Matthew 7:13 - New Testament in Braid Scots 1904 (William Wye Smith)

¹³ “Gang ye in at the strett yett; for muckle is the yett, and braid is the causey, that leads on to destruction; and mony a ane gangs intilʼt!

Matthew 7:13 Iomraidhean Croise

Matthew 23:13

“But wae for ye, Scribes and Pharisees, pretenders! for ye steek up the Kingdom oʼ Heeven afore men wha wad gang in; ye naither gang in yersels, nor alloo them to gang in wha wad!

Matthew 25:41

“Then, eke, sal he say to them on his left haun, ‘Awa frae me, ye curst, intil nevir‐endin lowe, made ready for the deevil and his angels!

Matthew 25:46

“And thir sal gang awa intil nevir‐endin pyne; but the richtous intil nevir‐endin life.”

Matthew 3:2

And quoʼ he, “Repent ye aʼ! for the kingdom oʼ Heeven is at haun!”

Matthew 3:8

“Fesh than forth the frutes conform till repentance!

Matthew 7:14

“For strett is the yett, and crampit is the fit‐road that airts awa to life; and but a wee wheen find it!

Luke 14:33

“In like mainner, than, ilk ane amang ye, wha isna biddin adieu to aʼ his ain gear, canna be my disciple.

Luke 9:33

And as they war aboot to pass awa, Peter said to Jesus, “Maister! it is graun for us to be here! And lat us mak thrie bothies, ane for thee, and ane for Moses, and ane for Elijah” — no kennin richt what he was sayin.

John 10:9

“I am the door; gin ony man come ben by me, he sal be saved, and sal gang oot and in, and fend weel.

John 14:6

Quoʼ Jesus to him, “I am the gate, the Truth, and the Life! ilka man wha comes to the Faither, comes throwe me.

Acts 3:19

“And noo, repent ye, and turn again, that aʼ yere ill deeds may be scored oot; sae as times oʼ refreshin may come frae afore the face oʼ the Lord!

Romans 9:22

What thoʼ God, desirin to schaw his angʼer, and to mak kent his pooer, tholed wiʼ unco patience the veschels oʼ wrath that had become fit for destruction?

2 Corinthians 4:4

In wham the god oʼ this warld made drumlie their perceptions, least they soud discern the brichtness oʼ Christʼs Joyfuʼ‐message oʼ glorie, wha is the image oʼ God.

2 Corinthians 6:17

“Whaur‐for, come ye oot oʼ their mids, and be ye allenar,” says the Lord, “and touch‐na the unclean thing;

Galatians 5:24

But they wha are oʼ Christ Jesus, hae crucifyʼt the flesh, wiʼ its desires and hankerins.

Philippians 3:19

Whase hinner end is destruction, whase god is their wame, and whase glorie is in their shame; wha mind things oʼ the yirth.

1 John 5:19

We ken that we are oʼ God, and the hail warld is in the airms oʼ the Ill‐ane.

Revelation 12:9

And harlʼt doon was the great Dragon, the auld serpent, he that is caʼd “Deevil,” and “Satan,” he that wrangs the hail yirth — he was cuisʼn‐doon tae the yirth; and his angels war cuisʼn‐doon wiʼ him.

Revelation 13:8

And they wull worship him aʼ they that dwall on the yirth, ilk ane whase name isna putten‐doon iʼ the Buik‐oʼ‐Life oʼ the Lamb that was slain frae the fundation oʼ the warld.

Revelation 20:15

And gin ony ane wasna fund putten‐doon iʼ the Buik‐oʼ‐Life, he was cuisten intil the lowin loch.

Revelation 20:3

And harled him intil the abyss, and steekit it, and sealʼt it aboon him, that he soud nae mair beguile the nations, to the end oʼ the Thoosand‐year; and eftir that he bude be lowsed a wee while.