’ ke mipopa’ga’taranni te ianna te kumua: da’ mipatitumbu ba’tu umpamatana’ penaanna siulu’mi.

ROMA 16:17

Kupakilalakomi, e mintu’ siulu’ku, la mikanandai tu mintu’ to umpabu’tu kasisakkan sia patumang tu sisalanna pangadaran mipelada’i. Toyangangkomi kalemi dio mai tau iato.

1 KORINTUS 10:32

Da mipabu’tui tu la napotitumbunna, la lako to Yahudi, la lako to Yunani, ba’tu lako kombongan to SaraninNa Puang Matua,

1 KORINTUS 11:19

Apa tae’ nasalai tang den ba’tu pira-pira kasite’gerammi, anna manassa tu to maruru’ penaanna lan kombongammi.

1 KORINTUS 8:13

Iamoto iake diona kande napotitumbu penaanna siulu’ku, tae’mo kula ungkande len duku’ sae lakona, da angku pabu’tui tu napotitumbunna penaanna siulu’ku.

1 TIMOTIUS 4:1

Apa maleso tongan tu kadanNa Penaa, kumua undinna, la sorong boko’ tu tau pira dio mai kapatonganan, belanna menturu’ lako penaa ma’papusa sia lako ba’tu pira-pira pangadaranna deata masussuk,

KADA OMBO’ LAKO RASULU’ YOHANES 2:14

Apa den sidi’ Kusayuangko, belanna denkomi tu mentoe lako pangadaranna Bileam, tu mangka unnada’i Balak umpaden katitodoan lako to Israel, naurunganni tau iato mai ungkandei tu apa dipemalaran lako deata, sia ma’gau’ sala.

KADA OMBO’ LAKO RASULU’ YOHANES 2:20

Apa den apa Kusayuangko, iamotu mupopa’elo’na tu baine disanga Izebel ungganti kalena nabi, sia mangada’ anna umpapusa mintu’ taungKu ma’gau’ sala sia ungkande apa dipemalaran lako deata.