LUKAS 1:71 - Sura' Madatu

⁷¹ kumua anta lessu’ dio mai mintu’ ualinta sia dio mai limanna mintu’ to ungkabiri’ki’;

LUKAS 1:71 Iomraidhean Croise

2 DATU 17:39

Sangadinna la mipakaraya tu PUANG, Kapenombammi; iake susito Puang duka la urrampanankomi dio mai limanna ualimmi.

PA’PUDIAN 106:10

Susimoto Nanii Puang ullendokanni dio mai lisu pala’na to ungkabiri’i, sia Nalussuran dio mai kuasanna uali.

PA’PUDIAN 106:47

O PUANG, Kapenombangki, lendokangkan, sia pasidurukkanni sule lan mai to’ ba’tu pira bangsa, angki pudi sanga maseroMi, sia massattuan lan kadipudiamMi.

YEREMIA 23:6

Iake alloNa iatu to Yehuda la dikarimmanni sia iatu to Israel la torro marampa’, na iatu sanganNa la nasa’bu’ tau: PUANG tu oto’na kamaloloanta.

YEREMIA 32:37

Manassa la Kupulung tu tau iato mai lan mai mintu’ tondok, tu Kunii urrambai male tete dio kasengkeangKu sia kare’dekangKu sia kamagi’giran kapuaKu, sia Aku la umpasulei lako inan iate sia la umpatorro marampa’i.

YEHEZKIEL 28:26

La torro marampa’ tu tau iato mai inde to dio sia la umbangun banua sia unggaragai pa’lak anggoro’; ondongpi la torro marampa’ tu tau iato mai, ke Kuparampoimi ukungan tu mintu’ tau tiku lao, tu mangka umpamatunai. Anna tandai tau iato mai, kumua Akumo tu PUANG, Kapenombanna.

YEHEZKIEL 34:25

La untananNa’ misa’ basse kamarampasan sola tau iato mai sia la Kusarapai tu mintu’ olo’-olo’ masuru lan mai tondok iato, naurunganni ma’din torro marampa’ tu tau iato mai dio padang aak sia mamma’ lan lu pangala’.

YEHEZKIEL 34:28

Natae’mo naporampanni mintu’ bangsa, sia tae’mo nala ungkandei olo’-olo’ dao kuli’na padang, sangadinna la torro marampa’ sia moi misa’ tau tae’mo umpatiramban lenni.

YEHEZKIEL 38:8

Iake lendu’mi ba’tu sangapa-apa attu, maneroko dipokadan parenta; iake nalambi’mi tu taun la sae, la ke’de’moko ullaoi tu tondok iato, tu mangka dipasule dio mai kasirarian, iamotu misa’ bangsa, tu mangka dipasipulung dio mai mintu’ bangsa dao buntunna Israel, tu masaimo mempadang talo, apa disolammo sun dio mai mintu’ bangsa; anna torro marampa’ sola nasang.

LUKAS 1:68

Mintu’na kadipangkeran lu lako nasang Puang Kapenombanna to Israel, belanna denmo mamaseNa umpemaranga to Napilei, Napadenanni kadila’bakan.

LUKAS 1:74

iake lessu’miki’ dio mai mintu’ ualinta, tae’mo tala mataku’ mengkaorong lako alukNa;

PA’TOLE 33:29

Maupa’ko, e to Israel; mindara susimmu? Iamotu misa’ bangsa Nalendokan PUANG, tu balulang patunduammu sia pa’dang kamatandeammu. Iamoto na iatu ualimmu unna’ga to mengkanorong bangmo kalena lako kalemu, sia mulese tu padang madaona.

1 YOHANES 3:8

Iatu to umpogau’ kasalan, iamoto lu dio mai deata bulituk, belanna iatu deata bulituk inang umpogau’ kasalan dio mai mulanna. Iamo bannangnate, Nadipasombo tu AnakNa Puang Matua, kumua anNa Ia ussanggangi tu mintu’ pengkaranganna deata bulituk.