LUKAS 11:4 - Sura' Madatu

⁴ Sia pa’dei tu sala-budangki, belanna kami duka umpagarri’ salana mintu’ to kasalan lako kaleki. Sia da Mielorangkan diroso.

LUKAS 11:4 Iomraidhean Croise

KADADIAN 48:16

iato Malaeka’ urrampananna’ dio mai sanda kadake Ia dukamora umpamasakkei sola duai tu pia, anna disa’bu’ tu sangangku dio te tau iate sia sanganna to doloku Abraham sola Ishak, sia anna memba’ka’ kalle-kallean te tau sola duai lan kuli’na padang!

1 DATU 8:34

la Miperangii dao mai suruga sia pa’dei tu kasalanna taumMi to Israel sia pasulei tu tau iato mai tama tondok, tu mangka Mikamasean nene’ to dolona.

1 DATU 8:36

attu iato la Miperangii dao mai suruga sia la Mipa’dei tu kasalanna taumMi sia taumMi to Israel – belanna Mipatuduan lalan melo tu tau iato mai tu sipatu la naolai – sia Mipasaean uran tu padang, tu mangka Mikamasean taumMi la napomana’.

PA’PUDIAN 121:7

PUANG la urrinding pala’ko dio mai kamasolangan, pissanmi to, Ia la urrinding pala’i tu deatammu.

PA’PUDIAN 25:11

Tete dio sangamMi, o PUANG, pagarri’i tu kedo kadakeku, belanna kapuamo.

PA’PUDIAN 25:18

Tiromi tu kamaparrisangku sia kamapa’dirangku, sia pa’deimi tu mintu’ kasalangku.

DANIEL 9:19

O Puang, perangii! O Puang, pagarri’i! O Puang, palan penaai! Pogau’i damo Midampai, belanna Kalemi, o Kapenombangku, belanna disa’bu’ tu sangamMi naposanga kotaMi sia taumMi.

HOSEA 14:2

Mengkatoba’ko, e Israel, lako PUANG, Kapenombammu, belanna tete dio kakadakeammu, ammu tisumbang.

MATIUS 18:35

Ten dukamoto tu Ambe’Ku dao suruga la umpogau’i lako kalemi, ke tae’i naponno tongan penaammi pada umpagarri’ salana tu mai siulu’mi.

MATIUS 26:41

Ma’penandakomi sia massambayangkomi da naruakomi peroso; tonganna la morai tu penaa, apa langga’ tu kale.

LUKAS 11:5

Nakuami Yesu lako sola nasangi: Mindara kamu ke denni sangmanena, naloo tangnga bongi umpellambi’i, nakua lako: E sangmane, pasuka’pa’ rotimmu tallu,

LUKAS 13:4

Na iatu sangpulo karua tau nasongkai menara dio Siloam namate, misangaraka ondong ia kapuana salana na mintu’ to torro dio Yerusalem?

LUKAS 22:46

Nakuami lako: Ma’apari mimamma’ bangra? Millikkomi ammi massambayang, da naruakomi peroso.

LUKAS 8:13

Na iatu diona to’ batu, iamotu tau untarimai, ke narangii sia parannu len penaanna; apa tae’ namennuaka’ lan penaanna, sangadi napatongan sangattu’ bangri, ianna rampoi peroso, tikkondo’mi penaanna.

YOHANES 17:15

Tae’ra Kupalakui kumua Mialai lan mai te lino, sangadinna kumua Mirinding pala’i dio mai deata bulituk.

1 KORINTUS 10:13

Belanna ia manna tu petoba biasa urrampoi tolino tu mangka urrampoikomi. Apa maruru’ tu Puang Matua, tae’ Napopa’elo’nakomi dipatondonni petoba, sangadinna la pada Napabu’tu petoba tu katilendokan, kumua ammi batta’ umpengkanannangi.

KOLOSE 3:13

sipama’tanan penaa sia sipagarri’komi, to ke denkomi madiong ba’teng lako solami. Susi Puang umpa’dei kasalammi, la susi dukakomi to.

2 TESALONIKA 3:3

Apa maruru’ sia tu Puang, Ia dukamo la umpabatta’komi sia urrinding pala’komi dio mai tu to kadake.

2 TIMOTIUS 4:18

Puang la ullendokanna’ dio mai mintu’ penggauran kadake sia ungkarimmannina’ landa’ sae tama Parenta lanNa suruga; anna lu lako Puang tu kamala’biran tontong sae lakona. Amin.

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.