LUKAS 1:7 - Sura' Madatu

⁷ Iatu tau iato tae’ nakianak, belanna tamanang tu Elisabet namatuamo sola duai, lendu’mo kakianakanna.

LUKAS 1:7 Iomraidhean Croise

KADADIAN 17:17

Malinguntu’mi tu Abraham natukku rapa’ rokko padang nametaa, anna ma’kada lan penaanna nakua: Ma’dinraka tu to saratu’mo taunna undadian misa’ pia? Ma’dinraka tu Sara, tu kaseramo pulona taunna la kianakpa?

KADADIAN 18:11

Iatu Abraham sola Sara matuamo, matessek tonganmo, na iatu Sara radanmo tu kanalambiranna bulanna.

KADADIAN 25:21

Iatu Ishak malaku tongan langngan PUANG diona bainena, belanna tamanang: Napalalomi PUANG tu palakunna, ma’tambukmi tu Ribka, bainena.

KADADIAN 30:1

Iatonna tiromi Rahel kumua tae’ anna padadianni tau tu Yakub, mangimburumi lako kakanna, anna ma’kada lako Yakub, nakua: Benna’ aku anak; iake tae’i, matena’ aku te!

1 DATU 1:1

Iatu datu Daud matuamo sia matessekmo sia moi nasambu’i parramba’ tau, apa inang tae’mo namalassu.

2 DATU 4:14

Nakuami Elisa: Apamora la kupogauranni? Mebalimi Gehazi nakua: Tae’ ia dikka’ nama’dadian muane sia iatu muanena matuamo.

LUKAS 1:5

Iatonna Herodes datu Yudea denmi misa’ tominaa, disanga Zakharia, untamai atoranna allona Abia, na iatu bainena disanga Elisabet, tarukna Harun.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

LUKAS 1:8

Den pissan tonna marassan umpogau’ pangalukan kapemalaran langngan Puang Matua sirupang allu’na la untoe pangalukan to allo iato, –

ROMA 4:19

Sia tae’ namoro’ kapatongananna, natiro tu kalena butung to matemo, belanna agi-agimo saratu’ taunna dadinna, sia iatu inan taunna Sara butung mate dukamo;

IBRANI 11:11

Bannang dio dukamora kapatonganan anna appa’i Sara tu kamatotoran la ma’tambuk, moi anna lendu’ tonganmo kakianakanna, belanna nakanassai kumua matappa’ tu To-mangkamo unnallu’i.

1 SAMUEL 1:2

Da’dua tu bainena, misa’ disanga Hana na misa’ disanga Penina; iatu Penina kianak, apa iatu Hana tae’.