Matthew 5:14 - New Testament in Braid Scots 1904 (William Wye Smith)

¹⁴ “Ye are the warldʼs licht. A toon biggit on a hill‐tap is aye seen.

Matthew 5:14 Iomraidhean Croise

John 12:36

“Whilst ye hae the licht, believe iʼ the licht; sae sal ye be bairns oʼ the licht!” Thir things spak Jesus, and gaʼed awa, and keepit his sel hidlins frae them.

John 5:35

“He was a licht that lowed and glintit; and ye war fain for a wee to glorie in his licht.

John 8:12

Than again spak Jesus to them, and said, “I am the warldʼs Licht! the man wha follows me walks‐na iʼ the mirk, but sal hae the licht oʼ Life!”

John 9:5

“While I am in the warld, I am the warldʼs licht.”

2 Corinthians 6:14

Be‐na yokin yer sels thrawartlie wiʼ misbelievers; for whatna ane‐ness hae holiness and iniquity; or hoo can licht marrow wiʼ mirkness?

Philippians 2:15

That ye may become fautless and innocent bairns oʼ God, wyteless amang a thrawart and perverse generation; amang wham schaw yersels as lichts iʼ the warld;

1 Thessalonians 5:5

For ye are bairns oʼ light; sons oʼ the day; we are‐na oʼ the nicht, nor yet oʼ the gloom.

Revelation 1:20

“The secret oʼ the seeven starns that ye saw on my richt haun, and the seeven lamp‐bearers oʼ gowd: the seeven starns are the messengers oʼ the Seeven Kirks; and the seeven lamp‐bearers are the Seeven Kirks.”

Revelation 2:5

“Bring ye to mind, than, frae whaur ye hae faun; and turn ye, and div ye yere first warks; or Iʼse come tʼye, and wull tak awa yere lamp‐bearer oot oʼ its place — gin ye turn‐na.