BATING 2:1 - Sura' Madatu

¹ Ma’patumbai tu Puang tu diona kare’dekan ara’Na anNa pasamboi salebu’ tu anak dara Sion! Iatu kamala’biranna Israel Napempa’nakanmo dao mai langi’ rokko lino, tae’mo Nakilalai tu pelleseanNa tonna attu kare’dekanna ara’Na.

BATING 2:1 Iomraidhean Croise

2 SAMUEL 1:19

O, belo Israel dao buntummu dinii urrokko! A’a tibambangmo tu mintu’ to lalong!

1 OSSORANNA DATU 28:2

Bendanmi tu datu Daud nama’kada nakua: Perangiina’, e mintu’ siulu’ku sia taungku; den bu’tu lan penaangku la umbangunanni misa’ banua nanii mari’pi tu patti basseNa PUANG sia bangku pelleseanNa Kapenombanta; sia kupasakka’ tu mintu’ apa dipake la umpabendanni.

PA’PUDIAN 132:7

Melo ke tamaki’ tendaNa, sia melo ke tukkuki’ menomba diong to’ pelleseanNa!

PA’PUDIAN 89:45

Mipapa’demo tu arrangna, sia Misongkan rokko padang tu isunganna.

PA’PUDIAN 99:5

Pakala’bi’i tu PUANG, Kapenombanta. Sia tukkukomi menomba diong to’ pelleseanNa; Masero Ia.

YESAYA 64:11

Iatu banua maindanki sia mala’bi’ tu nanii nene’ to doloki umpudi-pudiKomi, puramo naballa api sia mintu’ apa keangga’ki daun lauan nasangmo.

YEREMIA 30:14

Tang nakilalaimoko mintu’ muane pa’kaboro’mu, tae’mo napekutanan lenko. Kupakario-rioko susi uali ma’pakario-rio, susito tang mamase ma’pa’dikki, belanna kakapuanna kakadakeammu sia lendu’ budanna kasalammu.

BATING 1:1

A’a, lendu’ ia makarorrongna, te kota marua’ pirangbongi’; sangtintimo misa’ baine balu, tu kuasa dio lu mintu’ bangsa; datu baine dio lu mintu’ lembang, anna mengkanorong dipopa’diama.

BATING 1:12

Tae’raka, misa’dingi, e kamu mintu’ to lendu’? Pemarangai sia tiroi, ke la denni misa’ pa’di’ susi pa’di’, tu diparampoanna’, tu urruana’ tonNa parampoina’ PUANG kamandasan, tonna allo kare’dekanna ara’Na.

BATING 2:17

Napogau’mo PUANG tu apa mangka Natangnga’, Napalanda’mo tu apa mangka Napokada, tu apa mangka Napa’parentan tempon dio mai; Mangrabunnimo, tang Nakatirinnai len. Napasende tu ualimmu diona iko, Napalayangmo tu tandukna mintu’ to umbali-baliko.

BATING 4:1

Ma’patumbai tu bulaan namalottongmo. Anna tang pandillakmo tu bulaan massang! Iatu mai batu maindan tisambo’mo dio lu mintu’ kasepangan lalan.

BATING 4:11

Napasundunmo PUANG tu kare’dekan ara’Na. Nabarrakan tu kadukkuanna kasengkeanNa. Ondong pissan Napadukkumo tu api lan Sion, tu umpepurai nakande tu parandangan tembo’na.

YEHEZKIEL 13:13

Iamoto, inde sia tu kadanNa Puangta PUANG Nakua: Inang la Kupopa’pamumbuk tu angin bara’ tete dio kare’dekangKu, sia la sae tu uran kamban tete dio kasengkeangKu, sia uran batu tete dio kare’dekangku, anna sabu’i.

YEHEZKIEL 19:12

Apa diona kasengkean anna dilampi’i tu garonto’ anggoro’ iato, nasongka rokko padang. Mintu’ buanna napamarangke angin dio mai rampe matallo; rondonmi anna marangke. Iatu tangke matoto’na nakande api.

YEHEZKIEL 24:21

Pokadanni to Israel: Inde sia tu kadanNa Puangta PUANG, Nakua: Manassa la Kuruttakki tu inan maindanKu, tu oto’ kamatotorammi, tu mipotete massattuan, tu apa naporai matammi sia nakamali’ penaammi; na iatu mintu’ anakmi muane sia anakmi baine tu mitampena la tibambang nakande pa’dang.

YEHEZKIEL 30:18

La membali malillin tu allo dio Tahpanhes, ke Kupokami tu kuasanna to Mesir inde to dio. Disanggangmo tu kamatotoran nasattuanna; la nasamboi salebu’ sia la male dipali’ tu mai anakna baine.

YOËL 2:2

Iamotu misa’ allo kamalillinan sia kapi’tukan, misa’ allo saleburan sia lillinan parrak. Susi arrang allo berre’ ussamboi mintu’ buntu, susi dukamo to tu misa’ bangsa makamban sia mawatang. Tae’ lenpa susinna tempon dio mai sia tae’ dukamo nala den, ke attu undi sae lako osso’ situran-turan.

MATIUS 11:23

Na iko, e Kapernaum! Ikomoraka la dipekalangka’i sae langngan langi’? La sarokko-rokkonako ria sae tama lino to mate, belanna iakenna lan Sodom nanii mangka dadi tu tanda mangnga dadi lan lili’mu, inang la tontong ia sae lako te attu iate.

LUKAS 10:15

Na iatu iko, e Kapernaum, ikomoraka la dipekalangka’i sae langngan langi’? La sarokko-rokkonako ria sae tama naraka.

LUKAS 10:18

Nakuami Yesu lako: Kutiro tu deata bulituk tobang dao mai langi’, takua tokila’.

1 SAMUEL 4:21

Nasangaimi tu pia’-pia’ iato Ikabod, nakua: Iatu kamala’biranna Israel malemo dibaa, belanna iatu pattinNa Puang Matua dirampa sia iatu matusanna sia muanena matemo.

1 SAMUEL 4:22

Iamoto nakuami: Iatu kamala’birana Israel malemo dibaa, belanna dirampamo tu pattinNa Puang Matua.