BATING 4:2 - Sura' Madatu

² Iato mai anak Sion, tu mala’bi’ tongan, dolona siangga’ bulaan massang, ma’patumbai anna dipapada busso litak, panggaraga to tumampa kurin.

BATING 4:2 Iomraidhean Croise

YESAYA 30:14

Sia tu ditesse susito unnisak-nisak balubu situang katangmamasean, na dio mai tu mintu’ tessena moi sangti’pek bibang tae’ dukamo la dipangalai roya api lan mai dapo’ ba’tu dipa’timban uai diong mai limbong.

YESAYA 51:18

Iatu mintu’na pia nadadian, tae’i misa’ tu urrenden mana’pai; sia mintu’na tu pia nadaranai, tae’i misa’ untoei tu limanna.

YEREMIA 19:1

Inde sia tu kadanNa PUANG, Nakua: Maleko mualli misa’ bussona pa’tampa kurin, mumane male sola ba’tu pira-pira pekaamberanna bangsa iato sia ba’tu pira-pira pangulunna to minaa.

YEREMIA 19:11

Sia la mupokada lako tau iato mai, kumua: Nakua kadanNa PUANGna mintu’ ma’dandan maritik: La Kupasusi dukate Kusanggang tu bangsa iate, sia kota iate, susito untesse panggaraga pa’tampa kurin, tu tae’mo nama’din dipemeloi sule, sia la napang lamunni tau tu Tofet, belanna tae’mo inan dinii manglamun.

YEREMIA 22:28

Misa’raka kurin tesse tu nasayu tau te tau iate, iamotu Konya, ba’tu misa’ kandean litak tae’ gai’na? Ma’apai anna dipembassanan, la ia sia mintu’ repokna sia ditibe lako misa’ tondok tu tae’ natandai?

BATING 2:21

Dio lu mintu’ batatta situlambenan diong lu padang tu pia muane sia to matua; mintu’ tu pia baine lolle’ku sia pia muane lolle’ku tibambangmo nakande bassi mataran. Iatonna allo kasengkeamMi Mipatei tu tau iato mai, sia tang Mikatirinnaimo Mirere’.

BATING 5:12

Natoke’ tu mintu’ arung dao kayu, sia tae’ nakasiri’i tu lindona to matua.

HOSEA 8:8

Diampello’mo tu Israel. Totemo diomo lu mintu’ bangsa susi misa’ pareanan, tu moi misa’ tau tae’mo umporai.

ZAKHARIA 9:13

Belanna la Kue’teran Kaleku tu Yehuda susito pana, la Kupatorro dao pana tu Efraim, sia la Kusarrang tu anakmu, e Sion, sirari anakmu, e Yunani, sia la Kupadadiko misa’ padangna to lalong.

2 KORINTUS 4:7

Apa iate apa mala’bi’ iato den dio kaleki lan misa’ pa’pannian litak, anna manassa tu kalosongan kuasanna kumua lu dio mai Puang Matua, tangngia lu dio mai kaleki.

2 TIMOTIUS 2:20

Lan misa’ banua kapua tangia oongan bulaan manna sia salaka, sangadinna oongan kayu sia litak duka; den pira diangkaran lako mala’bi’na den lako tang mala’bi’na.