Matthew 6:25 - New Testament in Braid Scots 1904 (William Wye Smith)

²⁵ “Wharfor say I tʼye, Be‐na sair fashʼd wiʼ cark and care anent yere life — what you are to eat and what ye are to drink! nor yet for yere body, hoo ye are to be cleedit! Isna the life mair nor the meat? and the body mair nor the cleedin?

Matthew 6:25 Iomraidhean Croise

Matthew 10:19

“But whan they deliver ye up, be‐na fashed aboot hoo or what ye sal say: for in that same ʼoor it sal be gien ye what to say.

Matthew 13:22

“And he sawn amang the thorns, this is he wha hears the word, and than the cark oʼ the warlʼ, and the glamor oʼ riches, smoor the word, and it bears nae frute.

Matthew 6:31

“Sae be‐na sair trauchlʼt in yere mind, sayin, ‘What sal we eat?ʼ or ‘What sal we drink?ʼ or ‘Hoo sal we be cleedit?’

Matthew 6:34

“Hae than nae wearin‐care anent the day to come: for the morn wull hae care oʼ its ain. Eneuch for the day is its ain ill!

Mark 13:11

“And whan they lead ye, deliverin ye up, be‐na fashin yersels aforehaun what ye sal say; but whatsae sal be gien ye iʼ that ʼoor, that speak; for it isna ye that speak; but the Holie Spirit.

Mark 4:19

“And the cark oʼ the warld, and the glamor oʼ riches, and the fainness for ither things comin in, ding oot the Word, and it is unfrutefuʼ.

Luke 12:11

“But at sic times as they bring ye up afore the kirks, and the rulers, and the authorities, ye are‐na to be in a swither, as to what ye are to reply, nor what ye are to say.

Luke 8:14

“And thir that fell amang the thorns, are they that hear; and as they gang on their way, are smoorʼd wiʼ cark and care, and the gear and the joys oʼ this life, and bring nae frute to the ripenin.

Romans 8:32

He wha hained‐na his ain Son, but gied him up for us aʼ, sal he no wiʼ the gift oʼ him, gie us aʼ things in his lovin favor?

1 Corinthians 7:32

Moreover, I wad ye war free frae carkin care. The man no mairryʼt is tentie aboot the Lordʼs things, hoo he may pleasur the Lord;

Philippians 4:6

For naething be ye trauchlʼt iʼ yere minds; but in aʼ things by prayer and supplication, wiʼ gean oʼ thanks, lat yere needs be made kent to God.

2 Timothy 2:4

Nae ane serʼin as a sodger taigles his sel iʼ the affairs oʼ his “leevin”; that he may please him wha summoned him as a sodger.

1 Peter 5:7

Castin aʼ yere carkin cares on him, for that he is carin for ye.