Matthew 6:10 - New Testament in Braid Scots 1904 (William Wye Smith)

¹⁰ “ ‘Lat thy reign begin! Lat thy wull be dune, on the Yirth as in Heeven!

Matthew 6:10 Iomraidhean Croise

Matthew 12:50

“For wha sal do the wull oʼ my Faither Aboon, he is my brither, and sister, and mither!”

Matthew 16:28

“Truly say I tʼye, thar are thae staunin here, wha sal in naegate pree death, till they hae seen the Son oʼ Man comin in his Kingdom!”

Matthew 26:42

Again a second time he gaed aff, and prayed, sayin, “O my Faither! gin this canna gang by me unless I drink it, Thy wull be dune!”

Matthew 3:2

And quoʼ he, “Repent ye aʼ! for the kingdom oʼ Heeven is at haun!”

Matthew 4:17

Frae that time forth begude Jesus to preach; and quoʼ he, “Repent ye! for Heevenʼs kingdom draws nar‐haun!”

Matthew 7:21

“It isna ilka ane that cries oot ‘Lord, Lord!’ that gangs intil the Kingdom oʼ Heeven; but he that daes the wull oʼ my Faither wha is in Heeven.

Mark 11:10

“Blessed is the comin kingdom oʼ oor faither Dauvid! Hosanna iʼ the highest Heeven!”

Mark 3:35

“For wha dis the wull oʼ God, that same is my brither, and sister, and mither!”

Luke 19:11

And whilst they war listenin to thir things, he addit and spak a parable, forasmuckle as they war nar Jerusalem, and they expeckit the Kingdom oʼ God was at ance to shine oot.

Luke 19:38

Sayin, “Blessed is the comin King, iʼ the name oʼ the Lord! In Heeven peace; and glorie iʼ the heighest height!”

Luke 22:42

And said, “Faither! gif thou be willin, pit this cup frae me! Yet, no my wull, but thine be dune!”

John 4:34

Quoʼ Jesus, “Itʼs meat to me to do his wull that sent me, and finish his wark!

John 6:40

“And this is his wull wha sent me:— That ilk ane seein the Son, and lippenin on him, may win Life for Aye; and I sal raise him up at the Last Day.”

John 7:17

“Gin ony man do Godʼs wull, he sal ken aboot the rede, gin it be frae God, or gin I speak mysel, allenarlie.

Acts 13:22

“And whan he had putten him aside, he raised up Dauvid for their king. Oʼ him, he said, bearin witness, ‘I faund Dauvid, oʼ Jesse, a man eftir my ain heart, wha sal do aʼ my wull.’

Acts 21:14

And sae — as he wasna to be perswadit — we quat, sayin, “The Lordʼs wull be dune!”

Acts 22:14

“And he said, ‘Oor faithersʼ God appointit ye that ye micht ken his wull, and see the Richtous Ane, and hear words frae his mooth.

Romans 12:2

And no to be conform to this warld, but to be transformed by the renewin oʼ yere mind, that ye may pit to the prufe what is Godʼs gude, and perfete, and acceptable wull.

Ephesians 6:6

No by way oʼ ee‐service, as man‐pleasers, but as Christʼs servitors, doin Godʼs wull frae the heart;

Colossians 1:13

Wha deliverʼt us oot oʼ the pooer oʼ the mirkness, and translatit us intil the Kingdom oʼ the Son oʼ his love.

Colossians 1:9

And for this, we oorsels, frae what day we heard it, cease‐na prayer and seekin, that ye may be filled wiʼ the fuʼ knowledge oʼ his wull, in aʼ wisdom and spiritual discernment;

1 Thessalonians 4:3

For this is a thing God desires, eʼen yere holiness; that ye keep frae lecherie.

1 Thessalonians 5:18

In aʼ things gie thanks; for this is Godʼs wull in Christ Jesus toward ye.

Hebrews 1:14

Are‐na they aʼ waitin spirits, sent oot to wait on thae that sal inherit salvation?

Hebrews 10:36

For ye hae need oʼ patience, that haein dune Godʼs wull, ye may win the promise:

Hebrews 10:7

“Than said I, ‘Behauld, I am come — (at the heid oʼ the buik it is written oʼ me) — to do thy wull, O God!’ ”

Hebrews 13:21

Mak ye perfete in ilka gude thing for the workin oʼ his wull, doin in ye that whilk is weel‐pleasin afore his face, throwe Jesus Christ: tae wham be glorie for evir and evir! Amen.

1 Peter 2:15

For sae is Godʼs wull, that wiʼ weel‐doin ye soud pit to silence the ignorance oʼ glaikit men:

1 Peter 4:2

Sae that nae langʼer soud ye leeve iʼ the ill‐desires oʼ men the lave oʼ yere time iʼ the flesh.

Revelation 11:15

And the seeventh Angel soondit; and thar war lood voices in Heeven, sayin, “The Kingdom oʼ the Warld is come to be the Kingdom oʼ oor Lord, and oʼ his Anointit; and he sal reign for evir and aye!”

Revelation 12:10

And I heard a soondin voice in Heeven, sayin, “Noo comes the salvation, and the pooer, and the kingdom oʼ oor God, and the pooer oʼ his Anointit! for the Accuser oʼ oor brethren is cuisten‐doon, he that was wytin them afore oor God day and nicht.

Revelation 19:6

And I heard the voice as oʼ an unco thrang, and as the voice oʼ michty thunners, sayin, “Hallelujah! for the Lord oor God, the Almichty, is King!

Revelation 20:4

And I saw throns, and they sat on them; and judgment‐pooer was gien to them; and I saw the sauls oʼ them that war beheidit for the testimonie oʼ Jesus, and for the word oʼ God; and sae mony as worshipped‐na the beast nor his image, and took‐na the brand on the broo, nor on the haun; and they leeved wiʼ Christ, and reigned wiʼ him, a thoosand year.