LUKAS 13:11 - Sura' Madatu

¹¹ Denmi misa’ baine dio nataba deata, namasaki sangpulo karuamo taunna, mandumo tibungku tu boko’na, tang naissan liumo umpakalolo kalena.

LUKAS 13:11 Iomraidhean Croise

AYUB 2:7

Pakalan tassu’mi tu deata bulituk dio mai oloNa PUANG, anna pata’pai kele tang dampi-dampian tu Ayub randuk dio mai pala’ lentekna sae langngan botto ulunna.

PA’PUDIAN 145:14

Iatu PUANG untulak mintu’ to la tobang, sia umpakalolo mintu’ to tikongko.

PA’PUDIAN 146:8

Sia PUANG umpamillik mata to buta, PUANG umpakalolo to tikongko, sia PUANG ungkamasei to malambu’.

PA’PUDIAN 38:6

Mintu’ bangkeku bubosi sia ma’nana, natumang kabagangku.

PA’PUDIAN 42:5

Iake kukilalai tu diona te, mamalling tu penaangku lan ba’tengku: Iamotu tumbai tu kamangkangku ussolan to buda, ma’baanan lako banuanNa Puang Matua, sila’tekan sia ussa’bu’ pa’pudi-pudian, iamotu to buda tu umpakaraya allo kapua.

PA’PUDIAN 6:2

O PUANG, da Miukungna’ kasengkeamMi, sia da Mipa’di’ina’ kamare’dekamMi!

MATIUS 4:23

Malemi tu Yesu ullelei mintu’ tana Galilea mangada’i lan lu banua pa’kombonganna tau, sia umpa’peissanan Kareba kaparannuan diona ParentaNa Puang Matua sia umpasoro’ mintu’ saki sia rammun dio mai kalena tau.

MARKUS 9:21

Nakutanaimi Yesu tu ambe’na Nakua: Sangapamira napasusi to? Nakuami: Tempon bitti’na.

LUKAS 13:12

Iatonna tiromi Yesu, Natambaimi sae lako Kalena, Namane kumua: E, baine, la dirampanammoko dio mai te sakimmu.

LUKAS 13:16

Na iate baine iate anakna Abraham, nasangkin bang deata bulituk, aa sangpulo karuamo taunna, tang sipaturaka dirampanan dio mai sangkinna te allo katorroan iate?

LUKAS 21:28

Ianna randukmo dadi tu mintu’nato, mentingarakomi sia bangunangkomi ulummi, belanna mandappi’mo tu kalessurammi.

LUKAS 8:2

Sia ba’tu pira-pira baine, tu malekenamo dio mai kanatabanna deata masussuk sia ma’rupa-rupa sakinna, iamotu Maria disanga Magdalena, pitumo deata masussuk soro’ dio mai kalena, sia

LUKAS 8:27

Iatonna kendekmo langngan karangkeanna, saemi napessitammui misa’ tau dio mai tondok iato to nataba deata masussuk, masaimo tae’ nama’tamangkale natae’ bangmo natorro lan banua, sangadinna dio bang lu to’liang.

LUKAS 8:43

Denmi misa’ baine masaki, nakasunni nenne’ bang rara, sangpulo duamo taunna sia puramo tu apa-apanna napamalean to ma’dampi, apa moi misa’ tae’ duka umpapa’dei.

PENGGAURANNA RASULU’ 3:2

Denmi misa’ to kupi’ natuang lan mai tambukna indo’na nabulle tau; kiallo-kiallo dipadio bang to’ ba’ba Banua Kabusungan, tu disanga Ba’ba Ballo, malaku-laku lako to tama Banua Kabusungan.

PENGGAURANNA RASULU’ 4:22

Belanna iatu to nanii umpogau’i lako kalena tu tanda mangnga anna maleke, la’bimo patangpulo taunna dadinna.