BATING 2:4 - Sura' Madatu

⁴ Nabinting tu panaNa butung to misa’ uali, Naaakammi tu lima kananNa susito pabali-bali; Napatei nasangmi mintu’ to ballo ditiro; lan tendana anak dara Sion Nabarrakan tu kare’dekan ara’Na ten to api.

BATING 2:4 Iomraidhean Croise

2 OSSORANNA DATU 34:21

Malekomi umpekutanan timbanganNa PUANG, anNa pamanassai lako kaleku sia lako tu mai mintu’ to torropa dio lu Israel sia Yehuda tu diona mintu’ kada lan te sura’ dikabu’tui, belanna mandu tu kare’dekanna ara’Na PUANG, tu Nabarrakan lako kaleta, belanna tae’ nakaritutui nene’ to dolota tu kadanNa PUANG sia tae’ napogau’i susitu disura’ lan sura’ iate.

2 OSSORANNA DATU 34:25

belanna naboko’iMo’ tau iato mai sia untunumo pemala’ lako kapenomban senga’, la umpa’dikki penaangKu napobua’ mintu’ panggaraga limanna. Bannang iamoto angKu barrakanni tu kare’dekan ara’Ku indete inan iate sia tang la dipa’deimo.

AYUB 19:11

Napadukkumi tu kare’dekan ara’Na lako kaleku sia Nasangana’ ualinNa.

AYUB 6:4

Belanna iatu anak pananna To umpoissan angga maritik untossokmo’, sia namimmi’ penaangku tu ipona; iatu mintu’ mepatirambanna dio mai Puang Matua ma’pampangammo ullaoina’.

PA’PUDIAN 37:14

Iatu to tang mekaaluk unnonok la’bo’na sia umpatu’tun bulianna, la ussongkan to mandasa sia to mase-mase, sia la ussampan-sampan to unnola lalan kabulo-lollongan.

PA’PUDIAN 7:13

Iake tae’i namengkatoba’ tu tau, manassa Naasa Puang tu la’bo’Na, Naangkarammo tu bulianNa sia Napapatuimo.

YESAYA 42:25

Iamoto anNa barrakanni lako tau iato mai tu kare’dekanNa sia rari maparrang. Iamo umpadukkui tiku lao, apa tae’ nadampangi; ondongpi namampu’i, apa tae’ duka anna sopatianni.

YESAYA 63:10

Apa tau iato mai pabali-balimo sia umpamasussa Penaa Masallo’Na; iamoto anNa balik mendadi ualinNa sia Ia kalena sirari tu tau iato mai.

YESAYA 63:6

AngKu lullu’i kasengkeangKu tu mai bangsa iato sia Kupalangoi kare’dekangKu sia Kupatibollo tu rarana rokko padang.

YEREMIA 10:20

Sanggangmo tu tendaku, sia mintu’ ulangna ka’tumo; natampemo’ mintu’ anakku sia pa’demo tu tau iato mai; moi misa’ tae’mo umballa’i tu tendaku sia untoke’i tu kulambunna.

YEREMIA 21:12

Nakua PUANG: Madomi’komi umpaolai salunna sia rampananni tu to dirampa apanna lan mai limanna to ma’pakario-rio, da namendelok tu kare’dekangKu susi api sia dukku naurungan moi misa’ tau tae’ nakulle umpa’deanni, napobua’ kakadakeanna mintu’ penggaurammi.

YEREMIA 21:5

Sia Aku kalena la urrariikomi lima tie’te’Ku sola takia’ mawatangKu, ondongpi situang kasengkean sia kare’dekan sia kamapallan tongan.

YEREMIA 30:14

Tang nakilalaimoko mintu’ muane pa’kaboro’mu, tae’mo napekutanan lenko. Kupakario-rioko susi uali ma’pakario-rio, susito tang mamase ma’pa’dikki, belanna kakapuanna kakadakeammu sia lendu’ budanna kasalammu.

YEREMIA 36:7

Den sia manii upa’ tu palakunna dipenomban dio oloNa PUANG, anna pantan mengkatoba’ tu tau iato mai dio mai lalan kadakena; belanna lendu’ kapuana tu kasengkeanNa sia kare’dekan ara’Na PUANG, tu Napakarranganni te bangsa iate.

YEREMIA 4:4

Sunna’i tu kalemi lako PUANG sia tibei tu salepe’ kasirisan penaammi, e kamu to Yehuda sia pa’tondokan Yerusalem, da nama’lana-lana susi api tu kare’dekangKu sia ma’pamampu’, naurunganni tang dibela dipa’dei, belanna penggauran kadakemi.

YEREMIA 42:18

Belanna nakua kadanNa PUANGna mintu’ ma’dandan maritik, Kapenombanna to Israel: Susitu kasengkeangKu sia kare’dekanna ara’Ku tibarrakmo lako to lan Yerusalem, susi dukamoto tu kare’dekanna ara’Ku la tibarrak lako kalemi, ke malekomi lako Mesir, ammi dadi tampakan ropu sia to metakuran sia sapuan pala’ sia kaditattan sia tang la mitiromo te inan iate.

YEREMIA 7:20

Iamoto, kadanNa Puangta PUANG, iatu kasengkeangKu sia kare’dekanna ara’Ku la tibarrak indete inan iate, lako tolino sia lako mintu’ olo’-olo’, lako mintu’ garonto’ kayu dio lu padang sia lako mintu’ bura padang; iamoto tu la dukku tang pa’de-pa’de.

BATING 1:13

Napasaemi tu api dao mai madaona; Napasonglo’mo sae tama bukungku; Natananni porro’ tu lentekku sia Naturrunna’ lako boko’; Napatorro to pussakmo’, mandasa situ’turan allo.

BATING 2:5

Iatu Puang susimo misa’ uali. Naampello’mo tu to Israel, mintu’ tongkonan layukna Nasanggangmo, mintu’ tambakukunna Natuanmo, sia Napamakambanmo tu sarrona sia dallo riona lako anak dara Yehuda.

BATING 3:3

Tonganna ba’tu pempiran-piranna’ Napata’pai limanNa, tu’tu’ allo.

BATING 4:1

Ma’patumbai tu bulaan namalottongmo. Anna tang pandillakmo tu bulaan massang! Iatu mai batu maindan tisambo’mo dio lu mintu’ kasepangan lalan.

BATING 4:11

Napasundunmo PUANG tu kare’dekan ara’Na. Nabarrakan tu kadukkuanna kasengkeanNa. Ondong pissan Napadukkumo tu api lan Sion, tu umpepurai nakande tu parandangan tembo’na.

YEHEZKIEL 13:13

Iamoto, inde sia tu kadanNa Puangta PUANG Nakua: Inang la Kupopa’pamumbuk tu angin bara’ tete dio kare’dekangKu, sia la sae tu uran kamban tete dio kasengkeangKu, sia uran batu tete dio kare’dekangku, anna sabu’i.

YEHEZKIEL 20:34

La Kutassu’ikomi dio mai tangngana mintu’ bangsa sia Kupulungkomi lan mai mintu’ tondok tu minii tisambo’ male, tete dio lima matoto’ sia takia’ tie’te’ sia kare’dekan ara’ dibarrakan.

YEHEZKIEL 22:22

Susitu salaka dipalollo’ lan dapo’ pa’kombongan, la susi dukakomi dipalollo’ lan api kare’dekan ara’Ku, ammi issanni, kumua Akumo, tu PUANG, umbarrakan kare’dekan ara’Ku lako kalemi.

YEHEZKIEL 24:25

Na iko, e ma’rupa tau, manassa allo iato la Kunii unnalai tu oto’ kamatotoranna tau iato mai, tu kamala’biran naposende, tu apa naporai matanna sia nakamali’ penaanna, iamotu mintu anakna muane sia anakna baine,

YEHEZKIEL 36:18

Iamoto Kubarrakanni tu kare’dekan ara’Ku lako tau iato mai natumang rara mangka napatibollo sia belanna naruttakki tete dio rapang-rapang dipodeatanna.

YEHEZKIEL 5:13

Susimoto tu kasengkeangKu la Kutappu’i Kubarrakan sia la Kuparampoi kare’dekan ara’Ku tu tau iato mai, namane sau penaangKu sia ma’papakkanniNa’. Sia la naissan tau iato mai, kumua Akumo, tu PUANG, tu kamanokangKu ditimba oloKu angku ma’kada, ke mangkami Kutappui tu mintu’ kare’dekan ara’Ku Kuparampoan tau iato mai.

YEHEZKIEL 6:12

Minda-minda tu mambelanna la mate napobua’ ra’ba biang, minda-minda tu mandappi’na la tibambang nakande pa’dang; na minda-minda tu torronapa sia tilendoknapa la mate napobua’ karorian; la Kutappui tu mintu’ kare’dekan ara’Ku la Kuparampoan tau iato mai.

YEHEZKIEL 7:14

Pannoni bangi tu tarompe’ sia pasakka’ nasangi, apa moi misa’ tau tae’ male parari; belanna dukku kasengkeangKu lako mintu’ to buda tu marukka.

SURA’ KATOMINAAN 26:17

La messaileMo’ unneakomi, miurungan natalo ualimmi sia mintu’ tu to ungkabiri’komi iamo la umparentakomi, sia la mallaikomi, moi natae’ misa’ tau unnula’komi.

NAHUM 1:2

Iatu PUANG iamo Kapenomban noka ditimba oloNa sia ma’pabala’i, iatu PUANG iamo To ma’pabala’i sia nakabu’ kare’dekan ara’; iatu PUANG To ma’pabala’i lako to unneaI, sia tontong tu kasengkeanNa lako ualinNa.

NAHUM 1:6

Minda la unnattai bendan dio olo katorrong-torronganNa? Mindara la umpatananni tu kasengkean ma’lana-lananNa? Iatu kare’dekan ara’Na tibarrak susi api sia iatu mai buntu batu tesse-tesse dio oloNa.

PA’TOLE 32:22

Belanna misa’ api dukku lan kare’dekan ara’Ku; tu ma’kande sae rokko to’ mandalanna lino to mate; pura nalalle tu kapadanganna sola burana, sia namampu’i tu garonto’na mintu’ buntu.

1 SAMUEL 28:16

Nakuami Samuel: Ma’apai mikutanaina’, Natoyangmo tu PUANG dio mai kalemi sia siualimokomi?