LUKAS 1:25 - Sura' Madatu

²⁵ Susimo Nagauranna’ Puang to, tonna tontongina’ Nasamboanna’ tu siri’ku lako mintu’tau.

LUKAS 1:25 Iomraidhean Croise

KADADIAN 25:21

Iatu Ishak malaku tongan langngan PUANG diona bainena, belanna tamanang: Napalalomi PUANG tu palakunna, ma’tambukmi tu Ribka, bainena.

2 SAMUEL 6:23

Iatu Mikhal, anakna Saul, tang sitiro lolo tau sae lako matena.

YESAYA 25:8

La Napaputta tontong sae lakona tu kamatean, sia la Napa’dii Puangta PUANG tu mai uai mata, sia iatu kamatunanna taunNa la Napa’dei lan mai mintu’ nasambo langi’, belanna susimoto tu kadanNa PUANG.

YESAYA 4:1

Allo iato pitu baine la ussila’ka’-la’ka’i misa’ muane anna ma’kada nakua: Kandeki siamo kami la kikande, sia pakeangki siamo kami la kipotamangkale, podo ke mukonai dukakan; samboi tu siri’ki!

LUKAS 1:13

Apa nakua tu malaeka’ lako: Da mumataku’, Zakharia, belanna ditarimamo tu palakummu; iatu bainemu Elisabet la napadadiangko misa’ pia muane, la musangai Yohanes.

LUKAS 1:24

Tae’ namasai alla’na ma’tambukmi tu Elisabet namembuni bang limang bulan, nakua:

IBRANI 11:11

Bannang dio dukamora kapatonganan anna appa’i Sara tu kamatotoran la ma’tambuk, moi anna lendu’ tonganmo kakianakanna, belanna nakanassai kumua matappa’ tu To-mangkamo unnallu’i.

TO PARENGNGE’ 11:37

Sia ma’kadapa lako ambe’na nakua: Iamanna te misa’ la mipalaloampa’, iamotu la mielorampa’ duang bulan male langngan buntu sola te mai sangbaineku la untangi’i tu kamalollerangku anak dara.

1 SAMUEL 1:6

Lendu’ duka ia napa’dikkinna sanglentekna, la umpakarede-redei, belanna Napatamanang PUANG.