LUKAS 1:9 - Sura' Madatu

⁹ susitu biasanna tu gau’ pentoen to minaa, – dibiangammi nakitananni la tama lan Banua KabusunganNa Puang, la mangrambu tagari.

LUKAS 1:9 Iomraidhean Croise

1 OSSORANNA DATU 23:13

Iatu anakna Amram iamotu Harun sola Musa; iatu Harun dipamarimbangan, kumua anna dipamaindan butung to tarru’ maindan, la ia la iatu mai anakna muane, la untunu pemala’ dio oloNa PUANG, la umpengkaolai sia ma’passakke tete dio sanganNa, sae lakona.

1 OSSORANNA DATU 6:49

Apa iatu Harun sola tu mintu’ anakna muane memala’ dao inan pemalaran dinii mantunu sia dao inan pemalaran pantunuan dupa, sia napogau’ tu mintu’ pengkarangan lan inan tarru’ maindan sia umpadenan pengkalossoran to Israel situru’ tu mintu’ pepasanna Musa, taunNa Puang Matua.

2 OSSORANNA DATU 26:16

Apa iatonna makuasamo matampomi tu datu, naurunganni ma’gau’ kadake tongan sia tae’mo namaruru’ lako PUANG, Kapenombanna, iamotu tama banua kabusunganNa PUANG la untunu dupa dao inan pemalaran pantunuan dupa.

2 OSSORANNA DATU 29:11

E! anakku, da mitang ungkaritutui tu pentoeammi, belanna Natonno’mokomi PUANG la bendan dio oloNa la umpenombai, sia la dadi taunNa sia memala’ lako Kalena.

KADIBILANGAN 16:40

la dadi misa’ tanda pengkilalan lako to Israel, kumua da namengkareke’ lako Puang tu to tang sipatu, tu tang sangbilangan bati’na Harun, la untunu dupa dio oloNa PUANG, sia da naruai kasanggangan susi Korah sia to massituru’ nasisolan, susitu Napokada PUANG lako Eleazar tu nalopian Musa.

MATIUS 27:5

Nasamboran nasangmi tu salaka tama Banua Kabusungan, namale, anna lao untoke’ kalena.

IBRANI 9:6

Tonna mangkamo dipopa’rundunan nasang tu mai susinnato, tama nenne’mi sapa’ tingayo tu mintu’ to minaa la umpogau’ nasangi tu kamenomban;

1 SAMUEL 2:28

Kutonnorammo Kaleku dio lu mintu’ suku to Israel la dadi to minaa, kumua anna kendek langngan inan pemalarangKu, sia la untunu dupa sia umpake epo’ dio oloKu, sia lako to lan banuanna ambe’mu Kubenmo tu mintu’ pemala’ ditununna to Israel.