BATING 2:2 - Sura' Madatu

² Nasanggangi nasangmo Puang tu padangna Yakub, moi misa’ tae’ Nakatirinnai. Diona kare’dekanna ara’Na, Natuanni tu tambakukunna anak dara Yehuda; Natua’mo rokko padang, sia Napakasarembangan tu kadatuan sola mintu’ arungna.

BATING 2:2 Iomraidhean Croise

AYUB 2:3

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan ia mengkaolana sia bulo lollongna sia mataku’na lako Puang Matua na umpatoyang kalena dio mai kadake. Sia tang leluk len lan kapengkaolanna, moi ammu naranNa’ ungkadakei sia ussanggang tang kebattuanni.

PA’PUDIAN 21:9

La nalambi’ limamMi tu mintu’ ualimMi, sia la nalambi’ lima kananMi tu mintu’ to ungkabiri’Komi.

PA’PUDIAN 74:7

Naballa api tu inan maindanMi, sia naruttakki tu banua nanii sangamMi sae lako padang.

YESAYA 22:5

Belanna iamoto tu allo kamarukkan sia kasanggangan sia sumpu sumandak, illan lombok ditiro mendeata, tu napabu’tu Puang, PUANGna mintu’ ma’dandan maritik: dikakei tu benteng, sia lallakna tau dirangi langan padang ma’buntunna.

YESAYA 23:9

Iatu ullampakki, iamo PUANGna mintu’ ma’dandan maritik, la umpa’dei tu kamala’biranna nasattuan, sia umpamatuna mintu’ to la’bi’ lan te lino.

YESAYA 25:12

Iatu mintu’ menara dao lu bentengmu, Nasongkan sia Natepok, sia Napasirante padang.

YESAYA 26:5

Belanna Napembuangan tu to unnisung dao madaona, iamotu to toppo’ dao benteng malangka’. Napopengkadiongan, Napopengkadiongan sae rokko padang, Napasirante padang.

YESAYA 27:11

Ianna marangkemo tu mai tangkena, direbong-rebongmi, anna sae tu mai baine umballai; belanna inang tae’ inaanna te bangsa iate, iamoto anna tae’ Nakatirinnai To pagaraganna sia tae’ anNa katuru-turui To kumombongna.

YESAYA 43:28

Iamoto angKu sallangi tu mintu’ pangulu inan maindan, angKu eloranni tu Yakub disabu’i butung pepayu sia dilo’bo-lo’bo tu Israel.

YESAYA 47:6

Re’dek tu ara’Ku lako taungKu sia Kuruttakki tu to Kupomana’, angKu sorongi tama limammu, apa tae’ ammu katirinnai tu tau iato mai; moi na iatu mai to matua mupabokkokki duka pamaan magasa.

YEREMIA 13:14

Sia Aku la umpasitumbuk simisa’i tu tau iato mai anna sanggang, anna mintu’ ambe’ situmbuk tu mai anakna muane, kadanNa PUANG; tae’ angKu la ungkaturu-turui sia umma’tananni penaa sia ungkamasei, Kutang la ussabu’iri tu tau iato mai.

YEREMIA 19:15

Inde sia tu kadanNa PUANGna mintu’ ma’dandan maritik, Kapenombanna to Israel, Nakua: La Kupasae tu mintu’ kasanggangan, tu Kupokadamo la urrampoi te kota iate sia mintu’ kotana, belanna umpabattukmo penaanna tu tau iato mai sia manoka umperangii kadangKu.

YEREMIA 21:7

Mangkato, kadanNa PUANG, la Kusorong tu Zedekia, datu Yehuda sia mintu’ pareana sia iatu mai to buda, tu nasesannapa ra’ba biang sia kandean pa’dang sia karorian lan kota iate, tama limanna Nebukadnezar, datu Babel, sia tama limanna ualinna, sia tama limanna to la ungka’tu sunga’na; anna tang mamase sia tang mario sia tang maturu umpakandei bassi mataran tu tau iato.

YEREMIA 5:10

La mikendekki tu tanete anggoro’na, ammi sanggangi, apa da miratoi; alai tu tangkena, belanna tangia apanNa PUANG.

BATING 2:17

Napogau’mo PUANG tu apa mangka Natangnga’, Napalanda’mo tu apa mangka Napokada, tu apa mangka Napa’parentan tempon dio mai; Mangrabunnimo, tang Nakatirinnai len. Napasende tu ualimmu diona iko, Napalayangmo tu tandukna mintu’ to umbali-baliko.

BATING 2:21

Dio lu mintu’ batatta situlambenan diong lu padang tu pia muane sia to matua; mintu’ tu pia baine lolle’ku sia pia muane lolle’ku tibambangmo nakande bassi mataran. Iatonna allo kasengkeamMi Mipatei tu tau iato mai, sia tang Mikatirinnaimo Mirere’.

BATING 2:5

Iatu Puang susimo misa’ uali. Naampello’mo tu to Israel, mintu’ tongkonan layukna Nasanggangmo, mintu’ tambakukunna Natuanmo, sia Napamakambanmo tu sarrona sia dallo riona lako anak dara Yehuda.

BATING 3:43

Mipembungku’mo tu kasengkean, sia Milolaimokanni, sia tang makatirinnamoKomi umpateikan.

YEHEZKIEL 5:11

Iamoto, la lelukraka tuoKu, kadanNa Puangta PUANG, tongan-tonganna, tu belanna mangkamo muruttakki tu inan maindanKu napobua’ mintu’ apa megi’girammu sia mintu’ penggauran megalliammu iamoto la Kusa’bianganmoko, moi misa’ apa tae’ bangmo Kukasayangi sia tae’mo Kula matirinna.

YEHEZKIEL 7:4

Tae’ Kula ungkasayangiko sia tae’ Kula ungkatirinnaiko, sangadinna la Kupapakkanni lako kalemu tu gau’mu sia la sule lako kalemu tu penggauran megalliammu, ammu tandai, kumua Akumo tu PUANG.

YEHEZKIEL 7:9

Iatu apa-apa tae’ Kula ungkasayangi sia tae’ Kula ungkatirinnai, sangadinna la Kupapakkanni lako kalemu tu gau’mu, sia la sule lako kalemu tu penggauran megallianmu, ammu tandai, kumua Akumo tu PUANG, tu ma’kasanggang.

YEHEZKIEL 8:18

Iamoto la Kuparampoi peada’ situang kare’dekan ara’Ku. Tae’ Kula ungkasayangi sia tae’ Kula ungkatirinnai. Moi anna melallak-lallak lako to’ talingangKu, inang tae’ Kula umperangii.

YEHEZKIEL 9:10

Iamoto tae’mo Kula ungkasayangi sia tae’mo Kula ungkatirinnai; la Kupasule langngan ulunna tu gau’na.

MIKHA 5:14

Sia la mapallaNa’ sia re’dek ara’Ku la umpabala’i tu bangsa manoka ma’perangi.

MALEAKHI 1:4

Iake ma’kadai tu Edom nakua: Mangkamokanni disanggangi, apa la kibangun sule tu inan daun lauan – manassa inde sia tu kadanNa PUANGna mintu’ ma’dandan maritik, Nakua: Moi nabangunni tu kotana, apa inang la Kusanggang; la nasangai tau tu tau iato mai: lili’ katangmekaalukan, sia: bangsa narua kasengkeanNa PUANG tontong sae lakona.

MATIUS 18:33

Tang sipaturokoka la unnala mase solamu susi aku mangka unnala maseko?

2 KORINTUS 10:4

Belanna iatu parea kaparariangki tang unturu’ a’ganna pa’kalean, sangadinna matoto’mo Nasanga Puang Matua, la usseran mintu’ tambakuku bantang tongan.

PA’TOLE 28:52

La naparampoiko kapussakan lan mintu’ kotamu, sae lako rondon tu tembo’ tambakuku malangka’, tu muposande’ lan mintu’ tondokmu. Manassa la naparampoiko kapussakan lan mintu’ kotamu, lan mintu’ tondok tu la Nabenko PUANG, Kapenombammu.

PA’TOLE 32:22

Belanna misa’ api dukku lan kare’dekan ara’Ku; tu ma’kande sae rokko to’ mandalanna lino to mate; pura nalalle tu kapadanganna sola burana, sia namampu’i tu garonto’na mintu’ buntu.