LUKAS 10:7 - Sura' Madatu

⁷ La torro dukakomi dio tu banua, kandei sia iru’i tu natadoangkomi, belanna iatu to mengkarang sipatu unnala sarona; sia da mima’lele-lele dio mai misa’ banua lako banua senga’.

LUKAS 10:7 Iomraidhean Croise

KADIBILANGAN 18:31

La mikande sola to lan banuammi tu apa iato dio lu mintu’ inan, belanna la miposaro diona pentoeammi dio Tenda Kasitammuan.

MARKUS 6:10

Nakuami lako: Umba-umba banua minii kendek, iamo minii torro dio to sae lako malemi pole’o indeto dio mai.

LUKAS 10:6

Iake denni pangrianna salama’ lan, manassa torro dio tu passalama’mi, apa iake tae’i, la sule lako kalemi.

LUKAS 9:4

Umba-umba banua minii kendek, torrokomi dio, anna dio minii male pole’o.

PENGGAURANNA RASULU’ 16:15

Tonna mangkamo didio’ sola to lan banuanna, natamba-tambaimokan, nakua: Iake misanga siai kumua aku te to mengkaola lako Puang, maikomi ammi torro dio banuangku. Naparuku-rukumokan.

PENGGAURANNA RASULU’ 16:34

Nasolammi langngan banuanna, napasakkaranni kande, anna parannu-rannu sola to lan banuanna, belanna tidukunmo tama kapatonganan langngan Puang Matua.

PENGGAURANNA RASULU’ 16:40

Sunmi lan mai pa’tarungkuan, anna male lako banuanna Lidia. Iatonna sitiromo tu mai to sangsiuluran, napakananna’mi, namane male.

GALATIA 6:6

Sipatu tu to diada’i kadanNa Puang umbenni kataananna tu to mangada’i.

PA’TOLE 12:12

La parannukomi dio oloNa PUANG, Kapenombammi, la kamu la anakmi muane la anakmi baine la kaunanmi muane la kaunanmi baine, sia to Lewi, tu torro lan babangan kotami, belanna tae’ apa napoapa sia tae’ apa napotaa mana’ dio lu kamu.

PA’TOLE 18:8

iamoto la napotaa pada taana tu tau dio, tae’ nadipasibilang tu taana dio mai ambe’na, tu mangka nabalukan.

1 TIMOTIUS 5:13

Sia randuk pole’pa umpopa’biasa kalena tukkunan sia ullelei banua; apa tangia kumua tukkunan manna, sangadinna pa’uleleanan duka sia umpatangma’rundunan tau sia unnulelean apa tang pato’ dipokada.

2 TIMOTIUS 2:6

Iatu to mara’ta’ ma’pa’lak, sipato’ ia dolo untammui tu burana.