BATING 4:4 - Sura' Madatu

⁴ Iatu pia’-pia’ sumusupa, la’ka’ tu lilana langngan lingarona napobua’ kama’rangan, iatu mai pia umpalaku roti, apa moi misa’ tau tae’ untadoanni.

BATING 4:4 Iomraidhean Croise

2 DATU 18:27

Apa nakua tu kamandang lompo lako tau iato mai: Nasuara’ka puangku umparampoi te mintu’ kada iate lako puangmi sia lako kalemi? Tang lakoraka tu mintu’ to unno’ko’ dao rinding tembo’ la dinii umparampoi, tu la misisolan ungkande tainna sia unniru’ tenena?

2 DATU 25:3

Iatonna allo ma’pengkasera bulan (ma’penna’pa), tonna lendu’ ia ma’irrikna karorian lan kota, naurungan tae’mo rotinna tu mai to buda lan tondok,

PA’PUDIAN 137:6

Nala’ka’mora tu lilaku langngan langi’-langi’ku, ke susinna tae’i angku kilalaiko, ke susinna tang kupakasallei tu Yerusalem losong anna iatu kasendean ma’iringangku.

PA’PUDIAN 22:15

Aku te butungna’ uai tibollo, sia iatu mai bukungku silesangan; sia ia duka tu penaangku butung to panti’, lollo’ lan ba’tangku.

YESAYA 5:13

Iamoto anna dipali’ tu taungKu, belanna tae’ pengkilalanna sia mintu’ to mala’bi’na la mangelo sia iatu to kamban la mandasa-dasa diona kama’rangan.

YEREMIA 14:3

Iatu mintu’ to kapuana ussua pa’kurinanna undaka’ uai; iatonna rampomo lako to’ bubun batu, tae’mo uai naapparan, anna sule lo’bang tu tau iato mai umbaa bussona; kasirisan tu tau iato mai sia maila’ anna umbungku’ ulunna.

BATING 1:11

Mintu’ pa’tondokanna sisumarroan undaka’ roti; iatu mintu’ apa keangga’na napasituka’ kande, la natoean sunga’na. – Tiromi, o PUANG, sia pemarangai, umba nakua tu kaditunaiangku!

LUKAS 10:11

Moi barra’-barra’ tondokmi le’ke’ lako lentekki, kitambakan dukakomi, apa la miissan, kumua mandappi’mo tu ParentaNa Puang Matua.

PA’TOLE 28:48

iamoto la napotauko mintu’ ualimmu, tu Napake’de’ PUANG ullaoiko, ammu tangdia’ sia ma’rang sia ma’kambelang sia kapu’duran mintu’ apa; Puang la umpapassanni ayoka bassi dao sokkongmu, anNa pisanniko.

PA’TOLE 32:24

Iake tang nakullemi napobua’ katangdiaran sia malamma’ napobua’ lassu kale sia saki tang dampi-dampian, manassa la Kurampanan tu isi olo’-olo’ masuru ullaoi, sola ipona apa mendonglo’ lan to’ barra’-barra’.