FILIPI 2:12 - Sura' Madatu

¹² Iamoto, e kamu mintu’ pa’kaboro’ku, susitu biasanna mengkaola bangkomi, tangia manna ke diona’ ren, sangadinna ondong pole’pa ke pa’dena’, karitutui tu kamakarimmanan kalemi situru’ kamatakuran sia kama’parondoan,

FILIPI 2:12 Iomraidhean Croise

EZRA 10:3

Melo ke untananki’ basse sola Kapenombanta, kumua la tasua male tu mintu’ baine sia mintu’ pia nadadian, situru’ tu pa’pakilalanna puangku sia mintu’ tau tu ma’parondo ungkataku’ pepasanNa Kapenombanta; melo ke lolangki’ unturu’i tu Sukaran aluk.

PA’PUDIAN 119:120

Rumonting tu kaleku diona kametakuramMi, sia mataku’na’ belanna mintu’ pa’paolaimMi salu.

PA’PUDIAN 2:11

Mengkaolakomi lako PUANG situang kamatakuran, sia sende paimankomi situang kama’parondoan.

SARAMBU PEADA’ 10:16

Iatu pandakaranna to malambu’ napotuo; apa iatu pa’pabu’tunna to tang mekaaluk napokasalan.

SARAMBU PEADA’ 13:4

Iatu penaanna to tukkunan maduang, apa moi misa’ tae’ nakabu’tui, apa iatu penaanna to birisan dipedia’i tongan.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

YESAYA 66:5

Tananni talinga tu kadanNa PUANG, e kamu tu ma’parondona belanna kadanNa: Iatu mintu’ siulu’mi, tu ungkabiri’komi sia ussisarakangkomi belanna sangangKu ma’kada nakua: Melo ke umpaombo’i kamala’biranNa tu PUANG, angki tiroi tu kasendeammi. Apa ia kalena la kasirisan tu tau iato mai.

MATIUS 11:12

Tempon dio mai tonna Yohanes Pa’dio’ sae lako totemo masarrang kumarorak tu Parenta Suruga sia narabak to unnea parrangi.

MATIUS 11:29

Endekammi tu panglembaKu sia melada’komi lako Kaleku; belanna Aku malamma’ sia umpamadiongan penaa; ammi alan kapelayoan kalemi.

PENGGAURANNA RASULU’ 16:29

Umpalakumi palita tu sapiri, nama’dondo tama sia ma’paganggang, anna tukku umpennoloi tu Paulus sola Silas.

PENGGAURANNA RASULU’ 9:6

Malimbangunmoko mumale tama tondok, nalanpa mudipokadan tu apa sipatu la mupogau’.

ROMA 2:7

iamotu katuoan sae lakona Napapakkananni tu to umpengkaolai kameloan undaka’i tu kamala’biran sia kadipangkeran sia apa tang narandanna kasanggangan,

1 KORINTUS 15:58

Iamoto, e kamu siulu’ pa’kaboro’ku, batta’komi da naleluk penaammi, sia bassa’komi umpengkali-kalii mengkarang lan pengkaranganNa Puang, belanna miissan kumua iatu kamara’tasammi tae’ nala torro sala lan Puang.

1 KORINTUS 2:3

Lanmo’ kalanggaran sia kamatakuran sia lendu’ ma’parondoku ussisolangkomi.

1 KORINTUS 4:14

Ia sia angku sura’i te tangia la kupakasiri’komi, sangadinna la kupakilalakomi susi anak pa’kaboro’ku.

2 KORINTUS 7:15

Na iatu kala’karanna penaanna lako kalemi sakerangngan-rangnganna, belanna nakilalai tu kamengkaolammi sola nasang sia tumba tu kamitammuinna situru’ kamatakuran sia kama’parondoan.

EFESUS 6:5

E mintu’ kaunan, mataku’ sia ma’parondokomi unturu’ parentana puangmi diona lino, anna malambu’ penaammi susi lako Kristus,

FILIPI 1:27

Samamira kumua iato katuoammi la sitondon Kareba-kaparannuanNa Kristus, dikua la iake saena’ untirokomi, la iake pa’dena’, anna rampo tama talingangku, kumua tontongkomi misa’ penaa sia sanginaa sibalian umpangeai kapatonganan diona Kareba-kaparannuan.

FILIPI 1:29

Belanna mangkamo dipa’kamasean lako kalemi bannang dio Kristus, tangia kumua mipatongan mannai, sangadinna kumua miperasai dukai tu kamaparrisan diona Ia,

FILIPI 1:5

Tu belanna kasisanginaammi lan kadipalolanganna Kareba-kaparannuan tempon dio mai allo diparandukna sae lako te totemo.

FILIPI 1:6

Kukatappa’i te iannate, kumua Puang Matua tu mangka umparanduk misa’ pengkarangan melo dio kalemi, Ia duka la umpasundunni sae lako alloNa Yesu Kristus.

FILIPI 2:19

Apa urrannuanna’ pangeloranNa Puang Yesu, la ussuana’ Timotius madomi’ mati’, anna matana penaangku, to ke kuissanmi tu mintu’ torro ke’de’mi.

FILIPI 4:1

Iamoto, e sangsiulurangku tu kupakaboro’ sia kukamali’, tu kupoparannu sia kupomakota, susinnamirato bantangkomi lan kasiturusanna Puang, e pa’kaboro’ku.

FILIPI 4:15

Miissan sia, e to Filipi, kumua iatonna bunga’ dipa’peissanan tu Kareba-kaparannuan, tongku sunmo lan mai Makedonia, moi misa’ kombongan tae’ rokko kasiturusan kusitukaran pamengan, sangadinna kamu manna.

1 TESALONIKA 1:3

Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

2 TIMOTIUS 2:10

Iamo patunna to angku batta’ umpatananni tu mintu’na, belanna mintu’ to ditonno’, kumua anna kabu’tui tu kamakarimmanan, lan Kristus Yesu sola kamala’biran tontong sae lakona.

IBRANI 12:1

Iamoto belanna napatama limbuki’ pada budanna to titanan sa’bi makamban susi gaun, dadi la talendokan tu mintu’ magasanna, sia kasalan tu maraa ussalembe’ki’ sia la taparri-parri ma’dondo lan kapassilomban dipapatuangki’,

IBRANI 4:1

Iamoto su’ding denpi tu pangallu’ diona kataman kapelayoanNa, sipatu takaselangan kumua denkomi manii misa’ payan tinampe.

IBRANI 4:11

Iamoto tapengkullei tama kapelayoan iato, da taden misa’ tobang, susi to a’gan kabattukanna.

IBRANI 5:9

Tonna mangkamo dipasundun maneri Ia mendadi oto’ kamakarimmanan matontonganna mintu’ to mengkaola lako Kalena,

1 PETRUS 2:11

E pa’kaboro’ku, kupakilalakomi susito mentiruran sia to lumio’ lan te lino, la mitoyangan tu kalemi dio mai mintu’na kamailuan pa’kalean tu sirari deatammi;

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.