BATING 1:1 - Sura' Madatu

¹ A’a, lendu’ ia makarorrongna, te kota marua’ pirangbongi’; sangtintimo misa’ baine balu, tu kuasa dio lu mintu’ bangsa; datu baine dio lu mintu’ lembang, anna mengkanorong dipopa’diama.

BATING 1:1 Iomraidhean Croise

1 DATU 4:21

Iatu datu Salomo umparenta mintu’ kadatuan randuk dio mai salu Efrat sae lako tondok to Filistin, landa’ lako lili’na Mesir; iatu tau iato mai ma’kasian sia mengkaola lako Salomo lan mintu’ allo katuoanna.

2 DATU 23:33

Napattangmi Firaun Nekho dio Ribla dio tondok Hamat, kumua damo nama’parenta dio Yerusalem, sia nadosa tu tondok iato saratu’ talenta salaka na misa’ talenta bulaan.

2 DATU 23:35

Nasorongmi Yoyakim tu salaka sia bulaan lako Firaun; anna durukki tu sima dio mai mintu’ pa’tondokan, anna sorongi tu doi’ iato susi parentana Firaun; natuntunmi dio mai pa’tondokan tu salaka sia bulaan sitinaya tassere’na simisa’-misa’ tau, anna benni Firaun Nekho.

2 OSSORANNA DATU 9:26

Napuangi nasang tu mintu’ datu randuk dio mai Salu sae lako tondok Filistin sia sae lako passaparanna tondok Mesir.

EZRA 4:20

Sia den duka dolona tu mai datu tarompo’ umparenta Yerusalem, tu ungkuasai mintu’ lili’ sambalinna lu Salu sia iatu nanii tau umbaya’ sima ulu sia sassung sia sima balukan.

NEHEMIA 5:4

Sia denmo tu ma’kada nakua: Unnindankan doi’ kipamayaran simangki lako datu, na pa’lakki sia pa’lak anggoro’ki kipaboro’.

NEHEMIA 9:37

Padang iate umpopemba’karan mintu’ datu burana, tu Miangkarangkanni belanna kasalangki, anna parentai tu kaleki sia iatu patuoangki unturu’ lalan penaanna; iamoto angki lan kapussakan kapua.

PA’PUDIAN 122:4

Mintu’ suku male nasang lako, iamotu mintu’ sukunNa PUANG. Den pepasan lako to Israel la umpudi sanganNa PUANG.

YESAYA 14:12

Lendu’ iatu karonnosammu dao mai langi’, e sulo bai, e anak dannari lambe’! Dilellengmoko tibambang tama lino, e iko to umpatunduk mintu’ bangsa.

YESAYA 22:2

E kota ponno arrak sia angnga’, e tambakuku ponno kasolleran! Iatu mintu’ taummu mate, tang mate nakande bassi sia tang songka lan tananan ra’.

YESAYA 3:26

Mintu’ lili’ bambana la sumarro sia ma’urrukan sia matambak tongkon lan kuli’na padang.

YESAYA 49:21

Mukuami lan penaammu: Mindara umpadadianna’ te mintu’ anak iate, belanna dolona sisayuranna’ anak sia tamanangna’; dolona dirampana’ sia ditibena’; mindara ungkaritutui te mintu’na te? Tang aku mannaraka torro misa’ pirangbongi’, naumbara nanii attu iato te mintu’na te?

YESAYA 50:5

Napoparangimo Puangta PUANG tu talingangku, anna tae’ kumengkailing, sia tae’ kusorong boko’.

YESAYA 52:2

Tambakki tu barra’-barra’ dio mai kalemu, maiko ammu unno’ko’, e Yerusalem, e anak dara Sion, tu dirampa.

YESAYA 52:7

Tang pada melona dao lu buntu tu lentekna to umpatale’ kareba diona kasendean tu umpa’peissanan kamarampasan, tu umbaa kareba melo, tu umpakalelean kasalamaran, tu ma’kada lako Sion, nakua: Iatu Kapenombammu iamo Datu.

YESAYA 54:4

Da mumataku’, belanna tae’ ammu kasirisan; da mumaila’, belanna tae’ ammu la matuna, sangadinna la mukalupaimo tu kamatunammu tommu mangura sia tang mukilalaimo tu kadibellerammu tommu balu.

YEREMIA 31:7

Belanna nakua kadanNa PUANG: Unnarrak-arrakkomi diona Yakub, sia kumalasi-lasikomi diona pangulunna mintu’ bangsa; pa’petaleranni sia pudii sia ma’kadakomi kumua: Narampanammo PUANG tu taunNa, iamotu to Israel torronapa.

YEREMIA 40:9

Umpalaomi sumpa tu Gedalya, anakna Ahikam, anakna Safan, lako tau iato mai sia mintu’ surodadunna, nakua: Da mimataku’ mengkaola lako to Kasdim; torro bangmokomi lan tondok iate sia mengkaolakomi lako datu Babel, ammi makarimman.

YEREMIA 42:2

anna ma’kada tu tau iato mai lako nabi Yeremia, nakua: Iake nakalo’i penaammi tu pengkamoyaki, ammi passambayangkan lako PUANG, Kapenombammi sola te mintu’ tau, tu torronapa, belanna sidi’morakan torro dio mai tu mintu’ to buda, susite mitiro totemo.

YEREMIA 44:2

Inde sia tu kadanNa PUANGna mintu’ ma’dandan maritik, Kapenombanna to Israel, Nakua: Mitiromo tu mintu’ kamandasan tu Kuparampoan Yerusalem sia mintu’ kota Yehuda – manassa allo iate daun lauammo sia moi misa’ tau tae’ torro lan –

YEREMIA 44:6

Iamoto anna tibarrakmo kare’dekanna ara’Ku sia kasengkeangKu, sia ma’lana-lana lan lu mintu’ kota Yehuda sia dio lu batatta Yerusalem, naurungan daun lauan nasangmo, sia mempadang lo’bangmo susite allo iate.

YEREMIA 50:23

Umba nakua anna le’tomo sia pokamo tu pepa’tongna mintu’ lino. Umba nakua tu Babel anna dadimo misa’ apa megiangan dio lu mintu’ bangsa.

YEREMIA 9:11

Iatu Yerusalem la Kupadaun launan, napopembunianni serigala sia iatu mintu’ kota Yehuda la Kupopempadang lo’bang, na moi misa’ tau tae’mo untorroi.

BATING 1:19

Metambana’ lako mintu’ muane ungkamali’na’, apa napopa’elo’nana’ sia napakenana’. Mintu’ to minaangku sia pekaamberangku ka’tumo sunga’na lan kota, tonna undakaran kande kalena, la natoean sunga’na.

BATING 2:1

Ma’patumbai tu Puang tu diona kare’dekan ara’Na anNa pasamboi salebu’ tu anak dara Sion! Iatu kamala’biranna Israel Napempa’nakanmo dao mai langi’ rokko lino, tae’mo Nakilalai tu pelleseanNa tonna attu kare’dekanna ara’Na.

BATING 2:10

Mintu’ to matua-tuanna anak dara Sion ma’pakappa unno’ko’ diong padang; sia nabubu’i barra’-barra’ tu ulunna, sia ma’pote dibolong. Natukku rokko padang tu mintu’ anak dara Yerusalem.

BATING 4:1

Ma’patumbai tu bulaan namalottongmo. Anna tang pandillakmo tu bulaan massang! Iatu mai batu maindan tisambo’mo dio lu mintu’ kasepangan lalan.

BATING 5:16

Iatu makota tobangmo dao mai ulungki, upu’ alloki, belanna umpogau’mokan kasalan!

YEHEZKIEL 26:16

Mintu’ arung dio biring tasik la mengkalao dao mai isungan kapayunganna anna lossokan bayu lamba’na sia ullendokan pakean disulan ma’rupa-rupa oki’na; la napennammu’ tu katirambanan; tau iato mai unno’ko’ diong lu padang sia tontong ma’parondo napobua’ katike’kenan.

YEHEZKIEL 26:2

E ma’rupa tau, belanna napokadamo Tirus tu diona Yerusalem kumua: Napallakmo to! tessemo pole’ tu ba’bana mintu’ bangsa; iatu ba’ba umpatuna’ tibungka’ sia; belanna sanggangmo tu kota iato, iamoto nasebo kuappa’.

YEHEZKIEL 5:5

Inde sia tu kadanNa Puangta PUANG: Nakua: Iamote tu Yerusalem. Kupalanmo tangngana mintu’ bangsa sia natikuimo tondokna tau.

SURA’ KATOMINAAN 26:31

Iatu mai kotami la Kupadaun lauanmo sia la Kusanggang tu inan maindanmi sia manokaMo’ unnudukki tu bau busarungngu’na tu apa la mitunuanNa’.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

ZEFANYA 2:15

Iamote tu kota kasode-sode bang, tu tang untandai kamasussan, tu ma’kada lan penaanna nakua: Aku mannari, na moi misa’ tae’ tu senga’na. Umba nakua anna mempadang lo’bangmo, sia napoinan kapelayoan olo’-olo’ masuru! Minda-minda lendu’ inde to dio mai la ma’uik-uik untelle-tellei sia nadullu-dullu.

KADA OMBO’ LAKO RASULU’ YOHANES 18:7

Tumba tu kaumpamadoanna kalena sia kasolleranna, pada dukato tu kamaparrisan sia tangi’ la mibenni, belanna nakua lan penaanna: Unnisungna’ susi datu baine; tangiana’ to balu, sia inang tae’ angku la sitiro katumangiran.