FILIPI 1:1 - Sura' Madatu

¹ Iate sura’ lu dio mai Paulus na Timotius, taunNa Kristus Yesu diparampo lako mintu’ to masallo’ lan Kristus Yesu dio Filipi sia mintu’ to ma’panundu’ sia pa’kamaya.

FILIPI 1:1 Iomraidhean Croise

MARKUS 13:34

Iatu iannato susi misa’ to male lako padang mambela, untampe banuanna sia napakuasa tu mai kaunanna, sia pantan napatakoi pengkaranganna, anna mepasan lako to ma’kampa ba’ba, kumua anna ma’penanda-nanda.

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

PENGGAURANNA RASULU’ 1:20

Belanna den disura’ lan Sura’ Pa’pudian nakua: Nake makarorrongi tu inan, sia nake tang nanii tau lan, sia nakua: Nake natoei to senga’ tu pangka’na ma’panundu’.

PENGGAURANNA RASULU’ 20:28

Kanandai tu kalemi sia mintu’ tu to sangtuntunan, tu Nanii umpamanassakomi Penaa Masallo’ dadi to mangkambi’, la ungkambi’i tu kombonganNa Puang Matua, tu mangka Nala’bak raraNa kalena.

PENGGAURANNA RASULU’ 9:13

Nakuami Ananias mebali: O Puang budamo tau kunii urrangii tu diona tau iato, budamo kakadakean napogau’ lako to masallo’Na Puang dio Yerusalem.

ROMA 1:1

Dio mai Paulus taunNa Kristus Yesu, tu ditambai mendadi rasulu’ sia dipamarimbangan la umpa’peisanan Kareba-kaparannuanNa Puang Matua.

ROMA 1:7

Diparampo lako mintu’ tau dio Roma tu Nakamaseinna Puang Matua sia dipamarimbanganmo mendadi to masallo’. Narampoimorokomi kamaturu-turuan sia kamarampasan dio mai Puang Matua Ambe’ta sia Puangta Yesu Kristus.

1 KORINTUS 16:10

Ianna sae tu Timotius, karitutui, da anna tigiang misisolan, belanna umpogau’ pentoeanNa Puang, susi bangsia te aku.

2 KORINTUS 1:1

Iate sura’ lu dio mai Paulus, rasulu’Na Kristus Yesu tete dio pa’poraianNa Puang Matua, na siulu’- ta Timotius, diparampo lako kombonganNa Puang Matua dio Korintus sia mintu’ to masallo’ dio lili’na tana Akhaya,

GALATIA 1:10

Na totemo ussedera’ka tolino, ba’tu Puang Matua? Ba’tu undaka’ra’ka lalan kumua anna poraina’ tolino? Iake mukkunna’ undaka’ lalan kumua anna poraina’ tolino, manassa tangiana’ taunNa Kristus.

GALATIA 3:26

Belanna iatu kamu sola nasang anakNakomi Puang Matua tete dio kapatonganan lako Yesu Kristus.

GALATIA 3:28

Tae’mo to Yahudi lan, ba’tu to Yunani, tae’mo kaunan ba’tu to makaka, tae’mo muane ba’tu baine; belanna iatu kamu sola nasang mendadi misamorokomi lan Kristus Yesu.

EFESUS 1:1

Iate sura’ lu dio mai Paulus, rasulu’Na Kristus Yesu tete dio pa’poraianNa Puang Matua, diparampo lako mintu’ to masallo’ dio Efesus, to ma’patongan, lan Kristus Yesu,

EFESUS 1:15

Iamoto iatongku rangii tu kapatonganammi lako Puang Yesu sia pa’kaboro’mi lako mintu’ to masallo’,

EFESUS 6:24

Narondongmira pa’kamaseanNa Puang Matua tu mintu’ to umpakaboro’i pa’kaboro’ tang sitiro kasanggangan tu Puangta Yesu Kristus.

FILIPI 2:19

Apa urrannuanna’ pangeloranNa Puang Yesu, la ussuana’ Timotius madomi’ mati’, anna matana penaangku, to ke kuissanmi tu mintu’ torro ke’de’mi.

FILIPI 2:5

Palan ara’mi te inaa iate, tu dennamo lan penaanNa Kristus Yesu,

FILIPI 3:12

Tangia kumua inang kulambi’mo, ba’tu sundunmo, apa kupembelai unnula’i, kubela duka sia manii ulla’ka’i tu apa kupobannangmo Nala’ka’i Kristus Yesu.

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

FILIPI 3:8

Tonganna mintu’na kusanga karugian nasang, belanna kapaissanan diona Kristus Yesu, Puangku undaoanni tu mintu’na iannato. Bannang dioRi angku perasai karugian dio mintu’na, sia kubilang romon nasang, dikua anNa Kristus kuporongko’,

1 TESALONIKA 1:1

Iate sura’ lu dio mai Paulus sia Silwanus anna Timotius diparampo lako kombongan to Tesalonika, tu lanna Puang Matua, Iamotu Ambe’ sia Puang Yesu Kristus. Narampoimorokomi pa’kamasean sia kamarampasan.

1 TESALONIKA 2:2

Tonganna kumua dolona umperasaikan kamaparrisan sia kadipakario-rioan dio Filipi, susitu miissanna, apa tete dio Kapenombanta angki barani duka umpa’peissananni tu Kareba-kaparannuanNa Puang Matua lako kalemi, moi anna lan peatang maparrang.

2 TESALONIKA 1:1

Iate sura’ lu dio mai Paulus sia Silwanus anna Timotius diparampo lako kombongan to Tesalonika, tu lanna Puang Matua, Iamotu Ambe’ta sia Puang Yesu Kristus.

2 TESALONIKA 1:10

ke attu kasaeanNa Puang Yesu la dipakala’bi’ lan mintu’ to masallo’Na, sia la dipudi mangnga lan mintu’ to ma’patongan ke allo iato; belanna iatu kikatottongi lako kalemi, dipatongan.

1 TIMOTIUS 1:2

diparampo lako Timotius, anak tongan-tonganku diona kapatonganan. Narampoimoroko kamaturu-turuan sia kamamasean dio mai Puang Matua Ambe’, sia dio mai Kristus Yesu, Puangta.

1 TIMOTIUS 3:8

Susi dukato tu mai pa’kamaya, la massipa’, da anna popa’pangka lilana, da anna pa’anggoro’ da anna mesaro bu’tu kadake;

TITUS 1:1

Iate sura’ lu dio mai Paulus, taunNa Puang Matua sia rasulu’Na Yesu Kristus belanna kapatongananna mintu’ to Natonno’ Puang Matua, sia belanna kapaissanan diona kamanapparan, tu situru’ kamengkaolan lako Puang Matua,

TITUS 1:7

Belanna iatu to ma’panundu’ la susito makatirinnanNa Puang Matua tae’ len sayuanna, da nato umpakapua penaanna, da nato madoi’ sengke, da nato pa’anggoro’, ba’tu to passiboboran, ba’tu to mesaro bu’tu kadake;

FILEMON 1:1

Iate sura’ lu dio mai Paulus, misa’ to ditarungku belanna Kristus Yesu, sia lu dio mai Timotius, siulu’ta, diparampo lako Filemon, tu kipakaboro’, sia sangayokaki lan pengkarangan,

IBRANI 13:23

La miissan kumua iatu Timotius, siulu’ta dirampananmo; iake madoi’ sae, la malena’ mati’ sola ussitiroangkomi.

YAKOBUS 1:1

Salama’ dio mai aku, Yakobus, taunNa Puang Matua sia taunNa Puang Yesu Kristus, diparampo lako sangpulo dua sukunna bangsa to naala bilanganna to tisambo’.

1 PETRUS 2:25

Belanna dolona pusakomi susi domba, apa totemo mengkara’pa lu lakomokomi To mangkambi’ sia To ungkatirinnai deatammi.

2 PETRUS 1:1

Iate sura’ lu dio mai Simon Petrus, taunNa sia rasulu’Na Kristus, diparampo lako mintu’ to unnappa’mo kapatonganan, tu pada mala’bi’na kapatonganangki tete dio kamaloloanNa Kapenombanta sia Yesu Kristus, To pakarimmanan:

YUDAS 1:1

Sura’ iate lu dio mai Yudas, taunNa Yesu Kristus sia siulu’na Yakobus, diparampo lako mintu’ to ditambai tu naluang pa’kaboro’Na Puang Matua Ambe’ sia kadikarimmanan dio mai Yesu Kristus.

KADA OMBO’ LAKO RASULU’ YOHANES 1:1

Iamote tu kada ombo’ dio mai Yesu Kristus, tu NakamaseanNi Puang Matua, dikua anNa pakitanni mintu’ taunNa tu mintu’ apa inang manassa la dadi madoi’: Nasuami tu malaeka’Na umpamanassanni Yohanes, taunNa.

KADA OMBO’ LAKO RASULU’ YOHANES 1:20

Iatu rasia diona tu pitu bintoen tu mangka mutiro lan lima kananKu, sia iatu pitu tongkonan palita bulaan battuananna: iatu pitu bintoen iamo malaeka’na to pitu kombongan, na iatu pitu tongkonan palita, iamo pitu kombongan.

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.

KADA OMBO’ LAKO RASULU’ YOHANES 2:12

Surasanni malaeka’ kombongan Pergamus susite: Iamote tu kada lu dio mai Puang tu ma’pa’dang mataran patomali.

KADA OMBO’ LAKO RASULU’ YOHANES 2:8

Surasanni malaeka’ kombongan Smirna susite: Iamote tu kadanNa Puang tu pamulanna sia ma’katampakanna, tu mangka mate, anna tuo sule:

KADA OMBO’ LAKO RASULU’ YOHANES 22:9

Nakuami lako kaleku: Da mususi to. Aku te padaki’ taunNa Puang Matua, sia susi duka mintu’ sangsiulurammu, nabi sia mintu’nato ungkaritutui mintu’ kada lan sura’ iate. Puang Matua Ia mupenombai.