Matthew 5:8 - New Testament in Braid Scots 1904 (William Wye Smith)

⁸ “Happy the pure‐heartit: for their een sal dwal upon God!

Matthew 5:8 Iomraidhean Croise

Acts 15:9

“And made nae differ ava atwixt us and them; purifyin their hearts by faith.

1 Corinthians 13:12

For noo we see but in a keekin‐gless, aʼ dimly; but than, clearly, face to face: noo, in pairt I ken; but than sal I ken, eʼen as I mysel hae been clearly kent.

2 Corinthians 7:1

Haein than thir promises, belovʼd anes, lat us mak oorsels free frae uncleanness oʼ flesh and saul, makin holiness perfete iʼ the fear oʼ God.

Titus 1:15

Aʼ things are clean to the clean: but to the unclean and unbelievin is naething clean: but baith their mind and conscience hae become unclean.

Hebrews 10:22

Lat us come nar, wiʼ leal hearts, in the fuʼ confidence oʼ faith; haein been strinklʼt in oor hearts frae an ill conscience; and haein been weshʼt in oor bodies wiʼ pure watir;

Hebrews 12:14

Follow peace wiʼ aʼ: and holiness; wantin whilk nae man sal see the Lord.

Hebrews 9:14

Hoo muckle mair sal the blude oʼ Christ, wha, throwe the ever‐leevin Spirit offerʼt his sel, wantin blemish, until God, purify yere conscience frae deid warks, to the offerin up oʼ a divine service to the leevin God?

James 3:17

But the wisdom that is frae Aboon is first to purify, than peaceable and cannie; easy to be entreatit, fuʼ oʼ mercy and gude frutes; wiʼ nae puʼin doon; and aefauld.

James 4:8

Draw ye nar to God, and he wul draw nar to you. Mak clean yere hauns, sinners! and purify yere hearts, ye dooble anes!

1 Peter 1:22

Haein made yere sauls clean, iʼ the obeyin oʼ the truth oot oʼ the heart wiʼ leal and britherly love, loʼe ye ane‐anither fondly.

Revelation 22:4

And they sal look on his face; wiʼ his name carryʼt on their broo.