Matthew 6:5 - New Testament in Braid Scots 1904 (William Wye Smith)

⁵ “And whaneʼer ye pray be‐na as the pretenders; for weel they like to pray iʼ the kirks, and at the corners oʼ the braid causeys, sae as folk soud see them. Aye, aye! say I; they hae gotten their reward!

Matthew 6:5 Iomraidhean Croise

Matthew 21:22

“And ye sal winʼ aʼ things — whatsoeʼer ye ask in prayer, believin.”

Matthew 23:13

“But wae for ye, Scribes and Pharisees, pretenders! for ye steek up the Kingdom oʼ Heeven afore men wha wad gang in; ye naither gang in yersels, nor alloo them to gang in wha wad!

Matthew 23:5

“For they mak braid their amulets and enlairge their tassels,

Matthew 23:6

“And seek for the first seats at feasts, and heid places iʼ the kirks,

Matthew 6:1

“Tak tent no to do yere gude warks iʼ the sicht oʼ men, that ye may be seen by them; else hae ye tint reward frae yere Faither wha is in Heeven.

Matthew 6:16

“And again, whan ye are fastin, ye arena to be as the pretenders, wiʼ wae iʼ yere faces; for they mar their looks, that they may kythe afore men as fastin. Aye, aye! say I, they too hae their reward!

Matthew 6:2

“Whan, than, ye wad do a gude wark, dinna hae a bugle‐horn soondit afore ye, as the pretenders div in kirks and merkits, that they may be roosed oʼ men. Truly say I tʼye, they hae gotten aʼ their reward!

Matthew 9:38

“Pray ye to the Maister oʼ the hairst, that he may send oot laborers intil his hairst!”

Mark 11:25

“And whan prayin ye staun, forgie, gin ye hae ocht again ony ane; that yere Faither wha is in Heeven may forgie yere sins.

Mark 12:38

And in his teachin, quoʼ he, “Tak tent oʼ the Scribes! wha like to gang aboot in lang goons, and loʼe compliments iʼ the merkits,

Luke 11:43

“Wae for ye, Pharisees! for that ye glaum at the heid‐places iʼ the kirks, and compliments iʼ the merkits.

Luke 18:1

And he was speakin a parable to them, as that men soud be aye prayin, and never swarf.

Luke 18:13

“But the tax‐man, staunin far yont, fearʼt to lift up sae mickle as his een till Heeven, but strack his breist, cryin, ‘Lord! be mercifuʼ toward me, the sinner!’

Luke 20:47

“Wha devoor weedowsʼ hooses, and to blinʼ the een mak lang prayers: thir sal hae a greater male?-?diction!”

Luke 6:24

“But wae for you, ye rich anes! for ye are noo haein yere consolation.

John 16:24

“Till this time hae ye socht for naething in my name: seek, and ye sal hae; that ye may hae rowth oʼ joy.

Ephesians 6:18

Wiʼ aʼ prayer and pleadin, prayin aye iʼ the Spirit; and watchin iʼ the same, wiʼ aʼ tholin and pleadin, for aʼ the saunts;

1 Thessalonians 5:17

Cease na to pray.

James 4:6

But he gies the mair lovin‐favor. Sae it is said, “God is again the prood anes; but to the humble anes he gies favor.”