Matthew 5:22 - New Testament in Braid Scots 1904 (William Wye Smith)

²² “But say I tʼye, Whasae is angry wiʼ his brither‐man, sal be in danger oʼ the Coort: and wha sal say to his brither‐man, ‘Gonyel!’ sal be in danger oʼ the Cooncil: but wha sal say ‘Fule!’ sal be in danger oʼ the fire oʼ hell!

Matthew 5:22 Iomraidhean Croise

Matthew 10:17

“But tak tent oʼ men! for they wull gie ye up to Cooncils, and clour ye iʼ their kirks;

Matthew 10:28

“And dreid‐na them wha slay the body, but canna slay the saul! but raither dreid ye him wha is able to wreck saul and body in hell!

Matthew 12:24

But whan the Pharisees heard that, quoʼ they, “This ane casts‐na oot demons but throwe Beelzebul, the prince oʼ the demons!”

Matthew 17:5

Whiles he was speakin, lo! a clud oʼ brichtness cam ower them; and a voice cam oot oʼ the clud, sayin, “This is my Son! the Beloved, wham I delicht in! Hear ye till him!”

Matthew 18:21

Than Peter comes forrit till him, and quoʼ he, “Lord, hoo aft may my brither‐man sin again me, and I maun forgie him? Seeven times?”

Matthew 18:35

“Eʼen sae sal my Heevenlie Faither do to you, gin ye forgie‐na ilk ane his brither‐man frae yere hearts!”

Matthew 23:15

“Wae for you, Scribes and Pharisees, pretenders! for ye gang ower yirth and sea to bring in ae disciple; and whan he is sae become, ye mak him twafauld mair a son oʼ hell than yersels!

Matthew 23:33

“Serpents! offspring oʼ vipers! hoo are ye to escape the judgment oʼ hell?

Matthew 25:41

“Then, eke, sal he say to them on his left haun, ‘Awa frae me, ye curst, intil nevir‐endin lowe, made ready for the deevil and his angels!

Matthew 26:59

Noo the Heid‐priests and the hail Cooncil socht fause witnesses again Jesus, that they micht pit him to deid;

Matthew 3:17

And tak tent! a voice oot oʼ the lift, sayin, “This is my Son, my Beloved, in wham I delicht!”

Matthew 5:34

“But say I, Sweer‐na ava! no by Heeven, for it is Godʼs thron:

Matthew 5:44

“But say I, Loʼe yere faes; bless the anes that ban and curse ye; seek the gude oʼ thae that hate ye; and pray for sic as shamefully ill‐treat ye, and seek for yere wrang:

Mark 14:55

Noo the Heid‐priests and aʼ the Cooncil socht for prufe again Jesus, for to pit him to deid: but coudna finʼ ony.

Mark 15:1

And straucht the Heid‐priests iʼ the mornin coonsellʼt wiʼ the Elders and Doctors, and the hail Cooncil, and bund Jesus, and led him awa and deliverʼt him up to Pilate.

Luke 12:5

“But Iʼse warn ye wham to dreid; ye soud dreid him wha can first kill, and than schute intil hell: aye, say I, him soud ye dreid!

Luke 22:66

And whan it cam the dawin, aʼ the Elders war gaitherʼt thegither, baith Heigh‐priests and Scribes; and they took him tae their Cooncil, sayin, “Gin ye are the Anointit, tell us!”

John 11:47

The Heigh‐priests and the Pharisees than gaitherʼt a Cooncil; and quoʼ they, “What are we to do? for this man dis mony wunner‐warks.

John 15:25

“But the word is come to pass whilk is putten doon iʼ their Law, ‘They ill‐wulled me, wantin a cause!’

John 7:20

The folk answerʼt, and quoʼ they, “Ye hae a demon; wha gang aboot to kill ye?”

John 8:48

Than answerʼt the Jews, and quoʼ they, “Dae we no say weel that ye are a Samaritan, and hae a deevil!”

Acts 17:18

And some, eʼen amang the wyse anes oʼ the Stoics and Epicureans, stude up again him: and a wheen war sayin, “What, aiblins, micht this gaberlunzie‐man be wantin to say?” Ithers spak, “He maun be a setter‐up oʼ foreign eidols;” for that he has giean oot the Blythe‐message oʼ Jesus and the Risin‐Again.

Acts 22:30

And on the morn, wantin to ken till a certaintie why he was wytit by the Jews, he lowsed him frae his bonds; and orderin aʼ the Heigh‐priests, and aʼ their Cooncil, to come thegither, he feshʼt Paul doon, and set him in their mids.

Acts 23:1

And lookin siccarlie at the Cooncil, Paul says, “Men! brethren! I, in a gude conscience, hae leevʼd on afore God, till this day!”

Acts 24:20

“Or lat thir here tell what ill they faund in me, as I stude afore the Cooncil;

Acts 4:15

But, ordering them oot oʼ the Court, they coonsellʼt amang their sels,

Acts 5:21

And whan they heard this, they enterʼt iʼ the dawin to the Temple, and spak. But the Heigh‐priest cam, and thae that war wiʼ him, and orderʼt the Cooncil thegither, and aʼ the men oʼ eild oʼ Israʼl, and sent to the toʼbooth to hae them brocht.

Acts 5:27

And whan they had brocht them, they set them fornent the Heigh‐Cooncil. And the Heigh‐priest speirʼt at them, sayin,

Acts 6:12

And they made a steer amang the folk, and elders, and scribes, and cam on him, and grippit him, and harlʼt him to the Cooncil,

Acts 6:15

And aʼ that war iʼ the Cooncil, glowerin at him, saw his face eʼen like an Angelʼs face!

Acts 7:37

“This is yon Moses, wha said to the children oʼ Israʼl, ‘A Prophet sal the Lord yere God raise up to ye oʼ yere brethren, like to me.’

Romans 12:10

In britherly love schaw tender affection ane to anither; in giean honor, surpassin ane anither.

1 Corinthians 6:10

Nor thieves, nor sellie, nor the drucken, nor thae that curse, nor extortioners, sal come to possess the Kingdom oʼ God.

1 Corinthians 6:6

But brither has a plea wiʼ brither, and that afore unbelievers!

1 Thessalonians 4:6

That nae man gang ayont, and defraud iʼ this maitter his brither; for an avenger is the Lord anent aʼ thir, eʼen as we tellʼt ye afore, and testifyʼt.

Titus 3:2

No to speak ill oʼ ony; no to be contentious: but cannie, schawin aʼ meekness to aʼ men.

Hebrews 12:25

Tak ye tent that ye rejeck‐na him that speaks! for gin they escapʼt?-?na wha rejeckit him wha on yirth was warnin them, hoo muckle less sal we escape, gin we turn oorsels awa frae him wha warns us frae Heeven!

Hebrews 5:9

And bein perfetit, becam to aʼ thae obeyin him the fundation oʼ an endless salvation;

James 2:20

But, wull ye learn, O vain man! that faith, sindry frae warks, is barren.

James 3:6

And the tongue is a fire, a warld oʼ wickedness! The tongue is amang oor pairts as that whilk defiles the hail body; and sets a‐lowe the wheel oʼ oor nateral life, and is set a‐lowe by hell!

1 Peter 2:23

Wha, whan miscaʼd, miscaʼd‐na again; sufferin, he banned‐na: but gied himsel ower to him wha judges justly.

1 Peter 3:9

No giean ill for ill, nor returnin miscaʼn for miscaʼin; but on the contrar giean blessin; for to this ye war bidden, that ye soud inherit a blessin.

1 John 2:9

He that says “He is iʼ the licht,” and hates his brither, is in the mirk eʼen till noo.

1 John 3:10

In siclike is made kent the bairns oʼ God, and the bairns oʼ Sautan. Nae ane that disna do richtousness is oʼ God, naither he that loeʼs‐na his brither.

1 John 5:16

Gin aiblins ony ane soud see his brither sinnin a sin no to death, he sal ask, and he wull gie him life, for thae sinnin no to death. Thar is a sin to death: no anent that am I sayin that he soud mak request.

Jude 1:9

Whaur‐as Michael the Archangel, whan contendin wiʼ Sautan he debatit aboot Mosesʼ body, daurna miscaʼ him; but quoʼ he, “The Lord repruve ye!”

Revelation 20:14

And Death and the Grave war cuisten intil the loch oʼ fire: this is the Second Death, the lowin loch.