LUKAS 10:4 - Sura' Madatu

⁴ Da mibaa poro’-poro’ ba’tu kandu’ ba’tu lapik lentek sia da misalama’ len tau lako lalan moi minda-minda.

LUKAS 10:4 Iomraidhean Croise

KADADIAN 24:33

Mangkato napalennarammi kande tau, apa nakua: Tae’pa kumorai kumande, ke tae’pi anna pura nasang kupokada tu kadangku dolo. Nakuami tu Laban: Pokadami.

KADADIAN 24:56

Nakuami mebali: Da mitang unneloranna’ na Napamaupa’mo PUANG tu kalingkangku; da’ito kimalemo sule lako puangku.

2 DATU 4:24

Nalapikmi tu keledai birang, nakuai lako taunna: Patikara-karai lumingka, da’ito kupatarru’ bangi lumingka, da anta melayo, sangadi ke kukuapi.

2 DATU 4:29

Nakuami Elisa lako Gehazi: Ma’tambeke’ko, tangkei tu tekkenku ammu male; ianna den tau musitammuan da musalama’i, ianna deno tau ussalama’ko da mubalii, ammu patorroi te tekkenku dao to’ lindona tu pia.

SARAMBU PEADA’ 4:25

La mentiro melo lako tingayo tu matammu sia da mumentiro senga’, ke untontongiko tau.

MARKUS 6:7

Natambaimi tu anak gurunNa sangpulo dua, Naparandukki ussua sida’dua-duai male sia Naben kamatotoran la ungkuasai deata masussuk.

LUKAS 22:35

Nakuami Yesu lako: IatongKu suakomi tang umbaa poro’-poro’, kandu’ na lapik lentek, denraka apa kurang dio kalemi?

1 SAMUEL 21:8

Nakuami Daud lako Ahimelekh. Tae’raka doke iti’ misa’ ba’tu pa’dang? Apa tae’ kupakala umbaa pa’dang ba’tu pa’buno belanna mesuamo tu datu umpasasana’.