BATING 1:4 - Sura' Madatu

⁴ Iatu mintu’ lalan lako Sion madu’sen, belanna tae’ tau sae umpakaraya pa’gauran; iatu mintu’ babanganna makarorrong, mintu’ to minaanna sisumarroan, mintu’ anak dara dio dosso inaa, sia ia kalena mapa’di’ penaanna.

BATING 1:4 Iomraidhean Croise

YESAYA 3:26

Mintu’ lili’ bambana la sumarro sia ma’urrukan sia matambak tongkon lan kuli’na padang.

YEREMIA 10:22

Perangii tu misa’ kareba! Tonganna saemo tu misa’ kamarekoan kapua daa mai ulunna salu la umpopempadang lo’bangi tu mintu’ kota Yehuda napoinanni serigala.

YEREMIA 14:2

Iatu to Yehuda masussa nasang sia tae’mo namatoto’ tu mintu’ babanganna; iatu tau iato mai ma’pote dibolong mamma’ diong lu padang; sia iatu sarrona Yerusalem kendekmo langngan langi’.

YEREMIA 9:11

Iatu Yerusalem la Kupadaun launan, napopembunianni serigala sia iatu mintu’ kota Yehuda la Kupopempadang lo’bang, na moi misa’ tau tae’mo untorroi.

BATING 1:21

Narangimo tau iato mai umba nakua tu sarroku; apa moi misa’ tau tae’ tu umpakatanana’; narangi mintu’ ualingku tu kamandasangku; parannu-rannumo tu tau iato mai, belanna Mipogau’mo tu iannato, belanna Miparampomo tu allo mangka Mipa’peissanan – kenna dadiora susi aku tu tau iato mai,

BATING 5:13

Iatu to mangura nasua umbaa batu pangrissoan, iatu mai pia tipa’re’ba len umbaa kayu.

BATING 5:14

Tae’mo to matua lan lu babangan tondok, natoreimo pia muane umpannoni katapinna.

HOSEA 2:13

Iamoto manassa la Kunaran sia la Kusolan tama padang pangallaran sia la ma’kada malamma’Na’ lako kalena.

SURA’ KATOMINAAN 26:22

La Kurampanan tu olo’-olo’ masuru lako kalemi, anna pasisayurangkomi anak sia la napisanni tu mai patuoammi sia la napososso’ lu rokko tu bilangammi, anna iatu mintu’ lalanmi makarorrong.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.